賽後語---莫耶斯：大家俾時間新帥 雲高爾：我要新球員
雲高爾首戰英超敗陣收場，史雲斯的壓逼性打法令曼聯無法搶得中場、控制節奏。賽後當然大家都有嘢講，不過比較意外嘅係莫耶斯出聲先：「大家都知道要俾啲時間雲高爾。邊個接手爵爺，都要啲時間去做好球隊，雲高爾都不例外。佢要時機去做改革，建立佢想要的隊伍。今日輸俾天鵝，同我上季輸俾韋斯咸、紐卡素同愛華頓都一樣，依家每隊英超球隊都非常有系統，只要有某幾個特別的球員就足以贏你。」
而新帥雲高爾當然唔滿意啦：「這是最重要的一仗，但我們無法打出之前比賽的水準，好失望。對我哋自己我好失望，對我哋嘅防守我都好失望，所以我哋輸波。就好似之前記者會所講，我哋好需要新的後衛，不過唔可以因為輸波而歸咎後衛。輸波是成隊的問題。我哋打唔出隊伍組織，猶如一盤散沙。這當然是好失望，球員好失望，球迷好失望，我都好失望。當你準備得好好，季前贏哂但第一場聯賽就輸，建立咗嘅信心一定會受影響。不過大家要咁諗，成季好多場波嘅，呢一刻我哋一定唔係冠軍，不過去到五月我哋應該要係冠軍。」
費查都對賽果好失望：「真係好失望，季前一切都做得好好。不過真真正正需要贏的時候，我哋做唔到。更衣室入面氣氛真係好麻麻。我哋失咗啲好難睇嘅波，好似對方第一個攻擊已經入波。下半場一度有好轉，不過佢哋再次打敗我哋。感覺上，史雲斯全場好似只係有兩個機會，不過佢哋都可以轉化為入波。真係好難接受，我哋知球隊可以做得更好。」
咁睇啦，筆者喺明報嘅文章都講過，今季最令人憂心嘅係季前熱身賽全勝，對球隊的調整一定有影響，而好不幸真係開口中，連勝對正式聯賽真係無咩幫助…不過話又倒返轉講，依家輸一場都未係「太遲」，呢一輸可以令一眾紅魔虛心對待之後每一場賽事，亦令雲高爾快啲了解到英超的style，真係好多球隊鍾意打體力化壓逼，同其他聯賽都幾唔同。調整期係會辛苦啲，希望挨過咗會變好啦！
而新帥雲高爾當然唔滿意啦：「這是最重要的一仗，但我們無法打出之前比賽的水準，好失望。對我哋自己我好失望，對我哋嘅防守我都好失望，所以我哋輸波。就好似之前記者會所講，我哋好需要新的後衛，不過唔可以因為輸波而歸咎後衛。輸波是成隊的問題。我哋打唔出隊伍組織，猶如一盤散沙。這當然是好失望，球員好失望，球迷好失望，我都好失望。當你準備得好好，季前贏哂但第一場聯賽就輸，建立咗嘅信心一定會受影響。不過大家要咁諗，成季好多場波嘅，呢一刻我哋一定唔係冠軍，不過去到五月我哋應該要係冠軍。」
費查都對賽果好失望：「真係好失望，季前一切都做得好好。不過真真正正需要贏的時候，我哋做唔到。更衣室入面氣氛真係好麻麻。我哋失咗啲好難睇嘅波，好似對方第一個攻擊已經入波。下半場一度有好轉，不過佢哋再次打敗我哋。感覺上，史雲斯全場好似只係有兩個機會，不過佢哋都可以轉化為入波。真係好難接受，我哋知球隊可以做得更好。」
咁睇啦，筆者喺明報嘅文章都講過，今季最令人憂心嘅係季前熱身賽全勝，對球隊的調整一定有影響，而好不幸真係開口中，連勝對正式聯賽真係無咩幫助…不過話又倒返轉講，依家輸一場都未係「太遲」，呢一輸可以令一眾紅魔虛心對待之後每一場賽事，亦令雲高爾快啲了解到英超的style，真係好多球隊鍾意打體力化壓逼，同其他聯賽都幾唔同。調整期係會辛苦啲，希望挨過咗會變好啦！