曼聯專區小評：由朗尼打邊談英軍壓力
乍看之下，英軍面對的壓力與朗尼是否應該打左邊好似無咩關係，不過呢個只係表面一浸。卜比笠臣曾經在90年代、意大利世界盃時全面禁止媒體採訪英軍，當時英軍的表現可圈可點，再加上少少幸運，殺入季軍戰不敵意大利得第四。當然啦，依家已經無咩人講過「禁訪」對英軍的幫助，不過佢哋備受國內外的傳媒壓力可以話係咁多年來無變過。
卜比笠臣的「禁訪」有無用呢？
媒體一直都對英軍「虎視眈眈」，由當年碧咸的傳中靚啲定安達頓（Darren Anderton）嘅傳中靚啲；拗到謝拉特、林伯特能否並存，而最近的話題當然係朗尼在三獅軍團嘅位置。呢到，要拉遠少少，講下爵爺先。佢同朗尼的亦師亦友、亦係敵人的關係非常微妙，不過作為曼聯的最強大領隊之一，佢當然好識得用朗尼。喺爵爺眼中，佢比韋碧克更適合打左翼，因為佢有能力力爆左邊、cut入禁區施展其破壞性極高嘅中近距離右腳射門。而佢嘅突破能力，當今真係無邊個右後衛可以擋得住。數返2008年係朗尼最當打的日子之一，佢正正就係司職左路，同c朗、迪維斯組成令人聞風喪膽嘅三叉戟。
但係朗尼唔係咁諗：「我以前對打其他位置無咩要求，不過我係一個前鋒，我感覺我依家有必要打返自己嘅位置。」呢個講法，正正就係佢同傳媒發表、向鶴臣表示姿態的舉動。就算唔講呢個「渠道」，傳媒一直對佢講「你咁多年來的世界盃都無波入噃！點睇先？」其實亦係俾咗朗尼好大的心理壓力，令他想打前鋒入下波，塞住其他人把口。不過，係唔係真係咁先係對國家隊好呢？打左面的朗尼其實威力好強，或者佢依家拍史杜列治同韋碧克可能同拍c朗、迪維斯好唔同，不過可以做到的功夫絕唔會因為拍檔的問題而少咗。如果無媒體的逼迫，朗尼會唔會甘心啲、唔去搶前鋒打呢？
朗尼可能只係冰山一角，傳媒對英軍的逼迫又何止咁少？仲係未有解決方法嘅雙特在陣、一直未搵到嘅英軍最強前鋒、英軍轟炸機卡路爾要唔要好、對年輕小將梳爾的太大期望，等等等等…可能少一點追訪，英軍就可以在世盃行前多一步。卜比笠臣的「禁訪」，諗得過。
卜比笠臣的「禁訪」有無用呢？
媒體一直都對英軍「虎視眈眈」，由當年碧咸的傳中靚啲定安達頓（Darren Anderton）嘅傳中靚啲；拗到謝拉特、林伯特能否並存，而最近的話題當然係朗尼在三獅軍團嘅位置。呢到，要拉遠少少，講下爵爺先。佢同朗尼的亦師亦友、亦係敵人的關係非常微妙，不過作為曼聯的最強大領隊之一，佢當然好識得用朗尼。喺爵爺眼中，佢比韋碧克更適合打左翼，因為佢有能力力爆左邊、cut入禁區施展其破壞性極高嘅中近距離右腳射門。而佢嘅突破能力，當今真係無邊個右後衛可以擋得住。數返2008年係朗尼最當打的日子之一，佢正正就係司職左路，同c朗、迪維斯組成令人聞風喪膽嘅三叉戟。
但係朗尼唔係咁諗：「我以前對打其他位置無咩要求，不過我係一個前鋒，我感覺我依家有必要打返自己嘅位置。」呢個講法，正正就係佢同傳媒發表、向鶴臣表示姿態的舉動。就算唔講呢個「渠道」，傳媒一直對佢講「你咁多年來的世界盃都無波入噃！點睇先？」其實亦係俾咗朗尼好大的心理壓力，令他想打前鋒入下波，塞住其他人把口。不過，係唔係真係咁先係對國家隊好呢？打左面的朗尼其實威力好強，或者佢依家拍史杜列治同韋碧克可能同拍c朗、迪維斯好唔同，不過可以做到的功夫絕唔會因為拍檔的問題而少咗。如果無媒體的逼迫，朗尼會唔會甘心啲、唔去搶前鋒打呢？
朗尼可能只係冰山一角，傳媒對英軍的逼迫又何止咁少？仲係未有解決方法嘅雙特在陣、一直未搵到嘅英軍最強前鋒、英軍轟炸機卡路爾要唔要好、對年輕小將梳爾的太大期望，等等等等…可能少一點追訪，英軍就可以在世盃行前多一步。卜比笠臣的「禁訪」，諗得過。