曼聯專區小評：歐戰後話 ESPN話費蘭尼似哥斯拉？？
筆者真心感覺曼聯對拜仁的比賽有啲好彩，喺睇完車仔、多蒙特都輸波之後更加有呢個感覺。對住宇宙最強嘅拜仁都可以和波，真係算有交待喇！不過交待還交待，都仍然有好多嘢值得深思一下嘅。
小弟早前已經寫過，打防反可能係其中一個可以擊敗拜仁的戰術，而緬恩斯正正就試過一次(見曼聯專區小評：緬恩斯教曼聯點殺「仁」)。咁啱得咁橋，莫耶斯真係用咗緬恩斯嘅終極防反戰，而結果亦比緬恩斯好，最少保得和局。其實兩場波真係幾似，緬恩斯全場比賽控球率僅為22.2%；曼聯呢？都係得26%，可以話係將控球權完全俾哂對方。洛賓自己都講，曼聯好似打手球咁，成隊人塞哂喺禁區入面，只係依靠反擊、突擊取得點數。先唔好理人哋喜唔喜歡，呢個戰術確係有再用多一次嘅價值。
不過，呢場波亦睇到一啲球員實在有「進步空間」。打防反，筆者明白速度好重要，用韋大帝無可厚非，不過佢嘅把握力真係有待改進，唔係上半場佢嘅笠射唔入，可能曼聯下半場可以再打得好啲…然而，最需要諗諗嘅係中場，尤其係爆炸頭費蘭尼，佢腳下有波大家就要驚一驚，一逼就甩、只懂回傳，完全無法組織都算，連好好交一腳波都唔得，ESPN甚至形容佢為：「你要費蘭尼控好個波，就好似要哥斯拉用腳泊好一部mini copper一樣咁難。」控波都算喇，根據OPTS統計，7個爭頂先贏得一次，空有1米94的身型而發揮唔到，真係有啲問題噃…所以，次回合都係乖乖哋用返費查同香川真司啦…
單計人腳、質素，曼聯下回合其實都真係無咩勝算，就算俾你搏到1:1都仲要打加時、十二碼。筆者自己就唔會太大期望，咁就無咩失望架喇！只要曼聯下場打出戰意，戰果係點又有咩所謂呢？
HI 費蘭尼！
小弟早前已經寫過，打防反可能係其中一個可以擊敗拜仁的戰術，而緬恩斯正正就試過一次(見曼聯專區小評：緬恩斯教曼聯點殺「仁」)。咁啱得咁橋，莫耶斯真係用咗緬恩斯嘅終極防反戰，而結果亦比緬恩斯好，最少保得和局。其實兩場波真係幾似，緬恩斯全場比賽控球率僅為22.2%；曼聯呢？都係得26%，可以話係將控球權完全俾哂對方。洛賓自己都講，曼聯好似打手球咁，成隊人塞哂喺禁區入面，只係依靠反擊、突擊取得點數。先唔好理人哋喜唔喜歡，呢個戰術確係有再用多一次嘅價值。
不過，呢場波亦睇到一啲球員實在有「進步空間」。打防反，筆者明白速度好重要，用韋大帝無可厚非，不過佢嘅把握力真係有待改進，唔係上半場佢嘅笠射唔入，可能曼聯下半場可以再打得好啲…然而，最需要諗諗嘅係中場，尤其係爆炸頭費蘭尼，佢腳下有波大家就要驚一驚，一逼就甩、只懂回傳，完全無法組織都算，連好好交一腳波都唔得，ESPN甚至形容佢為：「你要費蘭尼控好個波，就好似要哥斯拉用腳泊好一部mini copper一樣咁難。」控波都算喇，根據OPTS統計，7個爭頂先贏得一次，空有1米94的身型而發揮唔到，真係有啲問題噃…所以，次回合都係乖乖哋用返費查同香川真司啦…
單計人腳、質素，曼聯下回合其實都真係無咩勝算，就算俾你搏到1:1都仲要打加時、十二碼。筆者自己就唔會太大期望，咁就無咩失望架喇！只要曼聯下場打出戰意，戰果係點又有咩所謂呢？
HI 費蘭尼！