曼聯專區小評：香川仲有一個機會！
日本今季世界盃表現真係麻麻，第一仗先輸予科特迪瓦；再對住十人應戰嘅希臘都無法全取三分。陣中曼聯大將香川真司一直都被英媒質疑其能力，筆者早前與日本的體育記者見面時，他們都認為國外對他的評擊太過份，在日本國內香川的風評其實非常好。只係佢一直態沉，總係無法助日本打出好成績，要為自己洗刷名聲，睇嚟只有一個機會：對哥倫比亞的殊死戰。
香川真司一直被譽為陣中的重要球員之一，不過在對科特迪瓦時進退失據，明顯態沉。除了做一點點駁腳的功夫之外，佢大部分時候都係隱形居多。而對科特迪瓦失第一球時，就係因為左路保護控球權不力，而香川正正就是於左路的重鎮之一。比賽過後他都明白自己打得唔好：「一開始比賽時壓力很大、很緊張，我有不少的犯錯。而且我一直搵唔到個比賽節奏，體能上亦都被壓制。我們嘗試找到突破點，但無奈大家速度都拖慢了。我輸掉了一場有自己份的戰役。」
教練沙哲朗尼（Alberto Zaccheroni）都看出香川的狀態問題，已經於對希臘時收起他的正選位置。然而對比賽幫助都不大，沒有他的日本隊依然沒有起色。他後備出場之後都交過不少成功的傳送，不過真正有威脅的攻勢其實不多。
從香川的打法看來，他絕不是「one-man bank」，要有光譜相近的球員協作才可以產生協同效應，就如上一季香川一直都表現唔太好，不過只要一與馬達同場，他們的互相短傳就發揮到出來了。日本隊中與他相同光譜的球員就是AC米蘭的大將本田圭佑了。對科特迪瓦時他令對手得個睇字嘅射波、壓過耶耶托尼都表現出佢嘅強大能力。可惜，可能係體能或者天氣問題，佢就係打咗半場好波咁大把。之後日本的雙核都好似生咗鏽一樣，再無法推動周遭的藍武士。對哥倫比亞的比賽，一方面是日本隊晉級必須背水一戰的重要比賽；同時亦係香川同本田殺出血路、展現自己能力的試金石。為了讓雲高爾另眼相看、為了令人知道你不是「德甲專用攻中」，香川真司你要加油呀！呢個係最後機會喇！
唔好咁迷啦香川！
你兩個都要爭氣！跳過難關佢啦！
香川真司一直被譽為陣中的重要球員之一，不過在對科特迪瓦時進退失據，明顯態沉。除了做一點點駁腳的功夫之外，佢大部分時候都係隱形居多。而對科特迪瓦失第一球時，就係因為左路保護控球權不力，而香川正正就是於左路的重鎮之一。比賽過後他都明白自己打得唔好：「一開始比賽時壓力很大、很緊張，我有不少的犯錯。而且我一直搵唔到個比賽節奏，體能上亦都被壓制。我們嘗試找到突破點，但無奈大家速度都拖慢了。我輸掉了一場有自己份的戰役。」
教練沙哲朗尼（Alberto Zaccheroni）都看出香川的狀態問題，已經於對希臘時收起他的正選位置。然而對比賽幫助都不大，沒有他的日本隊依然沒有起色。他後備出場之後都交過不少成功的傳送，不過真正有威脅的攻勢其實不多。
從香川的打法看來，他絕不是「one-man bank」，要有光譜相近的球員協作才可以產生協同效應，就如上一季香川一直都表現唔太好，不過只要一與馬達同場，他們的互相短傳就發揮到出來了。日本隊中與他相同光譜的球員就是AC米蘭的大將本田圭佑了。對科特迪瓦時他令對手得個睇字嘅射波、壓過耶耶托尼都表現出佢嘅強大能力。可惜，可能係體能或者天氣問題，佢就係打咗半場好波咁大把。之後日本的雙核都好似生咗鏽一樣，再無法推動周遭的藍武士。對哥倫比亞的比賽，一方面是日本隊晉級必須背水一戰的重要比賽；同時亦係香川同本田殺出血路、展現自己能力的試金石。為了讓雲高爾另眼相看、為了令人知道你不是「德甲專用攻中」，香川真司你要加油呀！呢個係最後機會喇！
唔好咁迷啦香川！
你兩個都要爭氣！跳過難關佢啦！