曼聯專區小評：無名英雄卡域克
雙紅會之前，無容置疑大家都在找一位關鍵人物，看誰才是主宰比賽的人。或者好多人都希望「天使」可以復出、法卡奧可以有態，不過數據同現實反映，曼聯近期最關鍵人物，一定係佢：卡域克。
大家可能無留意，其實佢傷癒復出之後已經連續5場正選、打足5場，而曼聯呢5場波，都係贏嘅。唔計迪基亞的神勇，卡域克在後防成為咗絕對嘅指揮官，就好似舒米高早前就講過：「雲高爾無一個後防指揮官，佢好需要一個統領後防線的大將。不過，依家我哋根本就無呢位球員在場。」而卡域克，就係答案。
數據網頁OPTA顯示，曼聯呢幾場波有幾個數字係英超之霸：場均傳球數、傳球成功率、控球率、短傳數。曼聯每場平均傳球次數580次，比曼城572次、車路士549.2次都高，英超第1；傳球成功率為86.7%，比車路士86.1%及愛華頓嘅85.1%都高，英超第1；控球率上曼聯平均為60.5%，高於熱刺的59.5%、車路士的57.5%，英超第1；短傳數量上，曼聯513次短傳都係第1。
而呢4個第一入面，卡域克其實居功至偉。OPTA數據入面，卡域克每90分鐘就有69.8次傳波，其中62.5次成功，成功率為89.5%；而且佢一改之前習慣，每90分鐘50次向前傳波，只有19.8次回傳。身在防中位置的他，擔當了曼聯中後場的指揮，其傳球方式正正是絕佳的節奏控制，亦給予了後衛們信心、安定。就以對侯城的比賽為例，史摩寧、盧祖各自有89次傳波，位列全隊第2，盧祖的傳球成功率更是高達98%。而且連中場都係人人都追住卡域克嚟交波，費蘭尼15次、馬達12次，卡域克就係曼聯中後場的連繫，構成穩定嘅傳送網絡。
雖然曼聯5連勝入面，卡域克一腳威脅傳波都無，不過作為防中，佢有另一樣極為重要的能力，每腳傳球距離19.3米，比費蘭尼16米、白蘭特18.9米都遠，為後防緩減壓力之餘，更可以直接將波送入對方心臟地帶，加埋佢嘅傳波成功率高，即係意味住下下長傳都搵到自己隊嘅攻擊球員，反守為攻。
英國媒體對佢評價好高，好似《每日郵報》就認為曼聯5連勝入面，卡域克的沉著冷靜發揮著關鍵作用，不停觸球，再用最合理的方式派牌。而ESPN就大讚卡域克是英格蘭足壇最好的控球球員，通過傳球、控球穩定節奏，應快得快，應慢得慢。加利仔更在《skysports》就話：「控波上前場有幾難？你講就易！你做到卡域克咁好先講啦！」
https://www.youtube.com/watch?v=D-6pz0NeDfA 呢個助攻夠遠未？
https://www.youtube.com/watch?v=IhpCfnxsGAo雖然係上年嘅，不過都可以欣賞下佢嘅傳球有幾勁！
大家可能無留意，其實佢傷癒復出之後已經連續5場正選、打足5場，而曼聯呢5場波，都係贏嘅。唔計迪基亞的神勇，卡域克在後防成為咗絕對嘅指揮官，就好似舒米高早前就講過：「雲高爾無一個後防指揮官，佢好需要一個統領後防線的大將。不過，依家我哋根本就無呢位球員在場。」而卡域克，就係答案。
數據網頁OPTA顯示，曼聯呢幾場波有幾個數字係英超之霸：場均傳球數、傳球成功率、控球率、短傳數。曼聯每場平均傳球次數580次，比曼城572次、車路士549.2次都高，英超第1；傳球成功率為86.7%，比車路士86.1%及愛華頓嘅85.1%都高，英超第1；控球率上曼聯平均為60.5%，高於熱刺的59.5%、車路士的57.5%，英超第1；短傳數量上，曼聯513次短傳都係第1。
而呢4個第一入面，卡域克其實居功至偉。OPTA數據入面，卡域克每90分鐘就有69.8次傳波，其中62.5次成功，成功率為89.5%；而且佢一改之前習慣，每90分鐘50次向前傳波，只有19.8次回傳。身在防中位置的他，擔當了曼聯中後場的指揮，其傳球方式正正是絕佳的節奏控制，亦給予了後衛們信心、安定。就以對侯城的比賽為例，史摩寧、盧祖各自有89次傳波，位列全隊第2，盧祖的傳球成功率更是高達98%。而且連中場都係人人都追住卡域克嚟交波，費蘭尼15次、馬達12次，卡域克就係曼聯中後場的連繫，構成穩定嘅傳送網絡。
雖然曼聯5連勝入面，卡域克一腳威脅傳波都無，不過作為防中，佢有另一樣極為重要的能力，每腳傳球距離19.3米，比費蘭尼16米、白蘭特18.9米都遠，為後防緩減壓力之餘，更可以直接將波送入對方心臟地帶，加埋佢嘅傳波成功率高，即係意味住下下長傳都搵到自己隊嘅攻擊球員，反守為攻。
英國媒體對佢評價好高，好似《每日郵報》就認為曼聯5連勝入面，卡域克的沉著冷靜發揮著關鍵作用，不停觸球，再用最合理的方式派牌。而ESPN就大讚卡域克是英格蘭足壇最好的控球球員，通過傳球、控球穩定節奏，應快得快，應慢得慢。加利仔更在《skysports》就話：「控波上前場有幾難？你講就易！你做到卡域克咁好先講啦！」
https://www.youtube.com/watch?v=D-6pz0NeDfA 呢個助攻夠遠未？
https://www.youtube.com/watch?v=IhpCfnxsGAo雖然係上年嘅，不過都可以欣賞下佢嘅傳球有幾勁！