「壞孩子」巴頓話「壞孩子」朗尼唔夠乖！

曾經有一件咁嘅事發生過：筆者有一位同事俾另一位同事話佢肥，重點係，先撩者其實都真係幾肥，被話嘅反而瘦兩個碼。就係因為咁個恥辱感就更強，瘦瘦同事反而更出力去減，一個周末就瘦咗3磅返公司花枝招展。同樣情況，出名「壞孩子」嘅祖爾巴頓竟然行出嚟講，朗尼先係「壞孩子」！你話幾咁戲劇性？不過佢咁講，其實係有原因架。
個個讚你乖其實我最乖！
佢咁講：「朗尼原本可以同c朗並駕齊驅，一齊做世界最頂級的球員，不過佢嘅精神力完全比唔上c朗，簡直係差天共地。點解c朗可以成為世界最頂級球員而朗尼唔得，你睇佢哋平時搞咩就知。朗尼自己食煙食到傻，咁嘅生活習慣啱唔啱？c朗平時一係就去gym一係就去練波，維持最高的紀律，呢個就係c朗可以成為世界最強的原因，亦係朗尼唔得嘅原因。」

祖爾巴頓自己飲酒打人咩都齊，唔好話佢有口話人無口話自己，佢先最有資格話你知咩叫「壞」。而朗尼嘅狀態確係無c朗咁穩定，佢同c朗嘅潛質可能相差無幾，不過乖唔乖可能就真係分野嘅地方。我哋可以對比下佢哋嘅數據，當然啦，隊友係邊個、隊波咩style都會影響，大家參考參考就算喇！
2004/05年
朗尼29場比賽入11球，2助攻
C朗33場比賽入5球，4助攻

2013/14年
朗尼27場比賽入15球，10助攻
C朗27場比賽入28球，8助攻

(ps：其實筆者真正想比嘅，係韋大帝今年都21場比賽入9球，1助攻，比起當年c朗、朗尼都唔算差架！)
乖咩呀？是旦啦！巴頓你講呢啲？