曼聯專區小評：戰和西布朗看到的3大危機
以曼聯險勝韋斯咸、愛華頓的情況來看，今仗攞唔到3分係意料中事。表面嚟睇，對手8射2中、曼聯22射7中，呢場係一場攻防戰；不過望清防守質素，曼聯嘅霸氣真係唔知喺邊…筆者認為，呢場波有3個重要地方，係大家都要留意一下嘅…
首先，曼聯中場係就係比上年質素高咗，不過離開合格仲有一段距離…早前引起專頁中多番討論的白蘭特雖然有一球進賬，然而今場比賽佢絕對係表明緊自己唔算係一位掃蕩型防中。佢嘅交波確係唔錯，其傳送範圍廣、準繩度都高，不過身體抗性差同欠缺速度令他絕非掃蕩型中場人選，充其量他都只是一位較為全能的「較炮手(anchorman)」。而另一位新中場靴里拉負傷上陣，表現都係麻麻哋，交波嘅觸覺差咗唔少…當然，身體單薄仍然係佢哋嘅致命傷，搶唔到中場的情況下，爆炸頭為曼聯上陣可以話係及時雨…如果用返呢一條中場線，對住車仔曼聯真係好危…
不過更危險的，是後防的問題…即使有鍾斯復出、史摩寧亦都有上陣，不過呢一對被譽為未來英格蘭的後防重鎮，其實唔算係穩陣…二人仲需要啲時間搵返狀態，最慘係佢哋打出水準時亦無泰利佢哋咁穩健…另一方面，盧祖仍然表現得粗枝大葉，佢同梳爾在左面的防守都好多甩漏…對住本季得失球為15的車路士，呢條性感防線真係令人好驚…
而最後一點，就係新星贊奴沙的表現。穿上11號球衣之後，佢明顯同前輩傑斯的貢獻有一段距離，無可置疑佢剛剛出道時真係幾耀眼，不過呢一年以來其實進步真係唔多，打法仲要獨食咗，浪費好多機會…ESPN就形容佢同迪馬利亞差好遠，對於贊奴沙而言「天使」係一位好好的導師，不過就算佢喺天使身上學到再多，要取代迪馬利亞尚要好長好長的路…可能眼前有個小小機會俾佢上陣，因為迪馬利亞今仗被換出之後要敷冰，傷勢如何尚是未知之數…不過贊奴沙真係正選，我諗大家都唔會對佢有太大期望…
首先，曼聯中場係就係比上年質素高咗，不過離開合格仲有一段距離…早前引起專頁中多番討論的白蘭特雖然有一球進賬，然而今場比賽佢絕對係表明緊自己唔算係一位掃蕩型防中。佢嘅交波確係唔錯，其傳送範圍廣、準繩度都高，不過身體抗性差同欠缺速度令他絕非掃蕩型中場人選，充其量他都只是一位較為全能的「較炮手(anchorman)」。而另一位新中場靴里拉負傷上陣，表現都係麻麻哋，交波嘅觸覺差咗唔少…當然，身體單薄仍然係佢哋嘅致命傷，搶唔到中場的情況下，爆炸頭為曼聯上陣可以話係及時雨…如果用返呢一條中場線，對住車仔曼聯真係好危…
不過更危險的，是後防的問題…即使有鍾斯復出、史摩寧亦都有上陣，不過呢一對被譽為未來英格蘭的後防重鎮，其實唔算係穩陣…二人仲需要啲時間搵返狀態，最慘係佢哋打出水準時亦無泰利佢哋咁穩健…另一方面，盧祖仍然表現得粗枝大葉，佢同梳爾在左面的防守都好多甩漏…對住本季得失球為15的車路士，呢條性感防線真係令人好驚…
而最後一點，就係新星贊奴沙的表現。穿上11號球衣之後，佢明顯同前輩傑斯的貢獻有一段距離，無可置疑佢剛剛出道時真係幾耀眼，不過呢一年以來其實進步真係唔多，打法仲要獨食咗，浪費好多機會…ESPN就形容佢同迪馬利亞差好遠，對於贊奴沙而言「天使」係一位好好的導師，不過就算佢喺天使身上學到再多，要取代迪馬利亞尚要好長好長的路…可能眼前有個小小機會俾佢上陣，因為迪馬利亞今仗被換出之後要敷冰，傷勢如何尚是未知之數…不過贊奴沙真係正選，我諗大家都唔會對佢有太大期望…