《郵報》：今日的惡果是爵爺種的因？
可能你會認為大逆不道，可能你會話推卸責任，不過《郵報》認為今日曼聯的下滑不單止有跡可尋，更是爵爺一早種下的惡果。睇完，筆者都不得不輕嘆一句：又有幾分道理。
佢哋嘅分析係基於爵爺退下來之前的6年。6年以來，曼聯取得4次聯賽冠軍，2次聯賽盃冠軍，1次歐聯，成績非常彪炳。不過睇成績其實唔夠，我哋要睇下個戰果係邊個fright返嚟：里奧、維迪、艾夫拿、星仔、卡域克、c朗、朗尼，當然仲有史高斯同埋傑斯。《郵報》認為，呢幾年的成功其實係92黃金一代的餘溫，加上當打的一班高質素球員組合成的結果。「話掛唔掛」嘅史高斯燒完又燒，「餘燼」都挨到37；傑斯更加係40先退。呢個絕對係無以為繼的表徵。
再睇多啲呢6年發生咩事，2007到2013曼聯投放的將近1億6000萬鎊，不過買回來的球員很大部分都無法獨當一面：1700萬鎊的蘭尼、2700萬鎊的安達臣、700萬鎊的碧比、1700萬鎊的夏格維斯、200萬鎊的的古斯錫、700萬鎊的杜錫、3000萬鎊的貝碧托夫、300萬鎊的奧巴坦、300萬鎊的馬尾迪奧夫、600萬鎊的小豆、700萬鎊的史摩寧、600萬鎊的包維、400萬鎊的畢特拿、1500萬鎊的沙夏，他們都無辦法可以連繫紅魔的過去與現在，過去6年的成功入面，有部分都起到作用，不過帶唔到影響到下一世代。數盡手指，近年來隊中都只有雲佩斯、鍾斯、迪基亞等人真真正正對隊球起承先啟後的作用。不過單單得3數個球員，對於曼聯中後場的急速衰退起唔到咩作用。
呢幾個論點正確與否，我估大家都心中有數，不過《郵報》就認為無論邊個都唔敢將條數算在爵爺頭上，所以就只好怪莫耶斯領軍不力。而筆者就認為，真真正正的問題核心不在爵爺身上，亦不在莫耶斯身上，其實是在格拉沙家族及活華特身上。當列強不斷用錢買下可以承先啟後的球員，好似祖維迪、軒達臣、史杜列治、馬迪等等球員之時，我哋做緊咩？又唔肯放手放錢，又無牙力買人，上季原本可以取得靴里拉、法比加斯，改善曼聯青黃不接的問題，但又白白錯失機會。到現在衰足一季，先知恥近乎勇，乖乖用錢。所以，這幾場波的輸波和波、爆冷，就好似雲高爾所言，「意料之內」。
不過大家又唔駛太擔心，係，筆者都認為曼聯仲有一段時間沉淪，因為斷層實在太大。不過陣中已經有新的嫩芽出現，靴里拉、梳爾的潛質無可限量，盧祖的發展亦可期待，當然仲有迪馬利亞、馬達等等世界一級的球員在陣，小將占士、比歷基特、包維亦有很大的潛能。只有佢哋可以連結曼聯的前世今生，不過今季要佢哋要建立系統同默契仲要一段很長的時間。引用某大學教授兼曼迷的講法，「勝利球迷，請轉會曼城吧。個邊有得威呀，快！」我哋就唔走架喇，同曼聯憂戚與共，黑暗嘅日子都挨咗咁耐喇，唔差在挨多一陣，光明過幾年就會嚟架喇！
老老實實，點會怪你先得架！雲帥改革1季已經用多過你6季嘅錢，就知你幾手緊啦！
傑斯：唔關爵爺事架！
靠你喇天使！
你都要快啲好返，快啲適應！
佢哋嘅分析係基於爵爺退下來之前的6年。6年以來，曼聯取得4次聯賽冠軍，2次聯賽盃冠軍，1次歐聯，成績非常彪炳。不過睇成績其實唔夠，我哋要睇下個戰果係邊個fright返嚟：里奧、維迪、艾夫拿、星仔、卡域克、c朗、朗尼，當然仲有史高斯同埋傑斯。《郵報》認為，呢幾年的成功其實係92黃金一代的餘溫，加上當打的一班高質素球員組合成的結果。「話掛唔掛」嘅史高斯燒完又燒，「餘燼」都挨到37；傑斯更加係40先退。呢個絕對係無以為繼的表徵。
再睇多啲呢6年發生咩事，2007到2013曼聯投放的將近1億6000萬鎊，不過買回來的球員很大部分都無法獨當一面：1700萬鎊的蘭尼、2700萬鎊的安達臣、700萬鎊的碧比、1700萬鎊的夏格維斯、200萬鎊的的古斯錫、700萬鎊的杜錫、3000萬鎊的貝碧托夫、300萬鎊的奧巴坦、300萬鎊的馬尾迪奧夫、600萬鎊的小豆、700萬鎊的史摩寧、600萬鎊的包維、400萬鎊的畢特拿、1500萬鎊的沙夏，他們都無辦法可以連繫紅魔的過去與現在，過去6年的成功入面，有部分都起到作用，不過帶唔到影響到下一世代。數盡手指，近年來隊中都只有雲佩斯、鍾斯、迪基亞等人真真正正對隊球起承先啟後的作用。不過單單得3數個球員，對於曼聯中後場的急速衰退起唔到咩作用。
呢幾個論點正確與否，我估大家都心中有數，不過《郵報》就認為無論邊個都唔敢將條數算在爵爺頭上，所以就只好怪莫耶斯領軍不力。而筆者就認為，真真正正的問題核心不在爵爺身上，亦不在莫耶斯身上，其實是在格拉沙家族及活華特身上。當列強不斷用錢買下可以承先啟後的球員，好似祖維迪、軒達臣、史杜列治、馬迪等等球員之時，我哋做緊咩？又唔肯放手放錢，又無牙力買人，上季原本可以取得靴里拉、法比加斯，改善曼聯青黃不接的問題，但又白白錯失機會。到現在衰足一季，先知恥近乎勇，乖乖用錢。所以，這幾場波的輸波和波、爆冷，就好似雲高爾所言，「意料之內」。
不過大家又唔駛太擔心，係，筆者都認為曼聯仲有一段時間沉淪，因為斷層實在太大。不過陣中已經有新的嫩芽出現，靴里拉、梳爾的潛質無可限量，盧祖的發展亦可期待，當然仲有迪馬利亞、馬達等等世界一級的球員在陣，小將占士、比歷基特、包維亦有很大的潛能。只有佢哋可以連結曼聯的前世今生，不過今季要佢哋要建立系統同默契仲要一段很長的時間。引用某大學教授兼曼迷的講法，「勝利球迷，請轉會曼城吧。個邊有得威呀，快！」我哋就唔走架喇，同曼聯憂戚與共，黑暗嘅日子都挨咗咁耐喇，唔差在挨多一陣，光明過幾年就會嚟架喇！
老老實實，點會怪你先得架！雲帥改革1季已經用多過你6季嘅錢，就知你幾手緊啦！
傑斯：唔關爵爺事架！
靠你喇天使！
你都要快啲好返，快啲適應！