曼聯專區小評：紅魔新季喜與憂
唔睇季前熱身賽，雲高爾的曼聯暫時所有正式比賽都滑鐵盧。就咁睇，紅魔鬼的前程堪憂，不過黑暗過後總係會有黎明，曙光其實都仲喺到嘅。不過依家等我哋一齊睇下有「黑」先…
憂
最令雲高爾寸步難行的，一定係352陣式的崩盤。對米爾頓凱恩斯的大敗，令大家意識到3中堅的危險之處，放走左右路予對手予取予攜，讓對方左右路的攻勢大盛；加上3中堅進退失據，面對回防中線還是應付落底球員之間，往往做出錯誤決定。小將比歷基特打得起是因為體力滿滿，有體能兼顧中路左路兩邊的防守，不過對伊雲斯、史摩寧等人而言，這工作太沉重了。而352崩盤，間接亦會令球員的信心崩盤。雲高爾說過「贏總好過輸，對信心有正面影響」，反之亦然。對米爾頓凱恩斯的大敗，反映出球員信心下滑，這是很危險的事情…
喜
不過這是最壞的時候，亦可以是最好的時候。加埋史摩寧，其實開季時曼聯有8個球員受傷無法上陣，就連香川都在對米爾頓凱恩斯時被換出場。筆者一直都強調曼聯中場是致命傷，偏偏最好的良藥靴里拉、卡域克都傷出，成隊波因為傷患問題同上年的陣容幾近一模一樣。要變要改都要有新衝擊，傷兵慢慢復出、加上盧祖的工作證完成、伸展埋「天使之翼」，呢個先係新曼聯的真正面貌：仲要未計雲高爾可能盡最後的努力引入白蘭特或維達爾。陣容不整引致成績不如理想，希望呢個係事實嘅全部啦…
另一個福音，係雲高爾其實係一位慢熱的領隊，佢都講過要改變球員的足球哲學、由「本能」驅動自己踢波轉為「用腦」踢波，呢個改變是需時的，以佢口中所講，起碼要3個月時間。君不見98/99年度的巴塞，14場比賽之後仍然身在第10位，最後卻取得冠軍；09/10年的拜仁，13場波之後排第7，最後又係冠軍。09年的拜仁在最後關頭買了洛賓成轉捩點；曼聯亦有「猶如洛賓」的迪馬利亞加盟。俾啲時間啦，前車可鑑，雲高爾口中「我需要時間」唔係推諉、唔係藉口，佢真係要時間改變曼聯！
憂
最令雲高爾寸步難行的，一定係352陣式的崩盤。對米爾頓凱恩斯的大敗，令大家意識到3中堅的危險之處，放走左右路予對手予取予攜，讓對方左右路的攻勢大盛；加上3中堅進退失據，面對回防中線還是應付落底球員之間，往往做出錯誤決定。小將比歷基特打得起是因為體力滿滿，有體能兼顧中路左路兩邊的防守，不過對伊雲斯、史摩寧等人而言，這工作太沉重了。而352崩盤，間接亦會令球員的信心崩盤。雲高爾說過「贏總好過輸，對信心有正面影響」，反之亦然。對米爾頓凱恩斯的大敗，反映出球員信心下滑，這是很危險的事情…
喜
不過這是最壞的時候，亦可以是最好的時候。加埋史摩寧，其實開季時曼聯有8個球員受傷無法上陣，就連香川都在對米爾頓凱恩斯時被換出場。筆者一直都強調曼聯中場是致命傷，偏偏最好的良藥靴里拉、卡域克都傷出，成隊波因為傷患問題同上年的陣容幾近一模一樣。要變要改都要有新衝擊，傷兵慢慢復出、加上盧祖的工作證完成、伸展埋「天使之翼」，呢個先係新曼聯的真正面貌：仲要未計雲高爾可能盡最後的努力引入白蘭特或維達爾。陣容不整引致成績不如理想，希望呢個係事實嘅全部啦…
另一個福音，係雲高爾其實係一位慢熱的領隊，佢都講過要改變球員的足球哲學、由「本能」驅動自己踢波轉為「用腦」踢波，呢個改變是需時的，以佢口中所講，起碼要3個月時間。君不見98/99年度的巴塞，14場比賽之後仍然身在第10位，最後卻取得冠軍；09/10年的拜仁，13場波之後排第7，最後又係冠軍。09年的拜仁在最後關頭買了洛賓成轉捩點；曼聯亦有「猶如洛賓」的迪馬利亞加盟。俾啲時間啦，前車可鑑，雲高爾口中「我需要時間」唔係推諉、唔係藉口，佢真係要時間改變曼聯！