要穿藍色校服小曼迷....下集!!!

曼聯小粉絲lilly小姐只得3歲人仔，不過已經對曼聯情有獨鍾，甚至已經發展到見到紅色就笑，見到藍色，即係曼城的顏色就唔開心！不過小Lilly就面對人生第一個兩難，因為佢校服竟然係藍色！著上校服之後爆喊嘅佢大叫：「睇落好藍...我要除呀！我唔鍾意呀！」

早前佢媽媽就將囡囡呢件事拍片兼放上網，同大家分享，點知引起曼聯方面留意，決定邀請佢同佢媽媽去到奧脫福球場，並將曼聯第二作客藍色球衣送俾佢，用呢個方法希望幫幫媽媽，以改變lilly小姐對藍色嘅見解。從相片所見，lilly小姐晌奧脫福張開雙臂，笑得非常開心，可見得出曼聯今次呢一下舉動，足而氹到呢位忠心小紅魔幾歡樂，希望佢之後唔好再咁抗拒自己個校服喇!