曼聯專區小評：緬恩斯教曼聯點殺「仁」
要對陣拜仁，對世上任何一隊球隊都未必係一件易事，就連外國傳媒都一致睇好拜仁奪得歐聯，在大家心目中「宇宙仁」已經比「地上最強」更強、比「銀河艦隊」更豪華。反之，曼聯今季的成績真係慘不忍睹，難怪未戰已經被睇低一線。不過，正正就係因為曼聯已經無嘢好輸，面對背負「宇宙最強」名號的拜仁實在有偷雞的機會。而拜仁呢條中土世界最強魔龍，弱點真係唔多，不過好巧合地，呢個軟肋就喺緬恩斯嘅一場比賽中可以隱隱見到。
緬恩斯早前雖然敗予拜仁，不過比數其實不能反映全部的事實。教練杜查（Thomas Tuchel）在比賽之前早已經揚言，曾研究拜仁的過去比賽，准備咗三套針對性戰術迎戰。而這場比賽，緬恩斯甚至有機會先開紀錄，下半場曾經有攻勢中柱，如果唔係因為體能急速下降轉而穩守、比賽尾段改變戰術，隨時打破對手18場連勝的美夢。不過，究竟拜仁嘅弱點係咩呢？
要明白「弱」，先要明白「強」。拜仁最強一定要數控球能力，佢哋有波在腳其實好難可以搶到，加上傳送的次數多、準繩度高，要同佢哋鬥搶可謂自取其辱。因此，緬恩斯可謂將控球權讓俾拜仁，全場比賽控球率僅為22.2%，不過其精神面貌就以攻擊為主，以ESPN的講法就是「以火駁火」，選擇hit and run的戰術與拜仁搶攻。上半場N.梅拿的入楔攻門、下半場的祖普莫廷中柱，都顯示緬恩斯的心態是以攻為守。
隨了要以攻擊為核心之外，亦必須配以超快速反擊打亂拜仁，緬恩斯的岡崎慎司、祖普莫廷、N.梅拿都是以高速為武器，並以突破越位陷阱為攻擊模式，比賽中紐亞要棄門而出解圍的狼狽情狀就可見一斑。
曼聯的防線老實講已經今非昔比，要取得甜頭，必須要先打亂對手的攻勢。而既然岡崎慎司、祖普莫廷、N.梅拿都可以做到擾亂之效，曼聯又點會無辦法？香川真司、朗尼長短棍的傳送當然是防反的強大兵器，而華倫西亞、楊格、拉菲爾腳下功夫未必最頂級，不過速度超快，作為電兔突破越位非常好駛好用。呢啲都係可以擊落魔龍的最佳「黑箭」。
不過，點講都好，心態一定係最重要一環，如果可以有打死罷就的心態全力一搏，發揮對陣鎚仔幫時的信心打法，咁先可以有機會一拚。「你係瓷器，我係缸瓦」，知道自己無嘢可以輸，有前無後嘅曼聯絕對可以恐怖過「宇宙仁」。
緬恩斯早前雖然敗予拜仁，不過比數其實不能反映全部的事實。教練杜查（Thomas Tuchel）在比賽之前早已經揚言，曾研究拜仁的過去比賽，准備咗三套針對性戰術迎戰。而這場比賽，緬恩斯甚至有機會先開紀錄，下半場曾經有攻勢中柱，如果唔係因為體能急速下降轉而穩守、比賽尾段改變戰術，隨時打破對手18場連勝的美夢。不過，究竟拜仁嘅弱點係咩呢？
要明白「弱」，先要明白「強」。拜仁最強一定要數控球能力，佢哋有波在腳其實好難可以搶到，加上傳送的次數多、準繩度高，要同佢哋鬥搶可謂自取其辱。因此，緬恩斯可謂將控球權讓俾拜仁，全場比賽控球率僅為22.2%，不過其精神面貌就以攻擊為主，以ESPN的講法就是「以火駁火」，選擇hit and run的戰術與拜仁搶攻。上半場N.梅拿的入楔攻門、下半場的祖普莫廷中柱，都顯示緬恩斯的心態是以攻為守。
隨了要以攻擊為核心之外，亦必須配以超快速反擊打亂拜仁，緬恩斯的岡崎慎司、祖普莫廷、N.梅拿都是以高速為武器，並以突破越位陷阱為攻擊模式，比賽中紐亞要棄門而出解圍的狼狽情狀就可見一斑。
曼聯的防線老實講已經今非昔比，要取得甜頭，必須要先打亂對手的攻勢。而既然岡崎慎司、祖普莫廷、N.梅拿都可以做到擾亂之效，曼聯又點會無辦法？香川真司、朗尼長短棍的傳送當然是防反的強大兵器，而華倫西亞、楊格、拉菲爾腳下功夫未必最頂級，不過速度超快，作為電兔突破越位非常好駛好用。呢啲都係可以擊落魔龍的最佳「黑箭」。
不過，點講都好，心態一定係最重要一環，如果可以有打死罷就的心態全力一搏，發揮對陣鎚仔幫時的信心打法，咁先可以有機會一拚。「你係瓷器，我係缸瓦」，知道自己無嘢可以輸，有前無後嘅曼聯絕對可以恐怖過「宇宙仁」。