卻奧斯唔排除去英超發展
之前傳過曼聯想買卻奧斯，莫耶斯又親自入場去睇過佢表現，加埋卻奧斯細佬公開同大家講佢哋兩兄弟相討過轉會曼聯嘅傳聞，近日就終於輪到主角出聲喇! 卻奧斯周一表態，表明來季有去英超發展嘅可能性，而英國傳媒認為佢呢句說話，為曼聯今夏斟介一事打開咗大門。
當有記者詢問卻奧斯會唔會加盟曼聯時，卻奧斯就無作出咩回避，「我嘅去向一切都仲未有定論。對我嚟講，英超係一個選擇，但我無同任何球隊達成協議，而呢個狀況應該會維持去到世界盃。」
「如果我離開拜仁，我認為一切都有可能。我必須要為我自己好好考慮，並一定要做出一個正確嘅決定。在報導上寫我可能去英超發展，對於呢件事，並唔係咩新新聞。我依家未同拜仁就續約達成協議，另一方面，我亦都無同其他球隊談妥。」就算曼聯來屆無歐聯打，卻奧斯都強調並唔會因為咁而放棄曼聯，「如果我要離開拜仁，我會考慮一切可能性。」
卻奧斯雖然未就去向下決定，不過拜仁教練哥迪奧拿就表明立場想留住卻奧斯，「卻奧斯係一位非常有天賦嘅球員，表現好好，而且仲好後生，可以有進步嘅空間，變得越嚟越好。我之前已經同佢講過，假以時日佢會變得更好，我希望佢保持今季狀態，喺拜仁再踢多幾個賽季。」
當有記者詢問卻奧斯會唔會加盟曼聯時，卻奧斯就無作出咩回避，「我嘅去向一切都仲未有定論。對我嚟講，英超係一個選擇，但我無同任何球隊達成協議，而呢個狀況應該會維持去到世界盃。」
「如果我離開拜仁，我認為一切都有可能。我必須要為我自己好好考慮，並一定要做出一個正確嘅決定。在報導上寫我可能去英超發展，對於呢件事，並唔係咩新新聞。我依家未同拜仁就續約達成協議，另一方面，我亦都無同其他球隊談妥。」就算曼聯來屆無歐聯打，卻奧斯都強調並唔會因為咁而放棄曼聯，「如果我要離開拜仁，我會考慮一切可能性。」
卻奧斯雖然未就去向下決定，不過拜仁教練哥迪奧拿就表明立場想留住卻奧斯，「卻奧斯係一位非常有天賦嘅球員，表現好好，而且仲好後生，可以有進步嘅空間，變得越嚟越好。我之前已經同佢講過，假以時日佢會變得更好，我希望佢保持今季狀態，喺拜仁再踢多幾個賽季。」