雲帥：點解季前熱身要周圍飛架？
真係唔可以睇少雲帥的強硬態度！歸隊僅僅幾日，佢已經忍唔住要大罵曼聯的季前熱身賽安排！因咩原因？因為飛得太多太遠！曼聯季前熱身賽會留在美國2個半星期，計埋之後嘅比賽佢哋總共要飛13500英里，即係接近22000公里！
周三一眾紅魔鬼會在加洲的玫瑰碗球場對洛杉磯銀河，之後就會依次序去丹佛、華盛頓、底特律比賽，咁好彩International Champions Cup 2014入面小組出線，就要坐3個小時飛機去到邁阿密，真係好忙架！唔好唔記得，比賽之間佢哋仲要參加贊助商活動呀，去簽下名呀，見下電視台咁噃！
雲帥自己就好唔滿意咁爆嘅行程：「你話啲商業贊助活動有無影響球隊，唔多唔少一定有啦！季前真係要準備，如果你班球員有好多商業活動要參加，加上要舟車勞頓、周圍飛來飛去，又會有時差jet lag，點睇對季前準備都唔係好事。不過呢個trip一早安排好，我只可以接受啦。」
無計啦，其實近10年曼聯季前都係喺天空多過喺陸地架喇，上年飛得仲甘，澳洲、泰國、日本，仲有香港，佢哋飛足23000英里之餘仲要大戰薯仔田，真係唔係普通人搞得掂架！鬼叫亞洲、南非同美國市場大，收入多咩…雲帥就話，下年會好好同球會傾傾：「曼聯要盡一切努力，按我的指示去做季前準備先得。我希望下年有個短啲嘅trip啦，我已經同球會傾過，我好有信心下年唔會飛咁多…」弊，咁咪唔洗旨意曼聯再嚟香港?!?!
周三一眾紅魔鬼會在加洲的玫瑰碗球場對洛杉磯銀河，之後就會依次序去丹佛、華盛頓、底特律比賽，咁好彩International Champions Cup 2014入面小組出線，就要坐3個小時飛機去到邁阿密，真係好忙架！唔好唔記得，比賽之間佢哋仲要參加贊助商活動呀，去簽下名呀，見下電視台咁噃！
雲帥自己就好唔滿意咁爆嘅行程：「你話啲商業贊助活動有無影響球隊，唔多唔少一定有啦！季前真係要準備，如果你班球員有好多商業活動要參加，加上要舟車勞頓、周圍飛來飛去，又會有時差jet lag，點睇對季前準備都唔係好事。不過呢個trip一早安排好，我只可以接受啦。」
無計啦，其實近10年曼聯季前都係喺天空多過喺陸地架喇，上年飛得仲甘，澳洲、泰國、日本，仲有香港，佢哋飛足23000英里之餘仲要大戰薯仔田，真係唔係普通人搞得掂架！鬼叫亞洲、南非同美國市場大，收入多咩…雲帥就話，下年會好好同球會傾傾：「曼聯要盡一切努力，按我的指示去做季前準備先得。我希望下年有個短啲嘅trip啦，我已經同球會傾過，我好有信心下年唔會飛咁多…」弊，咁咪唔洗旨意曼聯再嚟香港?!?!