(非曼聞)碧咸變身「十八銅人」
碧咸去咗少林寺咩? 唔係無理由無啦啦變咗「十八銅人」呀?
https://www.youtube.com/watch?v=P4aHpaeWXoU
咸爺當然係無去到少林寺喇，之不過佢就真係變成「十八銅人」咁喇，事關日前碧咸參加咗由美國電視頻道Nickelodeon舉辦嘅第1屆兒童選擇體育獎頒獎禮，按照頒獎禮慣例呢，每位得獎者同頒獎嘉賓，都係會被噴上液體嘅，至於獲頒大會最高榮譽傳奇獎嘅碧咸，當日以一身短袖黑色恤衫及長褲上陣，而且佢仲帶同兩位公子Romeo及Cruz一齊出席，兩位公子仲成為頒獎嘉賓，將個獎頒俾爸爸。
碧咸喺兩個仔手中接過獎當然開心喇，先親吻兩位公子，之後就三人行企定定影相，正當佢哋企埋一齊大約兩秒，台前兩條大水喉將就對準三人狂射，噴出超過5秒金色液體，攪到佢哋3個照頭淋，頓時成為「十八銅人」，碧咸仲差啲跣倒添，至於Romeo就無咩事，笑笑口企喺到，不過Cruz就嚇到O嘴，仲係咁扯起件衫向碧咸撒嬌投訴，最後呢位萬人迷爸爸都好識做，好細心咁為兩子抹乾淨塊面。
被噴前：
被噴後：
碧咸喺得獎後，仲發表言論，叫大家去追求夢想：「我細細個夢想就係做專業足球員，如果你有夢想，而你又相信自己嘅話，夢想就會成真。」
https://www.youtube.com/watch?v=P4aHpaeWXoU
咸爺當然係無去到少林寺喇，之不過佢就真係變成「十八銅人」咁喇，事關日前碧咸參加咗由美國電視頻道Nickelodeon舉辦嘅第1屆兒童選擇體育獎頒獎禮，按照頒獎禮慣例呢，每位得獎者同頒獎嘉賓，都係會被噴上液體嘅，至於獲頒大會最高榮譽傳奇獎嘅碧咸，當日以一身短袖黑色恤衫及長褲上陣，而且佢仲帶同兩位公子Romeo及Cruz一齊出席，兩位公子仲成為頒獎嘉賓，將個獎頒俾爸爸。
碧咸喺兩個仔手中接過獎當然開心喇，先親吻兩位公子，之後就三人行企定定影相，正當佢哋企埋一齊大約兩秒，台前兩條大水喉將就對準三人狂射，噴出超過5秒金色液體，攪到佢哋3個照頭淋，頓時成為「十八銅人」，碧咸仲差啲跣倒添，至於Romeo就無咩事，笑笑口企喺到，不過Cruz就嚇到O嘴，仲係咁扯起件衫向碧咸撒嬌投訴，最後呢位萬人迷爸爸都好識做，好細心咁為兩子抹乾淨塊面。
被噴前：
被噴後：
碧咸喺得獎後，仲發表言論，叫大家去追求夢想：「我細細個夢想就係做專業足球員，如果你有夢想，而你又相信自己嘅話，夢想就會成真。」