曼聯專區小評：迪基亞與洛里斯
對熱刺的比賽悶和，原本筆者對此握腕嘆息甚久，不過和波之後睇返積分表，頭4位人人和波個個不落空，除咗阿仙奴贏波追返上來啲啲，其實形勢無咩改變，又忍唔住偷偷鬆一口氣。而失望嘅最大原因，可能係同呢張圖有關…
無計，曼聯過去的9連不敗入面，迪基亞作出了極大的貢獻，搞到利物浦、修咸頓球員紛紛高呼「咁都救到？幻覺嚟嘅啫！」而風水輪流轉，今次到曼聯球迷望住對方門將洛里斯目瞪口呆。比賽上半場曼聯優勢明顯，只係數手指都數到手軟：19分鐘馬達助法卡奧突破越位陷阱攻門、34分又係馬達助攻法卡奧，於禁區左面起腳、39分卡域克長傳，雲佩斯接應後於門前6碼起腳、43分楊格傳中朗尼頭槌、45分楊格cut入禁區攞角勁射…無錯，呢5腳威脅攻門通通都係洛里斯攔阻住，曼聯上半場就咁顆粒無收。
到咗下半場？我哋先聽聽雲帥的賽後牢騷：「歐洲足協同國際足協都唔會准球會48小時內打兩場波。不過，呢到係英國。下半場大家都在拚死掙扎，因為48小時內恢復體力無咩可能。呢場係好醜怪嘅比賽。我哋錯失3個機會，馬達、雲佩斯都可以入波，法卡奧都有機會。上半場打得好到無得彈，但係唔完成攻勢、入唔到波都係無用。」最諷刺係，呢場係曼聯少有的比賽用返同上輪一模一樣的人腳。理論上用同一班人隊型會好啲，不過在未夠48小時連戰2場的情況下，球員體力明顯受到考驗，下半場體力下降的情況清晰可見。所以，呢場波只係將傷兵滿營對球隊的影響深深展現出嚟…
不過呢場比賽都有另一個睇頭，就係馬達的位置。上半場而言，馬達又再一次話俾大家聽佢一定係世界最強級數的攻擊球員之一，自由球又好、短傳入楔又好、威脅傳球都好，佢都有板有眼，不過佢嘅弱點其實亦表露出嚟：腳法好好、足球智慧強，只係身體抗性真係麻麻，好難在大隻佬型的對手面前取得甜頭。所以佢一定要拍住一個識得保護佢嘅隊友，依家可能係費蘭尼；之後可能係史杜特文，有硬漢照住嘅馬達就可以發揮到極致…(謎之聲：件事咁hehe嘅…)
https://www.youtube.com/watch?v=9DvMUPUeCAk唉。唔入。
無計，曼聯過去的9連不敗入面，迪基亞作出了極大的貢獻，搞到利物浦、修咸頓球員紛紛高呼「咁都救到？幻覺嚟嘅啫！」而風水輪流轉，今次到曼聯球迷望住對方門將洛里斯目瞪口呆。比賽上半場曼聯優勢明顯，只係數手指都數到手軟：19分鐘馬達助法卡奧突破越位陷阱攻門、34分又係馬達助攻法卡奧，於禁區左面起腳、39分卡域克長傳，雲佩斯接應後於門前6碼起腳、43分楊格傳中朗尼頭槌、45分楊格cut入禁區攞角勁射…無錯，呢5腳威脅攻門通通都係洛里斯攔阻住，曼聯上半場就咁顆粒無收。
到咗下半場？我哋先聽聽雲帥的賽後牢騷：「歐洲足協同國際足協都唔會准球會48小時內打兩場波。不過，呢到係英國。下半場大家都在拚死掙扎，因為48小時內恢復體力無咩可能。呢場係好醜怪嘅比賽。我哋錯失3個機會，馬達、雲佩斯都可以入波，法卡奧都有機會。上半場打得好到無得彈，但係唔完成攻勢、入唔到波都係無用。」最諷刺係，呢場係曼聯少有的比賽用返同上輪一模一樣的人腳。理論上用同一班人隊型會好啲，不過在未夠48小時連戰2場的情況下，球員體力明顯受到考驗，下半場體力下降的情況清晰可見。所以，呢場波只係將傷兵滿營對球隊的影響深深展現出嚟…
不過呢場比賽都有另一個睇頭，就係馬達的位置。上半場而言，馬達又再一次話俾大家聽佢一定係世界最強級數的攻擊球員之一，自由球又好、短傳入楔又好、威脅傳球都好，佢都有板有眼，不過佢嘅弱點其實亦表露出嚟：腳法好好、足球智慧強，只係身體抗性真係麻麻，好難在大隻佬型的對手面前取得甜頭。所以佢一定要拍住一個識得保護佢嘅隊友，依家可能係費蘭尼；之後可能係史杜特文，有硬漢照住嘅馬達就可以發揮到極致…(謎之聲：件事咁hehe嘅…)
https://www.youtube.com/watch?v=9DvMUPUeCAk唉。唔入。