曼聯專區小評：莫帥紅魔路的高高低低
莫耶斯短短10個月的紅魔領軍日子雖然令不少曼迷一次又一次傷心，不過佢其實亦有貢獻，絕不是只有毀譽。現在就讓我們回顧一下莫帥呢一年的高高低低。
高處：
莫帥最大的貢獻，不得不提新星贊奴沙的提拔。莫帥在愛華頓時對青年軍的提拔已經有一定成就，來到曼聯就更發掘出呢位明日之星。意大利媒體《米蘭體育報》在全球範圍選出最具潛力的十位足球新星，贊奴沙就排名第一，比利物浦的史達寧排名高出四位。而他在對黑貓時梅開二度，拯救曼聯成為一時佳話。
而他的歐戰成績其實比聯賽悅目得多，5-0、4-1兩回合大勝利華古遜、在落後兩球的情況下反勝奧林比亞高斯晉級都係非常令人振興，而可以先戰和「宇宙仁」一場，其實亦有交待。
當然，買人方面你可以話莫帥無爵爺咁勁，不過佢都將大將馬達引入曼聯，一開始可能受制於戰術及未有默契，打得有啲唔順，不過到後莫耶斯年代，佢同小豆、香川真司的配合越發成熟，其實已經為新曼聯的攻擊體制打造了初步的模組。之後會點，就要睇下新帥係邊個喇！
低點：
如果要數，莫帥的低點其實由一開始入魔已經出現：梅倫史甸、費蘭、門將教練史迪爾的離隊其實對曼聯的影響非同一般，新的教練團隊如活士、蘭特甚至是菲臘仔都不精於戰術訓練，令今季曼聯無法與強隊周旋。
如果要數，莫帥的低點其實由季前已經開始，轉會市場中連連失利，法比仔來投失敗、靴里拉來投失敗、艾簡達拿來投失敗、最後來投的費蘭尼又唔知點解發揮唔到、狀態時好時壞，最後令紅魔一籌莫展。當然，馬達來投幫佢加返啲分數，不過佢真係嚟得太遲，位置上亦常被配置於唔舒服的地方…
而當然，最令人心傷嘅係接二連三的敗予宿敵，三球輸予曼城、紅軍實在令人氣難下。而被舊東家愛華頓雙殺，亦令人感到有點諷刺：你又係初到貴境、馬天尼斯又係初到貴境；一隊就衛冕冠軍、一隊就久違前四，點解人哋成績仲好過你嘅？
來到呢一步，大家都只可以目送有讚有彈的莫帥離開，依家要做嘅，就係睇下傑斯領軍之下會唔會有神來之筆俾大家睇下喇！
高處：
莫帥最大的貢獻，不得不提新星贊奴沙的提拔。莫帥在愛華頓時對青年軍的提拔已經有一定成就，來到曼聯就更發掘出呢位明日之星。意大利媒體《米蘭體育報》在全球範圍選出最具潛力的十位足球新星，贊奴沙就排名第一，比利物浦的史達寧排名高出四位。而他在對黑貓時梅開二度，拯救曼聯成為一時佳話。
而他的歐戰成績其實比聯賽悅目得多，5-0、4-1兩回合大勝利華古遜、在落後兩球的情況下反勝奧林比亞高斯晉級都係非常令人振興，而可以先戰和「宇宙仁」一場，其實亦有交待。
當然，買人方面你可以話莫帥無爵爺咁勁，不過佢都將大將馬達引入曼聯，一開始可能受制於戰術及未有默契，打得有啲唔順，不過到後莫耶斯年代，佢同小豆、香川真司的配合越發成熟，其實已經為新曼聯的攻擊體制打造了初步的模組。之後會點，就要睇下新帥係邊個喇！
低點：
如果要數，莫帥的低點其實由一開始入魔已經出現：梅倫史甸、費蘭、門將教練史迪爾的離隊其實對曼聯的影響非同一般，新的教練團隊如活士、蘭特甚至是菲臘仔都不精於戰術訓練，令今季曼聯無法與強隊周旋。
如果要數，莫帥的低點其實由季前已經開始，轉會市場中連連失利，法比仔來投失敗、靴里拉來投失敗、艾簡達拿來投失敗、最後來投的費蘭尼又唔知點解發揮唔到、狀態時好時壞，最後令紅魔一籌莫展。當然，馬達來投幫佢加返啲分數，不過佢真係嚟得太遲，位置上亦常被配置於唔舒服的地方…
而當然，最令人心傷嘅係接二連三的敗予宿敵，三球輸予曼城、紅軍實在令人氣難下。而被舊東家愛華頓雙殺，亦令人感到有點諷刺：你又係初到貴境、馬天尼斯又係初到貴境；一隊就衛冕冠軍、一隊就久違前四，點解人哋成績仲好過你嘅？
來到呢一步，大家都只可以目送有讚有彈的莫帥離開，依家要做嘅，就係睇下傑斯領軍之下會唔會有神來之筆俾大家睇下喇！