加利仔：錢唔係萬能
曼聯今季注定是失望及失敗的一季，我們都應該展望下季可以捲土重來。不過，應該以咩方式先可以做到？加利仔就同大家講，單係俾錢買人絕對唔係答案。
佢咁講：「令人好擔心，因為有好多人認為夏季轉會紅魔只要用1.5億英鎊買人，問題就可以迎刃而解。大家要知道，調整球隊同煲湯一樣(唔係老火湯，係英式餐湯，起碼唔駛煲足半日先)，要落更多調味料之前，顯然需要先知個湯味道出咗咩問題。目前，我真係唔確定應如何做起。
曼聯有錢，但過去8、9個月已經買咗沙夏、費蘭尼、馬達，共用8000萬英鎊。曼城引援都用咗1億，唔通曼聯應該效仿？關鍵問題不在於用錢，而係搵到實際買人目標、搵到真正適合曼聯嘅球員。上年求售過嘅法比加斯、巴利、拜恩斯甚至C朗都係頂級球員，能夠提升球隊的實力，但問題係，最終一個都買唔到，而且都未必係曼聯需要的。」
傾到曼聯依家嘅問題，加利仔就咁講：「防線退得太後，防守唔夠主動。中場方面，球員無法施壓、積極性亦不足；完全唔敢冒險，於是傳波速度太慢。傑斯仍然是頭號中場，上周對陣奧林比亞高斯佢展現出向前傳波嘅威力(串緊某啲球員唔識向前傳波？)。我認為曼聯前鋒線已擁有足夠嘅優秀球員，問題在於如何搵到最適合嘅位置，同點先打得出整體。莫耶斯要做嘅嘢仲有好多。」
最後，佢仲同大家講佢睇好車路士同曼城其中一隊奪冠，因為整體實力更強、經驗更豐富。單睇對陣曼聯時嘅表現，曼城可以從球場的不同位置完成入波，同時能夠防守完璧，迪米捷利斯同甘賓尼功不可沒。曼聯呢？以前嘅里奧同維迪可能做得到，今日呢…就真係要搵兩個強大的中堅先得喇。
佢咁講：「令人好擔心，因為有好多人認為夏季轉會紅魔只要用1.5億英鎊買人，問題就可以迎刃而解。大家要知道，調整球隊同煲湯一樣(唔係老火湯，係英式餐湯，起碼唔駛煲足半日先)，要落更多調味料之前，顯然需要先知個湯味道出咗咩問題。目前，我真係唔確定應如何做起。
曼聯有錢，但過去8、9個月已經買咗沙夏、費蘭尼、馬達，共用8000萬英鎊。曼城引援都用咗1億，唔通曼聯應該效仿？關鍵問題不在於用錢，而係搵到實際買人目標、搵到真正適合曼聯嘅球員。上年求售過嘅法比加斯、巴利、拜恩斯甚至C朗都係頂級球員，能夠提升球隊的實力，但問題係，最終一個都買唔到，而且都未必係曼聯需要的。」
傾到曼聯依家嘅問題，加利仔就咁講：「防線退得太後，防守唔夠主動。中場方面，球員無法施壓、積極性亦不足；完全唔敢冒險，於是傳波速度太慢。傑斯仍然是頭號中場，上周對陣奧林比亞高斯佢展現出向前傳波嘅威力(串緊某啲球員唔識向前傳波？)。我認為曼聯前鋒線已擁有足夠嘅優秀球員，問題在於如何搵到最適合嘅位置，同點先打得出整體。莫耶斯要做嘅嘢仲有好多。」
最後，佢仲同大家講佢睇好車路士同曼城其中一隊奪冠，因為整體實力更強、經驗更豐富。單睇對陣曼聯時嘅表現，曼城可以從球場的不同位置完成入波，同時能夠防守完璧，迪米捷利斯同甘賓尼功不可沒。曼聯呢？以前嘅里奧同維迪可能做得到，今日呢…就真係要搵兩個強大的中堅先得喇。