狂人本色：雲高爾記者會實錄
大家對新帥雲高爾的認識，有部份都來自佢嘅火辣言論。究竟佢有幾「惹火」？單單一個季前熱身賽記者會已經睇得出！
記：你話曼聯現在「broken」，可唔可以解釋多啲？
雲：呢個字好難理解咩？我諗上季你得第七，隊伍對成績唔滿意、對自己無信心，咁已經足夠稱得上「broken」。依家我喺大廳，一個新領隊、球員有新機會，就會想表現自己有幾特別。佢哋咁做非常好，但我哋更加要做嘅係要改變，要同以前唔同，對球員而言唔係一件易事。佢哋要面對壓力，要在一秒之間下決定，一啲都唔易。贏波總比輸波好，對手係邊個唔重要。羅馬唔係易應付的，你或者可以話銀河比較易搞，但係羅馬、國米都唔易。
記：曼聯上季得第7，此時加盟會唔會易啲？
雲：我唔覺。上季第7，大家信心都唔夠，更何況球隊有平衡的問題。我在巴塞接手卜比笠臣，佢贏開，我認為當時我接手容易啲。荷蘭似依家曼聯，雲馬域克雖然在2010年贏世界盃亞軍，不過佢留返隊支離破碎的荷蘭俾我，比想像中難搞。如果我接手爵爺，一切都會易啲。我真係有問過爵爺係唔係要人接手架…
記：90年代時？爵爺有無詳細同你講佢要退休？
雲：無無無，傳聞中佢想退啫。
記：爵爺的傳奇係唔係一個挑戰？
雲：球會認為我可以延續傳奇，所以先…
記：同爵爺比較之下呢？
雲：可以俾人將我同佢比較係好開心嘅，因為佢好高級數。
記：對於有一個同城大敵曼城在左右，仲要係冠軍爭奪者，你點睇？雲：佢哋離我10米遠又好、30公里遠又好，都唔會影響到我。
記：你點睇過去3年來曼城的發展？
雲：都幾令人難以置信，因為佢哋唔係咩大球會，不過依家已經奪冠。佢哋扣門成功，但對曼聯而言是好事，因為有競爭先顯得冠軍值得驕傲。
記：曼城球迷會認為：「我哋扣過門、登堂入室、仲要閂埋門，依家到你哋敲返轉頭喇！」
雲：你想咁講，就要寫低佢喇！我認為係「你」自己想咁講囉。
記：咁係曼城球迷的實際諗法噃。佢哋真係贏咗呀。
雲：我最近學會一個字：「誘導」。你家下誘導緊我。我話呢個係「挑釁」，不過傑斯話係「誘導」。我班球員都唔識呢個字，佢哋只係聽得明「挑釁」。
記：英媒形容英國足球做「情緒化的人」，唔會好似荷蘭足球咁聽教聽話。你認為咁講公唔公平？
雲：你嘅意見係咁啫。你講架，然後你要我跟你講嘅。
記：咁係唔係唔公平嘅說法呢？
雲：我唔知噃，我要認識球員之後先可以作出評論。你有權作出評論，因為你做咗記者好耐，了解英國足球文化。記：你聽返嚟嘅英國足球係點？
雲：你講咁樣囉。
記：你同意嗎？
雲：不太。球員在莫帥麾下、在爵爺麾下，同我麾下的球員都好唔同。我們走著瞧吧。
記：曼迷對你教荷蘭時的表現好驚豔，好似轉陣呀、換龍門咁。
雲：咁都有啲運氣成份嘅。當然，你都要有原因先可以做呢啲決定。就好似呢個記者會，我都有好多論點(argument)，我希望你明白。
記：(忍唔住笑)
雲：你笑咩？
記：無，我哋之前有一個領隊成日同我哋拗頸(argument)之嘛。(記者暗示爵爺好「long」黎)
雲：唔係拗頸呀，係論點呀！我解釋得好好架喇噃，我無同你拗過，直到一秒之前為止！
記：教英超對你而言有咩意義？
雲：我有過好多機會去英超，不過都無今日timing咁啱。62歲喇我，就嚟要退休，我又教過哂西班牙、德國同荷蘭的球隊。我仲有一個地方想認識多啲，就係英國，足球水平同氣氛都好好。所以我十月就話我想去教，我喺荷蘭國家隊的記者會講嘅，最後十分鐘我先講出口。佢哋好嬲，話我點解世界盃前講呢啲。我話你廢話啦，我俾自己嘅壓力大過傳媒俾我嘅多多聲啦！
原文：衛報
記：你話曼聯現在「broken」，可唔可以解釋多啲？
雲：呢個字好難理解咩？我諗上季你得第七，隊伍對成績唔滿意、對自己無信心，咁已經足夠稱得上「broken」。依家我喺大廳，一個新領隊、球員有新機會，就會想表現自己有幾特別。佢哋咁做非常好，但我哋更加要做嘅係要改變，要同以前唔同，對球員而言唔係一件易事。佢哋要面對壓力，要在一秒之間下決定，一啲都唔易。贏波總比輸波好，對手係邊個唔重要。羅馬唔係易應付的，你或者可以話銀河比較易搞，但係羅馬、國米都唔易。
記：曼聯上季得第7，此時加盟會唔會易啲？
雲：我唔覺。上季第7，大家信心都唔夠，更何況球隊有平衡的問題。我在巴塞接手卜比笠臣，佢贏開，我認為當時我接手容易啲。荷蘭似依家曼聯，雲馬域克雖然在2010年贏世界盃亞軍，不過佢留返隊支離破碎的荷蘭俾我，比想像中難搞。如果我接手爵爺，一切都會易啲。我真係有問過爵爺係唔係要人接手架…
記：90年代時？爵爺有無詳細同你講佢要退休？
雲：無無無，傳聞中佢想退啫。
記：爵爺的傳奇係唔係一個挑戰？
雲：球會認為我可以延續傳奇，所以先…
記：同爵爺比較之下呢？
雲：可以俾人將我同佢比較係好開心嘅，因為佢好高級數。
記：對於有一個同城大敵曼城在左右，仲要係冠軍爭奪者，你點睇？雲：佢哋離我10米遠又好、30公里遠又好，都唔會影響到我。
記：你點睇過去3年來曼城的發展？
雲：都幾令人難以置信，因為佢哋唔係咩大球會，不過依家已經奪冠。佢哋扣門成功，但對曼聯而言是好事，因為有競爭先顯得冠軍值得驕傲。
記：曼城球迷會認為：「我哋扣過門、登堂入室、仲要閂埋門，依家到你哋敲返轉頭喇！」
雲：你想咁講，就要寫低佢喇！我認為係「你」自己想咁講囉。
記：咁係曼城球迷的實際諗法噃。佢哋真係贏咗呀。
雲：我最近學會一個字：「誘導」。你家下誘導緊我。我話呢個係「挑釁」，不過傑斯話係「誘導」。我班球員都唔識呢個字，佢哋只係聽得明「挑釁」。
記：英媒形容英國足球做「情緒化的人」，唔會好似荷蘭足球咁聽教聽話。你認為咁講公唔公平？
雲：你嘅意見係咁啫。你講架，然後你要我跟你講嘅。
記：咁係唔係唔公平嘅說法呢？
雲：我唔知噃，我要認識球員之後先可以作出評論。你有權作出評論，因為你做咗記者好耐，了解英國足球文化。記：你聽返嚟嘅英國足球係點？
雲：你講咁樣囉。
記：你同意嗎？
雲：不太。球員在莫帥麾下、在爵爺麾下，同我麾下的球員都好唔同。我們走著瞧吧。
記：曼迷對你教荷蘭時的表現好驚豔，好似轉陣呀、換龍門咁。
雲：咁都有啲運氣成份嘅。當然，你都要有原因先可以做呢啲決定。就好似呢個記者會，我都有好多論點(argument)，我希望你明白。
記：(忍唔住笑)
雲：你笑咩？
記：無，我哋之前有一個領隊成日同我哋拗頸(argument)之嘛。(記者暗示爵爺好「long」黎)
雲：唔係拗頸呀，係論點呀！我解釋得好好架喇噃，我無同你拗過，直到一秒之前為止！
記：教英超對你而言有咩意義？
雲：我有過好多機會去英超，不過都無今日timing咁啱。62歲喇我，就嚟要退休，我又教過哂西班牙、德國同荷蘭的球隊。我仲有一個地方想認識多啲，就係英國，足球水平同氣氛都好好。所以我十月就話我想去教，我喺荷蘭國家隊的記者會講嘅，最後十分鐘我先講出口。佢哋好嬲，話我點解世界盃前講呢啲。我話你廢話啦，我俾自己嘅壓力大過傳媒俾我嘅多多聲啦！
原文：衛報