曼聯專區小評：雲高爾絕對係好老闆！
荷蘭的關鍵一刻又出現在十二碼，「十二碼大師」告爾無出場，正選門將施利臣一球都撲唔到，最後荷蘭出局，賽後雲高爾更稱「有得換，我會換告爾。」當然球壇對此有不同聲音啦！好似大簡簡拿華路就話雲高爾好唔尊重龍門，而且亦有唔同人講過，好似雲高爾有啲問題噃，佢無顧及球員感受噃，如果呢間係一間公司，上司唔信任我，我一早辭職啦！呢個老細好有問題！
老老實實，筆者半堂management 嘅堂都無上過，不過都有啲個人見解，看官喜歡不喜歡就隨大家喇！好老闆，可以分兩種：一種係目的行先，但快狠準；一種係民心高企、將士用命。雲高爾點睇，都係前者居多。你見佢得罪人多稱呼人少，就知佢係公司惡霸「我最大」，李華度你係勁又點？你唔乖，我話唔用你就唔用！我話你要打左面就打左面，唔想打我就放你喺後備。見咗咁多年，老人家咩諗法，大家有眼睇。
不過重點係，如果荷蘭隊真係一間公司，雲高爾知才善任，將各大員工最強的一面表現出來，又有咩唔好？就好似施利臣係top sales，公司target customer係少女，佢專長亦係sale少女市場，咪俾佢做主力囉。反之告爾係師奶殺手，平時無施利臣咁幫得公司手，不過突然公司有個project專係招攬師奶生意，當然係用告爾啦！唔通死故故咩。如果因為十二碼唔俾佢救就話要向老細懷恨在心，咁第一個請辭的應該係告爾而唔係施利臣。大佬，佢霸住個位咁耐都唔俾我上位，我唔做喇！你都唔顧我感受嘅！
其實，呢一種唔理公司大局的人大有人在，最好的例子就係普巴。成件事咪就係，我好勁，你唔俾我上位，咁我咪走人囉。無人要你留，爵爺同雲高爾一樣，絕唔會俾班細嘅凌駕喺自己上面。萬一領隊因為某啲球員嘅心理問題、索求而要屈服，情況就好似莫耶斯壓唔住朗尼同雲佩斯一樣，大家對你領軍信心越不足，軍心就越散漫。一仗功成萬骨枯，依家施利臣打足全場正選只係無得救十二碼，如此一個小小犧牲就要生要死，對隊伍而言先係最大的毒瘤。
咁你可能會問，小員工唔通真係無聲出？其實呢個先係令員工keep住進步的動力，無人可以肯定自己一定有得打正選，就連親如雲佩斯的弟子兵都唔一定有得打，對球隊作用成疑時一樣被叮走。你係好員工，肯努力上進、奮發進步先有機會保住飯碗，施利臣係有火嘅，練好十二碼打走告爾囉！咁先係球隊進步的源動力。管理學唔係指一時三刻有成效就可以，sustainability可持續發展亦係好重要嘅。
你唔開心我哋明架...不過你要做嘅係爭氣，打走告爾而唔係怨！
大家同門師兄弟，邊會怨大家！只係傳媒問得多太啫...
佢，都要換出啦！
老老實實，筆者半堂management 嘅堂都無上過，不過都有啲個人見解，看官喜歡不喜歡就隨大家喇！好老闆，可以分兩種：一種係目的行先，但快狠準；一種係民心高企、將士用命。雲高爾點睇，都係前者居多。你見佢得罪人多稱呼人少，就知佢係公司惡霸「我最大」，李華度你係勁又點？你唔乖，我話唔用你就唔用！我話你要打左面就打左面，唔想打我就放你喺後備。見咗咁多年，老人家咩諗法，大家有眼睇。
不過重點係，如果荷蘭隊真係一間公司，雲高爾知才善任，將各大員工最強的一面表現出來，又有咩唔好？就好似施利臣係top sales，公司target customer係少女，佢專長亦係sale少女市場，咪俾佢做主力囉。反之告爾係師奶殺手，平時無施利臣咁幫得公司手，不過突然公司有個project專係招攬師奶生意，當然係用告爾啦！唔通死故故咩。如果因為十二碼唔俾佢救就話要向老細懷恨在心，咁第一個請辭的應該係告爾而唔係施利臣。大佬，佢霸住個位咁耐都唔俾我上位，我唔做喇！你都唔顧我感受嘅！
其實，呢一種唔理公司大局的人大有人在，最好的例子就係普巴。成件事咪就係，我好勁，你唔俾我上位，咁我咪走人囉。無人要你留，爵爺同雲高爾一樣，絕唔會俾班細嘅凌駕喺自己上面。萬一領隊因為某啲球員嘅心理問題、索求而要屈服，情況就好似莫耶斯壓唔住朗尼同雲佩斯一樣，大家對你領軍信心越不足，軍心就越散漫。一仗功成萬骨枯，依家施利臣打足全場正選只係無得救十二碼，如此一個小小犧牲就要生要死，對隊伍而言先係最大的毒瘤。
咁你可能會問，小員工唔通真係無聲出？其實呢個先係令員工keep住進步的動力，無人可以肯定自己一定有得打正選，就連親如雲佩斯的弟子兵都唔一定有得打，對球隊作用成疑時一樣被叮走。你係好員工，肯努力上進、奮發進步先有機會保住飯碗，施利臣係有火嘅，練好十二碼打走告爾囉！咁先係球隊進步的源動力。管理學唔係指一時三刻有成效就可以，sustainability可持續發展亦係好重要嘅。
你唔開心我哋明架...不過你要做嘅係爭氣，打走告爾而唔係怨！
大家同門師兄弟，邊會怨大家！只係傳媒問得多太啫...
佢，都要換出啦！