曼聯專區小評：WE don't know what WE are doing…
點樣先可以跳得高過巴黎鐵塔？人人都得，因為巴黎鐵塔唔識跳。咁，矮過費蘭尼成6寸嘅基列治點樣先可以跳得高過爆炸頭？唔通係裝備火箭？唔駛，就咁跳都得。因為，費蘭尼根本就同巴黎鐵塔一樣，唔跳。喺呢個曼聯攻勢入面，費蘭尼就連跳都費事跳，連攻門的決心都無。呢個唔係單一問題，呢個係曼聯今季整體的問題。
這絕對是不行，而非不能。只是短短一年前，費蘭尼對陣曼聯時就攻入過一記霸王頭鎚，完全壓制曼聯的守將頂入。而唔講遠，上仗對韋斯咸的決心突破，亦令佢可以殺入禁區。偏偏，對住曼城的守將就連跳頂都唔做。究竟發生咗咩事？
三日之間，心態就完全唔同哂，呢個係咩情況？
https://www.youtube.com/watch?v=43QjOV2G7-c
其實答案，就喺曼城身上面搵得到。藍月亮雖然都係由錢砌成，不過由搵砌圖開始，到砌出嚟，都有願景，有目標，球隊的定位非常清晰，其意識形態(ideology)好明顯：以攻為主，拿維斯、拿斯里等人打邊提供創造力及突破速度，大衛施華以playmaker身份登場。而中間的駁腳、連繫就交俾費蘭甸奴；前面一腳就俾迪斯高同尼格度做。占士米拿你駛唔駛攻？唔重要，因為有佢可以攻得更強，無都唔會唔識攻，因為前場的組合已經有哂底莊。
曼聯呢？唔好話意識形態，就好似網上瘋傳的諷刺照一樣，連莫耶斯自己都係I don't know what I am doing。最強十一人有無諗法？球隊的意識係咩？節奏係快係慢？長傳定短攻？創造力行先定係紀律性行先？得閒又81斬，得閒又打下創造足球，得閒又打下長傳急攻，球員無所適從，亦係費蘭尼今場點解無哂方向嘅原因。人好得意，有樣嘢叫條件反射，點解高比拜仁射籃球起手快、準確度高我一百倍，係因為佢射籃球多過筆者打稿，射門姿勢、力度已經可以不假思索，一蹴而至。同樣，戰術都係一樣。練波時雲佩斯走前朗尼大腳交到腳，日練夜練之後罩住朗尼雙眼佢都知雲佩斯走去邊。你唔練，望實佢交都交唔到腳。
咁就解釋到點解曼聯今時今日班波完全唔知自己做緊咩，除咗個艾夫拿同拉菲爾之外。佢哋完全繼承愛華頓的雙閘出擊戰術，亦好明顯佢哋日練夜練點後上，不過前場呢？點配合點走位應該無練過，因為根本就無一套戰術可跟。以前費蘭尼就日日練高波頂波攻門，家下要佢專心防務少啲攻，自然喺禁區企咗喺到思考人生。香川呢？比賽無得打就一定，平時更加唔知點同隊友夾，因為明知夾完無得出，默契要嚟無咩用。所以出韋碧克同卡華利好啱，因為成日正選嘅佢哋練嘅先係實戰用戰術，只不過級數呢味嘢，唔係練就夠。
以前曼聯的意識形態一定清晰啲，爵爺領軍嘅攻擊線以創造力為先，所以你會見到一班球員忽快忽慢，有hold波有長短傳，目的只有一個，拉散對手防線。今時今日，筆者真係講唔出前線的球員有咩目標想達到，有咩效果想打出嚟，所以好多入波都只係死球攻入，堂堂一隊以攻為主的紅魔鬼主場甚至錄得零得失球的出色紀錄。成隊波唔係打防反、唔係打技術、唔係打頭鎚、又唔係打小組入楔，淪為四不像。
呢個大家都唔知自己做緊咩的情況，在買人方面亦表露無遺。中場唔夠創造力，但係我哋買攻中、防中。買人唔係建基於球的戰術需要，而係為買而買。到呢到，筆者直情諗不如叫雲加嚟教曼聯，一班球員互相交波交到天荒地老都係風格、都係打整體，依家嘅曼聯打個人質素，呢種唔係足球而係拳賽…
這絕對是不行，而非不能。只是短短一年前，費蘭尼對陣曼聯時就攻入過一記霸王頭鎚，完全壓制曼聯的守將頂入。而唔講遠，上仗對韋斯咸的決心突破，亦令佢可以殺入禁區。偏偏，對住曼城的守將就連跳頂都唔做。究竟發生咗咩事？
三日之間，心態就完全唔同哂，呢個係咩情況？
https://www.youtube.com/watch?v=43QjOV2G7-c
其實答案，就喺曼城身上面搵得到。藍月亮雖然都係由錢砌成，不過由搵砌圖開始，到砌出嚟，都有願景，有目標，球隊的定位非常清晰，其意識形態(ideology)好明顯：以攻為主，拿維斯、拿斯里等人打邊提供創造力及突破速度，大衛施華以playmaker身份登場。而中間的駁腳、連繫就交俾費蘭甸奴；前面一腳就俾迪斯高同尼格度做。占士米拿你駛唔駛攻？唔重要，因為有佢可以攻得更強，無都唔會唔識攻，因為前場的組合已經有哂底莊。
曼聯呢？唔好話意識形態，就好似網上瘋傳的諷刺照一樣，連莫耶斯自己都係I don't know what I am doing。最強十一人有無諗法？球隊的意識係咩？節奏係快係慢？長傳定短攻？創造力行先定係紀律性行先？得閒又81斬，得閒又打下創造足球，得閒又打下長傳急攻，球員無所適從，亦係費蘭尼今場點解無哂方向嘅原因。人好得意，有樣嘢叫條件反射，點解高比拜仁射籃球起手快、準確度高我一百倍，係因為佢射籃球多過筆者打稿，射門姿勢、力度已經可以不假思索，一蹴而至。同樣，戰術都係一樣。練波時雲佩斯走前朗尼大腳交到腳，日練夜練之後罩住朗尼雙眼佢都知雲佩斯走去邊。你唔練，望實佢交都交唔到腳。
咁就解釋到點解曼聯今時今日班波完全唔知自己做緊咩，除咗個艾夫拿同拉菲爾之外。佢哋完全繼承愛華頓的雙閘出擊戰術，亦好明顯佢哋日練夜練點後上，不過前場呢？點配合點走位應該無練過，因為根本就無一套戰術可跟。以前費蘭尼就日日練高波頂波攻門，家下要佢專心防務少啲攻，自然喺禁區企咗喺到思考人生。香川呢？比賽無得打就一定，平時更加唔知點同隊友夾，因為明知夾完無得出，默契要嚟無咩用。所以出韋碧克同卡華利好啱，因為成日正選嘅佢哋練嘅先係實戰用戰術，只不過級數呢味嘢，唔係練就夠。
以前曼聯的意識形態一定清晰啲，爵爺領軍嘅攻擊線以創造力為先，所以你會見到一班球員忽快忽慢，有hold波有長短傳，目的只有一個，拉散對手防線。今時今日，筆者真係講唔出前線的球員有咩目標想達到，有咩效果想打出嚟，所以好多入波都只係死球攻入，堂堂一隊以攻為主的紅魔鬼主場甚至錄得零得失球的出色紀錄。成隊波唔係打防反、唔係打技術、唔係打頭鎚、又唔係打小組入楔，淪為四不像。
呢個大家都唔知自己做緊咩的情況，在買人方面亦表露無遺。中場唔夠創造力，但係我哋買攻中、防中。買人唔係建基於球的戰術需要，而係為買而買。到呢到，筆者直情諗不如叫雲加嚟教曼聯，一班球員互相交波交到天荒地老都係風格、都係打整體，依家嘅曼聯打個人質素，呢種唔係足球而係拳賽…