曼聯專區小評：雙紅會4點觀察
好好彩，真係贏得好好彩！昨天的比賽，曼聯上半場面對阿仙奴暴風雨一樣的攻勢唔失波已經好好彩，仲要有個烏龍波為紅魔鬼帶來好運，取得寶貴的3分。究竟呢場比賽帶俾大家咩睇法？
曼聯重建需時
無錯，曼聯今季到今日俾人嘅感覺，就係仲未成形。雲高爾想做到的事其實有啲複雜，佢想改變球員潛意識；再加上球隊好多新面孔，所以直到今日佢仍然未成功，成隊波隊型非常鬆散。華倫西亞、卡域克等人好明顯係食緊老本，對於曼聯隊型嘅成型無咩特別貢獻，只可以發揮個人能力而唔係建設球隊。雲佩斯應該係最易接受雲帥的哲學，不過因為供應問題，佢都一籌莫展。而真正可以成為球隊核心的，只有靴里拉、朗尼等人，不過一個傷、一個獨力難支…所以，隊型一日未成，大家都要食住驚風散睇波…
阿仙奴新瓶舊酒
爵爺曾經講過：「要打贏阿仙奴，你只要任佢自己玩，你要做嘅只係喺適當時間攔截、打反擊，咁就ok。」無錯，昨天的比賽顯示呢一招仍然有用，雲加雖然一改「度縮」、開始肯用錢買人，不過麾下球員的哲學一直無變。朗尼、迪馬利亞的反擊，一球化為入球、一球僅僅斜出，不過都係極速反擊的完美展示。由此可見兩件事：阿記的弱點，早就被曼聯看透了，就算人腳唔齊、魂魄唔齊嘅紅魔鬼都可以靠本能的反擊為兵工廠造成龐大的傷害；而更重要的一點，是現時曼聯另一出路就係打反擊。後防無大將、傷兵又多，中場球員後撤是必須的；對手壓前亦係好正常的。呢個情況下，有極速的「天使之翼」策反；加上朗尼、雲佩斯等等把握力強的攻擊球員，要以反擊為主要攻擊手段亦未嘗不是一個方法。
龍門的運氣
講運仔，雙方龍門的運仔絕對成為呢場波的分野。手指脫臼的迪基亞可以及時復出當然是非常好彩，有睇波嘅就知，無佢的話昨天場波一早輸了8:0。周遭被一班年輕球員包圍，布歷基、麥拿亞雖然穩健但經驗不足；史摩寧又係一個時好時壞的「古惑炸彈」，佢哋無做出自殺式行為或犯上超低級錯誤，對迪基亞而言亦係非常好運。(其實史摩寧昨天表現唔錯…不過你又點估到佢幾時好幾時壞？好難觸摸！)
相反，阿記的龍門施捷斯尼全場無咩受到威脅，偏偏有偉大的基比斯先撞傷龍門、再撞入烏龍，傷出不特止又要輸一粒，除咗運氣之外，真係無咩可以解釋到…所以，呢到筆者希望迪基亞繼續好運落去啦…
紅魔鬼的未來
最後，筆者想提提對未來曼聯的一啲感想。迪基亞呢？算啦，無咗你，曼聯都唔知點算，唔提啦。不過後防方面，反而要點名讚布歷基、麥拿亞，二人表現無怯場，打法亦ok穩健。布歷基有時荒失失都仲識搵迪基亞幫幫手；而麥拿亞卻有大將之風，位置感亦佳，絕對是可造之材。中場方面，費蘭尼亦是神來之筆，在雲帥手上死而返生嘅佢，絕對係曼聯未來幾年的重要棋子之一。靴里拉、卡域克身型單薄、頭槌麻麻，都可以由費蘭尼補短。就算之後購入史杜特文等硬漢，費蘭尼亦有細膩腳法及一定突破力，可以組成強橫中場。呢位莫帥遺愛，絕對有成為曼聯新寵的潛質。
反而係前場，人腳上係曼聯三線中最強，不過呢個世上最貴攻擊組合其實仍需好好磨合。朗尼同迪馬利亞算係夾得幾好，不過總係未預埋雲佩斯一份；法卡奧能否融入亦係疑問之一。會唔會其實小豆先係解決問題的答案？定係占士威爾遜都可以解答一部分問題？定係馬達先係「繫鈴人」？呢啲問題就要等雲帥答我哋了。
http://www.standardmedia.co.ke/images/friday/FELLINA325346.gif
曼聯重建需時
無錯，曼聯今季到今日俾人嘅感覺，就係仲未成形。雲高爾想做到的事其實有啲複雜，佢想改變球員潛意識；再加上球隊好多新面孔，所以直到今日佢仍然未成功，成隊波隊型非常鬆散。華倫西亞、卡域克等人好明顯係食緊老本，對於曼聯隊型嘅成型無咩特別貢獻，只可以發揮個人能力而唔係建設球隊。雲佩斯應該係最易接受雲帥的哲學，不過因為供應問題，佢都一籌莫展。而真正可以成為球隊核心的，只有靴里拉、朗尼等人，不過一個傷、一個獨力難支…所以，隊型一日未成，大家都要食住驚風散睇波…
阿仙奴新瓶舊酒
爵爺曾經講過：「要打贏阿仙奴，你只要任佢自己玩，你要做嘅只係喺適當時間攔截、打反擊，咁就ok。」無錯，昨天的比賽顯示呢一招仍然有用，雲加雖然一改「度縮」、開始肯用錢買人，不過麾下球員的哲學一直無變。朗尼、迪馬利亞的反擊，一球化為入球、一球僅僅斜出，不過都係極速反擊的完美展示。由此可見兩件事：阿記的弱點，早就被曼聯看透了，就算人腳唔齊、魂魄唔齊嘅紅魔鬼都可以靠本能的反擊為兵工廠造成龐大的傷害；而更重要的一點，是現時曼聯另一出路就係打反擊。後防無大將、傷兵又多，中場球員後撤是必須的；對手壓前亦係好正常的。呢個情況下，有極速的「天使之翼」策反；加上朗尼、雲佩斯等等把握力強的攻擊球員，要以反擊為主要攻擊手段亦未嘗不是一個方法。
龍門的運氣
講運仔，雙方龍門的運仔絕對成為呢場波的分野。手指脫臼的迪基亞可以及時復出當然是非常好彩，有睇波嘅就知，無佢的話昨天場波一早輸了8:0。周遭被一班年輕球員包圍，布歷基、麥拿亞雖然穩健但經驗不足；史摩寧又係一個時好時壞的「古惑炸彈」，佢哋無做出自殺式行為或犯上超低級錯誤，對迪基亞而言亦係非常好運。(其實史摩寧昨天表現唔錯…不過你又點估到佢幾時好幾時壞？好難觸摸！)
相反，阿記的龍門施捷斯尼全場無咩受到威脅，偏偏有偉大的基比斯先撞傷龍門、再撞入烏龍，傷出不特止又要輸一粒，除咗運氣之外，真係無咩可以解釋到…所以，呢到筆者希望迪基亞繼續好運落去啦…
紅魔鬼的未來
最後，筆者想提提對未來曼聯的一啲感想。迪基亞呢？算啦，無咗你，曼聯都唔知點算，唔提啦。不過後防方面，反而要點名讚布歷基、麥拿亞，二人表現無怯場，打法亦ok穩健。布歷基有時荒失失都仲識搵迪基亞幫幫手；而麥拿亞卻有大將之風，位置感亦佳，絕對是可造之材。中場方面，費蘭尼亦是神來之筆，在雲帥手上死而返生嘅佢，絕對係曼聯未來幾年的重要棋子之一。靴里拉、卡域克身型單薄、頭槌麻麻，都可以由費蘭尼補短。就算之後購入史杜特文等硬漢，費蘭尼亦有細膩腳法及一定突破力，可以組成強橫中場。呢位莫帥遺愛，絕對有成為曼聯新寵的潛質。
反而係前場，人腳上係曼聯三線中最強，不過呢個世上最貴攻擊組合其實仍需好好磨合。朗尼同迪馬利亞算係夾得幾好，不過總係未預埋雲佩斯一份；法卡奧能否融入亦係疑問之一。會唔會其實小豆先係解決問題的答案？定係占士威爾遜都可以解答一部分問題？定係馬達先係「繫鈴人」？呢啲問題就要等雲帥答我哋了。
http://www.standardmedia.co.ke/images/friday/FELLINA325346.gif