ESPN：點評5大曼聯可購後衛
史摩寧再次進化、盧祖又有機會長抖，曼聯的後防危機非常明顯，可以預見一月轉會窗時雲高爾會有舉措引入新後衛。而ESPN就列出了5大有機會投魔的後衛球員，你認為邊個最有可能呢？呢到由可能性低嘅開始數下！
曉姆斯（Mats Hummels）
呢位人兄真係個個紅魔鬼球迷都想佢嚟，年輕得嚟又有潛力、又有大賽經驗，點都係最好人選。不過蜜蜂軍團放人指數真係好低，佢有無機會走呢？依家對多蒙特而言是最好，亦是最壞的時代，聯賽成績低迷、甚至捲入降班區；但偏偏歐聯就異常醒神，4場小組賽贏哂。為保聯賽，唔放好正常；為歐聯走得更遠，唔放更正常。於是，佢就榮登6個選擇中最無可能成魔的人。
雲斯頓列特（Winston Reid）
韋斯咸今季打出好表現，得失球保持正5球，雲斯頓列特的貢獻絕對是原因之一。其實列強都對佢有興趣，不過本人似乎傾向續約多啲，因為以佢嘅能力固然可以打高一級別的球會啦，之不過比起世界級後衛而言，佢充其量都係副手。如果佢預期到曼聯只係用佢做過渡，最後都只會係某人的後備，佢又會唔會嚟呢？
祖奧米蘭達（Joao Miranda）
論級數，巴西中堅祖奧米蘭達就有啲唔同喇，在馬體會表現得好好，而且30歲嘅佢雖然年紀大咗啲啲，不過勝在經驗豐富，在曼聯無大將統領的情況之下其實幾啱用。但係外間傳言佢都要2400萬鎊，以佢嘅年紀而言其實係貴咗啲…
加雷（Ezequiel Garay）
拿，最後呢兩位先係戲肉！加雷以12萬鎊加盟辛尼特真係令好多人跌哂眼鏡，而且佢身為阿根廷人，同隊中的迪馬利亞、盧祖夾慣，都係一招殺著，而且佢不在非常出名的大球會中，開價亦不會太狼死，睇嚟真係有得諗。加上佢唔知防守力強，傳送功夫都幾唔錯，可以為曼聯帶來更多元化的攻擊，非常吸引！只係曼聯之前都唔係無留意過佢，會唔會本人其實都唔想嚟呢…
華亞爾（Ron Vlaar）
而被評分最高的，是身在維拉的華亞爾。他是荷蘭國家隊的隊員，與雲高爾合作開，先有加分；另一方面佢嘅指揮後防能力頗強，ESPN甚至稱他有如史譚，又加分。打咗英超2年習慣哂，即買即用即享受，加分。而今年滿約嘅佢，有人出價的話維拉接受一啲都唔奇，買到嘅可能性高，再加分。預計佢嘅身價只係1000萬鎊，唔駛再講嘢啦！
曉姆斯（Mats Hummels）
呢位人兄真係個個紅魔鬼球迷都想佢嚟，年輕得嚟又有潛力、又有大賽經驗，點都係最好人選。不過蜜蜂軍團放人指數真係好低，佢有無機會走呢？依家對多蒙特而言是最好，亦是最壞的時代，聯賽成績低迷、甚至捲入降班區；但偏偏歐聯就異常醒神，4場小組賽贏哂。為保聯賽，唔放好正常；為歐聯走得更遠，唔放更正常。於是，佢就榮登6個選擇中最無可能成魔的人。
雲斯頓列特（Winston Reid）
韋斯咸今季打出好表現，得失球保持正5球，雲斯頓列特的貢獻絕對是原因之一。其實列強都對佢有興趣，不過本人似乎傾向續約多啲，因為以佢嘅能力固然可以打高一級別的球會啦，之不過比起世界級後衛而言，佢充其量都係副手。如果佢預期到曼聯只係用佢做過渡，最後都只會係某人的後備，佢又會唔會嚟呢？
祖奧米蘭達（Joao Miranda）
論級數，巴西中堅祖奧米蘭達就有啲唔同喇，在馬體會表現得好好，而且30歲嘅佢雖然年紀大咗啲啲，不過勝在經驗豐富，在曼聯無大將統領的情況之下其實幾啱用。但係外間傳言佢都要2400萬鎊，以佢嘅年紀而言其實係貴咗啲…
加雷（Ezequiel Garay）
拿，最後呢兩位先係戲肉！加雷以12萬鎊加盟辛尼特真係令好多人跌哂眼鏡，而且佢身為阿根廷人，同隊中的迪馬利亞、盧祖夾慣，都係一招殺著，而且佢不在非常出名的大球會中，開價亦不會太狼死，睇嚟真係有得諗。加上佢唔知防守力強，傳送功夫都幾唔錯，可以為曼聯帶來更多元化的攻擊，非常吸引！只係曼聯之前都唔係無留意過佢，會唔會本人其實都唔想嚟呢…
華亞爾（Ron Vlaar）
而被評分最高的，是身在維拉的華亞爾。他是荷蘭國家隊的隊員，與雲高爾合作開，先有加分；另一方面佢嘅指揮後防能力頗強，ESPN甚至稱他有如史譚，又加分。打咗英超2年習慣哂，即買即用即享受，加分。而今年滿約嘅佢，有人出價的話維拉接受一啲都唔奇，買到嘅可能性高，再加分。預計佢嘅身價只係1000萬鎊，唔駛再講嘢啦！