星仔結婚請帖內藏「夢劇場」！

夢劇場對你而言係咩？係聖地？係夢想之地？定係好似李克勤咁(當然你都可以諗係翠如BB XD)係影結婚相的地方？對於一位喺奧脫福七年嘅球員嚟講，夢劇場係一個要印喺帖上面嘅地方！而呢位球員，就係星仔朴智星！

上季掛靴的星仔以擁有三個肺(笑)揚名曼聯，以亞洲球員而言佢真係非常成功，曾經係爵爺歐聯的必選球員之一。而星仔就連Big Day都不忘奧脫福，請飲張帖都以曼聯主場為主題，以紙雕方式喺帖入面整個立體奧脫福出嚟！而呢個世紀婚禮主題係「Wedding of Dreams」，絕對係相對應夢劇場「Theater of Dream」，是對曼聯最大的致敬！
星仔掛靴之後，唔單止成日上電視、上下running man咁，就連未婚妻都係公仔箱嘅人，將與主播女友金敏智於7月27日結婚，而呢一張奧脫福帖呢，大家就只可以望到實、流口水喇！