曼聯專區小評：重生二神將
暫時曼聯買人的數量是列強之冠：由尾數上來。當中原因筆者不敢妄下定論，不過雲帥確係講過：「我要俾機會每一個在隊球員表現自己再下判斷，3至4星期後我才會考慮引入咩新球員。」而且佢亦都講過，都贏開喇，唔駛買人啦！雲帥的說話真係兌現咗，老中青人人有份，個個都有機會上陣、人人都有時間發揮。而咁多個球員入面，最成功的「重生者」，一定要數佢兩個！
第一名，一定要提久病終癒的「病魔將」費查！在季前熱身賽已經第三次戴上隊長臂章，而他的表現絕不似大病數年、痊癒歸來。就以對皇馬時的一腳18碼外勁射、僅僅高出來看，雲高爾簡直猶如簽了一位新將一樣。而他的重生，與雲帥的陣式不無關係。新的352陣式中，中場有5位球員，大家分擔了不少工作，費查就是由此獲得重生機會。以前433、443陣式時費查用了很多時間做防務、掃蕩，他的位置其實近於防中。然而新陣中因為中場球員多了，走位、補位亦多，費查就有了空間上前助攻。而經驗老到的他，位置感、傳球的準繩度亦高，在中場起了奇妙的連繫作用。他會否因為打出水準，成為朗尼、雲佩斯成為隊長的程咬金呢？
而另一位「重生將」就是毀譽參半的楊格。十個月以來他就好似過山車一樣，表現時好時壞，曾經在曼聯81斬的比賽中成為盲斬之最，只懂看著地面、隊友在哪完全唔理，亂轟一氣。這個壞習慣其實到幾星期前仍然「搣唔甩」，然而在雲帥的試陣之下，楊格的表現一日比一日好。如果雲帥是給予每個人機會，楊格就是百二分的運用了這些機會。在對皇馬的比賽中，兩個入球都與他有關。先是曼聯的傳球入楔騷、一眾中前場球員互交20腳傳送、當中有直線有後踭，楊格就成為最後觸球的球員：因為個波之後就要由個網入面拎返出嚟！然後他就用一腳似傳非射的長距離「傳送」，在朗尼沒有觸及皮球的情況下入網，變咗一球靚入波！不過姑勿論佢入波好唔入波都好，在雲帥的訓練下佢嘅創造力好似有重新釋放的趨勢。
望住兩位重生神將實在睇唔出係一時虛火，猶其楊格的傳送穩打穩札，看似找到一個打得比較舒服的位置。而費查，可能上年佢嘅病未好得哂，今年回復水準是意料中事；不過雲帥懂得用、識得擺可能都係原因之一。佢哋企得穩陣，可能就到其他球員要小心喇，因為老老實實，筆者都認為俾咗幾次機會香川都係打唔出水準…究竟邊個要留邊個要走？雲帥的決定又會如何？就要睇埋轉會市場的最後一個月喇！
第一名，一定要提久病終癒的「病魔將」費查！在季前熱身賽已經第三次戴上隊長臂章，而他的表現絕不似大病數年、痊癒歸來。就以對皇馬時的一腳18碼外勁射、僅僅高出來看，雲高爾簡直猶如簽了一位新將一樣。而他的重生，與雲帥的陣式不無關係。新的352陣式中，中場有5位球員，大家分擔了不少工作，費查就是由此獲得重生機會。以前433、443陣式時費查用了很多時間做防務、掃蕩，他的位置其實近於防中。然而新陣中因為中場球員多了，走位、補位亦多，費查就有了空間上前助攻。而經驗老到的他，位置感、傳球的準繩度亦高，在中場起了奇妙的連繫作用。他會否因為打出水準，成為朗尼、雲佩斯成為隊長的程咬金呢？
而另一位「重生將」就是毀譽參半的楊格。十個月以來他就好似過山車一樣，表現時好時壞，曾經在曼聯81斬的比賽中成為盲斬之最，只懂看著地面、隊友在哪完全唔理，亂轟一氣。這個壞習慣其實到幾星期前仍然「搣唔甩」，然而在雲帥的試陣之下，楊格的表現一日比一日好。如果雲帥是給予每個人機會，楊格就是百二分的運用了這些機會。在對皇馬的比賽中，兩個入球都與他有關。先是曼聯的傳球入楔騷、一眾中前場球員互交20腳傳送、當中有直線有後踭，楊格就成為最後觸球的球員：因為個波之後就要由個網入面拎返出嚟！然後他就用一腳似傳非射的長距離「傳送」，在朗尼沒有觸及皮球的情況下入網，變咗一球靚入波！不過姑勿論佢入波好唔入波都好，在雲帥的訓練下佢嘅創造力好似有重新釋放的趨勢。
望住兩位重生神將實在睇唔出係一時虛火，猶其楊格的傳送穩打穩札，看似找到一個打得比較舒服的位置。而費查，可能上年佢嘅病未好得哂，今年回復水準是意料中事；不過雲帥懂得用、識得擺可能都係原因之一。佢哋企得穩陣，可能就到其他球員要小心喇，因為老老實實，筆者都認為俾咗幾次機會香川都係打唔出水準…究竟邊個要留邊個要走？雲帥的決定又會如何？就要睇埋轉會市場的最後一個月喇！