曼聯專區小評：雲高爾是否可以拯救曼聯？
莫帥離隊之後，呼聲最高的接任人是荷蘭教頭雲高爾。其實佢好早嘅時候已經有機會入主曼聯，不過離嗰一刻已經相隔近十二年喇…現年63嘅佢，究竟對曼聯有無作用呢？
小回顧
23年的職業領隊生涯，雲高爾可以話係冠軍的常客，一出道時就助阿積士三奪荷甲，而且亦名揚歐洲賽場。當時佢嘅隊中有幾位大將，好似現時的AC教頭施多夫、前巴塞隆拿教練列卡特、古華特，同埋大家心目中只係僅次於舒米高嘅鋼龍：雲達沙！
之後佢就去咗教巴塞，亦取得兩個西甲冠軍。之後教咗兩年荷蘭國家隊，佢就返咗去巴塞，點知就出咗事，巴塞當年輸波好似食生菜咁，甚至曾經有一段時間徘徊降班邊緣，令佢教咗短短八個月就離隊（咁睇，莫帥算OK架喇！另外呢個係2002-2003球季，巴塞最後以第六名完成賽季，都係史上最慘烈的成績…）
呢個時候，就傳出爵爺要退休搵人接手：「其實2002年世盃前夕，我已經與曼聯有所接觸。當時爵爺話想退休，只要佢一走，我就會上任。但係，佢最後都無走到。」
之後佢教過荷甲球會阿爾克馬爾達、亦去過德甲幫拜仁奪得2009/10球季的冠軍，然後就返咗荷蘭國家隊到依家喇。
統領風格
如果要形容雲高爾，就要用呢個詞去形容：鐵腕。當年名將李華度鋒芒一時無倆，打左翼打到識飛。不過佢自己志得意滿，認為自己打影子前鋒更勁，於是同雲高爾講：「我唔想再打左面，我要打影子前鋒。」雲高爾就話：「拿，要打影子前鋒係你講架。」最後，李華度就打咗…後備。由此可見，無一位球員可以大得過佢，雲帥先係球隊的話事人，佢要你打左，你就無得打中間。所以，如果曼聯陣中有大牌球員死都要打前鋒，不過雲帥認為佢應該要打中場，佢只可以揀：打中場，或者打後備。
戰術風格
同莫帥唔同，雲帥係絕對嘅攻擊主義者。唔講遠，單單係2014年世盃歐洲區外圍賽，只有德國隊入波多過荷蘭隊，佢哋攻入嘅34球入面，雲佩斯佔咗11球。荷蘭籍體能教練維爾海恩（Raymond Verheijen）就指，雲帥擅長建立隊伍中嘅團結性，而且係一個好好嘅戰術教練。不過佢有一點都幾特別，就係硬頸過人，拜仁當年喺佢手下打4231打得幾好，於是雲帥就唔轉陣，球員有傷又好、對邊一隊隊伍都好，仍然都係4231。
自我評價
雲帥咁講自己：「我係一個哲學主導嘅人，我要我嘅球員迷上我嘅領軍哲學。咁係咩？攻擊主導、技術主導同戰術主導。大家都要共同為球隊付出，年紀並不重要。」
筆者小評
雲帥嘅優點正正就係莫帥所欠嘅：奪冠經驗、震懾大牌球員的能力、戰術嘅運用。但係雲帥嘅缺點正正就係莫帥嘅優點：年紀實在大咗啲喇…不過，以佢嘅過往戰績，筆者認為佢都唔會教得太耐，最多都係兩、三個年頭。作為過渡，佢應該有能力可以帶返起曼聯、再次回到歐戰的賽場。所以，筆者心目中嘅真命天子，其實係佢：好大可能作為雲帥副手嘅，現任暫代領隊傑斯。就連雲帥都做咗三年副教練先坐正阿積士領隊之位，傑斯幾十年魔心、跟佢學幾年嘢，夠料做魔頭啦！
小回顧
23年的職業領隊生涯，雲高爾可以話係冠軍的常客，一出道時就助阿積士三奪荷甲，而且亦名揚歐洲賽場。當時佢嘅隊中有幾位大將，好似現時的AC教頭施多夫、前巴塞隆拿教練列卡特、古華特，同埋大家心目中只係僅次於舒米高嘅鋼龍：雲達沙！
之後佢就去咗教巴塞，亦取得兩個西甲冠軍。之後教咗兩年荷蘭國家隊，佢就返咗去巴塞，點知就出咗事，巴塞當年輸波好似食生菜咁，甚至曾經有一段時間徘徊降班邊緣，令佢教咗短短八個月就離隊（咁睇，莫帥算OK架喇！另外呢個係2002-2003球季，巴塞最後以第六名完成賽季，都係史上最慘烈的成績…）
呢個時候，就傳出爵爺要退休搵人接手：「其實2002年世盃前夕，我已經與曼聯有所接觸。當時爵爺話想退休，只要佢一走，我就會上任。但係，佢最後都無走到。」
之後佢教過荷甲球會阿爾克馬爾達、亦去過德甲幫拜仁奪得2009/10球季的冠軍，然後就返咗荷蘭國家隊到依家喇。
統領風格
如果要形容雲高爾，就要用呢個詞去形容：鐵腕。當年名將李華度鋒芒一時無倆，打左翼打到識飛。不過佢自己志得意滿，認為自己打影子前鋒更勁，於是同雲高爾講：「我唔想再打左面，我要打影子前鋒。」雲高爾就話：「拿，要打影子前鋒係你講架。」最後，李華度就打咗…後備。由此可見，無一位球員可以大得過佢，雲帥先係球隊的話事人，佢要你打左，你就無得打中間。所以，如果曼聯陣中有大牌球員死都要打前鋒，不過雲帥認為佢應該要打中場，佢只可以揀：打中場，或者打後備。
戰術風格
同莫帥唔同，雲帥係絕對嘅攻擊主義者。唔講遠，單單係2014年世盃歐洲區外圍賽，只有德國隊入波多過荷蘭隊，佢哋攻入嘅34球入面，雲佩斯佔咗11球。荷蘭籍體能教練維爾海恩（Raymond Verheijen）就指，雲帥擅長建立隊伍中嘅團結性，而且係一個好好嘅戰術教練。不過佢有一點都幾特別，就係硬頸過人，拜仁當年喺佢手下打4231打得幾好，於是雲帥就唔轉陣，球員有傷又好、對邊一隊隊伍都好，仍然都係4231。
自我評價
雲帥咁講自己：「我係一個哲學主導嘅人，我要我嘅球員迷上我嘅領軍哲學。咁係咩？攻擊主導、技術主導同戰術主導。大家都要共同為球隊付出，年紀並不重要。」
筆者小評
雲帥嘅優點正正就係莫帥所欠嘅：奪冠經驗、震懾大牌球員的能力、戰術嘅運用。但係雲帥嘅缺點正正就係莫帥嘅優點：年紀實在大咗啲喇…不過，以佢嘅過往戰績，筆者認為佢都唔會教得太耐，最多都係兩、三個年頭。作為過渡，佢應該有能力可以帶返起曼聯、再次回到歐戰的賽場。所以，筆者心目中嘅真命天子，其實係佢：好大可能作為雲帥副手嘅，現任暫代領隊傑斯。就連雲帥都做咗三年副教練先坐正阿積士領隊之位，傑斯幾十年魔心、跟佢學幾年嘢，夠料做魔頭啦！