曼聯專區小評：對國米看到的5件事
對國米的一戰，外國傳媒評論了雲高爾的領軍，綜合了5個大家要繼續留意的地方。你又同唔同意呢？
一：要為球迷期望降溫了
餓咗12個月，曼迷對自己隊伍的耐性已經跌到谷底，就好似溺水之人咁，連一條稻草都會搏命搶，更何況依家嘅曼聯真係好似俾到信心大家咁。然而季前熱身固然唔係打「真章」，而且就算隊波調整好，要一季38場波都維持水準、打出好成績絕唔係一件易事。於是雲帥其實已經開始為大家「降溫」了，對羅馬之後、對國米之後都同大家講，我哋雖然做得幾好、雖然保到兩場不失球，不過防守球員走得太多、我哋要搵人、球隊唔平衡、接手困難等等，令大家唔好開心得太早，始終曼聯的3412陣式仲未碰上過任何一隊英超對手，效果仍然是未知之數。
二：新陣是雙刃劍
「要改變球隊陣式，一開始就要轉陣。」雲帥的講法不無道理，因為轉打3412陣式的曼聯球員其實真係唔多習慣，走位、默契都要好好再練過，唔係一朝一夕就可以改變得到。史摩寧雖然讚個新陣，不過都表明要時間去練：「我哋日日都練新陣，希望可以快啲上手。始終轉陣之後有唔同，攻擊由防線已經開始要組織，要知點先可以交到靚沒俾中場球員去發動攻擊。」而梳爾亦提過，呢個陣要好fit先打得好，猶其對兩位翼衛的要求好高，所以絕對要時間去練。不過此陣之下攻擊方位變得多元，球場上任何的地方都可以成為攻擊的原點，所以對對手而言其實係惡夢！
三：雲帥是心理戰達人
摩帥是諸位英超領隊中惟一一人批評梳爾不值如此高價。然而對於一位19歲仔、被標價如此高，仲要直入世界一級球隊，少年得志難免有問題出現。不過雲帥就在此時充當嚴父的角色，佢懶理你身價、潛力，最重要的是你的態度，狠狠的話你唔夠fit，一方面建立威信，另一方面表示自己只會睇實情。梳爾之後已經認自己唔夠fit：「要打呢個陣，一定要好fit好fit先得。我依家fit，不過未係最好狀態，唔喺雲帥要求的最高體能狀況之下。」
四：楊格的復活
對上年球季的記憶，可能大家都唔會忘記楊格的表現。佢真係跌watt，而且盲目斬波、睇地唔睇人咁交波真係令人握腕氣結。不過雲帥的帶領之下，佢就有咗好多新工作，唔再係獨孤一味打翼，佢打過前鋒、對國米時又試過打左右閘，雖然打成點仍然係可圈可點，不過最少都俾咗個靈活度佢，楊格可能喺新陣入面仲會有復活嘅一日。
五：曼聯仍在等雲佩斯
當大家都睇到曼聯的中場連繫好咗、靴里拉的直線交得好到位、馬達同其他人的化學作用越來越好嘅時候，就連雲帥都滿意對國米一仗球員的傳送同控球，不過攻擊層面上尚有一個接環未出現：就連幾fit的朗尼都入唔到國米波，可見曼聯陣中一位強大的「數糊人」嘅重要性。而呢位「數糊人」，當前一定要數雲佩斯。有咗同朗尼鎮守前線，一剛一柔，對對手的威脅會係最大的。如果呢個陣有咗尖刀雲師兄回歸，其真正的攻擊力先會顯現出嚟。
一：要為球迷期望降溫了
餓咗12個月，曼迷對自己隊伍的耐性已經跌到谷底，就好似溺水之人咁，連一條稻草都會搏命搶，更何況依家嘅曼聯真係好似俾到信心大家咁。然而季前熱身固然唔係打「真章」，而且就算隊波調整好，要一季38場波都維持水準、打出好成績絕唔係一件易事。於是雲帥其實已經開始為大家「降溫」了，對羅馬之後、對國米之後都同大家講，我哋雖然做得幾好、雖然保到兩場不失球，不過防守球員走得太多、我哋要搵人、球隊唔平衡、接手困難等等，令大家唔好開心得太早，始終曼聯的3412陣式仲未碰上過任何一隊英超對手，效果仍然是未知之數。
二：新陣是雙刃劍
「要改變球隊陣式，一開始就要轉陣。」雲帥的講法不無道理，因為轉打3412陣式的曼聯球員其實真係唔多習慣，走位、默契都要好好再練過，唔係一朝一夕就可以改變得到。史摩寧雖然讚個新陣，不過都表明要時間去練：「我哋日日都練新陣，希望可以快啲上手。始終轉陣之後有唔同，攻擊由防線已經開始要組織，要知點先可以交到靚沒俾中場球員去發動攻擊。」而梳爾亦提過，呢個陣要好fit先打得好，猶其對兩位翼衛的要求好高，所以絕對要時間去練。不過此陣之下攻擊方位變得多元，球場上任何的地方都可以成為攻擊的原點，所以對對手而言其實係惡夢！
三：雲帥是心理戰達人
摩帥是諸位英超領隊中惟一一人批評梳爾不值如此高價。然而對於一位19歲仔、被標價如此高，仲要直入世界一級球隊，少年得志難免有問題出現。不過雲帥就在此時充當嚴父的角色，佢懶理你身價、潛力，最重要的是你的態度，狠狠的話你唔夠fit，一方面建立威信，另一方面表示自己只會睇實情。梳爾之後已經認自己唔夠fit：「要打呢個陣，一定要好fit好fit先得。我依家fit，不過未係最好狀態，唔喺雲帥要求的最高體能狀況之下。」
四：楊格的復活
對上年球季的記憶，可能大家都唔會忘記楊格的表現。佢真係跌watt，而且盲目斬波、睇地唔睇人咁交波真係令人握腕氣結。不過雲帥的帶領之下，佢就有咗好多新工作，唔再係獨孤一味打翼，佢打過前鋒、對國米時又試過打左右閘，雖然打成點仍然係可圈可點，不過最少都俾咗個靈活度佢，楊格可能喺新陣入面仲會有復活嘅一日。
五：曼聯仍在等雲佩斯
當大家都睇到曼聯的中場連繫好咗、靴里拉的直線交得好到位、馬達同其他人的化學作用越來越好嘅時候，就連雲帥都滿意對國米一仗球員的傳送同控球，不過攻擊層面上尚有一個接環未出現：就連幾fit的朗尼都入唔到國米波，可見曼聯陣中一位強大的「數糊人」嘅重要性。而呢位「數糊人」，當前一定要數雲佩斯。有咗同朗尼鎮守前線，一剛一柔，對對手的威脅會係最大的。如果呢個陣有咗尖刀雲師兄回歸，其真正的攻擊力先會顯現出嚟。