曼聯專區小評：10大約滿將士逐個睇(上篇)
ESPN剛剛搵出咗10個2016年就約滿的曼聯球員，分析咗佢哋應否留低，筆者就借力打力，都講一下呢10位球員啦！
雲佩斯
雲師兄曾經係曼聯的金靴獎得主，佢有唔少入球都令人耳目一新、印象深刻，好似佢接應朗尼長傳球不著地的入波，到依家筆者仍然歷歷在目。不過，今時今日嘅佢一定係職業生涯的低點，因為信心問題，佢連攞個波都驚驚青青，變成「雲逼甩」一逼就甩，其實以佢嘅能力唔應該係咁，不過就係因為無信心、無狀態，連好好起腳攻門都唔係好做得到。
ESPN專欄作家Musa Okwonga認為佢唔值得續約，但係筆者認為續約與否唔應該只睇呢一刻，雲師兄既然曾經成為英超最強殺手，一時的低潮唔可以決定一切。有一位強大的中場同佢夾到，有供應，佢嘅信心同能力有機會再爆發。在法卡奧未必買斷、又未知有無新前鋒的情況下，可望續多一年，再觀望一下。
ESPN：去
曼聯專區：留
楊格
要講大起大跌，真係要提下楊格。由當年一度成為最具殺傷力的曼聯翼鋒；變成人人口中的「廢羊」只懂no look斬中；再由翼鋒轉打翼衛，佢都真係算係經典中的經典。不過作為雲高爾麾下352陣式中的翼衛，佢嘅表現真係算幾好，突破力無容置疑，只係打後一格之後，要29歲嘅佢下下殺入禁區都有啲強人所難。不過在曼聯陣中，佢絕唔係最好，不過最差一定唔到佢，續約對曼聯來說利多於弊。
ESPN：留
曼聯專區：留
小豆
呢位悲劇人物其實係墨西哥史上第3大前鋒，70場比賽攻入38球，對於中型班球會而言絕對是一位強大的將士。26歲仔，前途無可限量，無奈悲劇總係離唔開佢，打曼聯好、打皇馬好，都係後備。唔係一位技術好好的球員，Musa Okwonga認為佢唔啱雲帥的戰陣，最好都係走人。不過筆者就唔係咁睇，佢其實同雲佩斯的作用有啲似，大家都唔係衝刺型前鋒，亦唔係以身材見稱的前鋒，雲佩斯以好強的腳法將無可能入的波化為入球；而小豆呢，就係以好靈活嘅走位，將無可能接應到嘅傳送送入網窩。與其要等法卡奧慢慢融入球隊，可能呢位濕水欖核更可解曼聯的燃眉之急。筆者話嘅，留好啲！ESPN：去
曼聯專區：留
鍾斯
雖然腳法比較粗糙，但係心態正面、體型又好，有衝刺力、唔怕死，可勝任防中、右後衛、就算對住歐洲最強的前鋒，佢都唔會驚佢。單係呢點已經值得佢留低，再加上雲高爾其實一直都唔喜歡用上腳後衛，好似拜仁的雲拜頓就係咁。領隊又會用、自己又有一定優勢，點會唔續約呢？
ESPN：留
曼聯專區：留
尼克包維
一度被譽為新史高斯的包維，潛質都真係有嘅，不過一方面雲高爾唔太想用佢，寧願借佢去李城；另一方面佢亦有一啲個人問題，李城領隊皮雅臣就罵過佢無咩時間觀念，訓練時態度又麻麻。最重要的，是曼聯已經有一位靴里拉在陣，創造力同傳送力俱佳，而佢後面仲有一個隱型的強大後盾馬達，同一個位置上要3個人都無咩著數…與其留佢呢位唔太出眾的中場，不如搵一個精英仲好？
ESPN：去
曼聯專區：去
好喇，講到呢到先，明天再同大家講埋剩下的5位！佢哋都係後防球員多噃……
雲佩斯
雲師兄曾經係曼聯的金靴獎得主，佢有唔少入球都令人耳目一新、印象深刻，好似佢接應朗尼長傳球不著地的入波，到依家筆者仍然歷歷在目。不過，今時今日嘅佢一定係職業生涯的低點，因為信心問題，佢連攞個波都驚驚青青，變成「雲逼甩」一逼就甩，其實以佢嘅能力唔應該係咁，不過就係因為無信心、無狀態，連好好起腳攻門都唔係好做得到。
ESPN專欄作家Musa Okwonga認為佢唔值得續約，但係筆者認為續約與否唔應該只睇呢一刻，雲師兄既然曾經成為英超最強殺手，一時的低潮唔可以決定一切。有一位強大的中場同佢夾到，有供應，佢嘅信心同能力有機會再爆發。在法卡奧未必買斷、又未知有無新前鋒的情況下，可望續多一年，再觀望一下。
ESPN：去
曼聯專區：留
楊格
要講大起大跌，真係要提下楊格。由當年一度成為最具殺傷力的曼聯翼鋒；變成人人口中的「廢羊」只懂no look斬中；再由翼鋒轉打翼衛，佢都真係算係經典中的經典。不過作為雲高爾麾下352陣式中的翼衛，佢嘅表現真係算幾好，突破力無容置疑，只係打後一格之後，要29歲嘅佢下下殺入禁區都有啲強人所難。不過在曼聯陣中，佢絕唔係最好，不過最差一定唔到佢，續約對曼聯來說利多於弊。
ESPN：留
曼聯專區：留
小豆
呢位悲劇人物其實係墨西哥史上第3大前鋒，70場比賽攻入38球，對於中型班球會而言絕對是一位強大的將士。26歲仔，前途無可限量，無奈悲劇總係離唔開佢，打曼聯好、打皇馬好，都係後備。唔係一位技術好好的球員，Musa Okwonga認為佢唔啱雲帥的戰陣，最好都係走人。不過筆者就唔係咁睇，佢其實同雲佩斯的作用有啲似，大家都唔係衝刺型前鋒，亦唔係以身材見稱的前鋒，雲佩斯以好強的腳法將無可能入的波化為入球；而小豆呢，就係以好靈活嘅走位，將無可能接應到嘅傳送送入網窩。與其要等法卡奧慢慢融入球隊，可能呢位濕水欖核更可解曼聯的燃眉之急。筆者話嘅，留好啲！ESPN：去
曼聯專區：留
鍾斯
雖然腳法比較粗糙，但係心態正面、體型又好，有衝刺力、唔怕死，可勝任防中、右後衛、就算對住歐洲最強的前鋒，佢都唔會驚佢。單係呢點已經值得佢留低，再加上雲高爾其實一直都唔喜歡用上腳後衛，好似拜仁的雲拜頓就係咁。領隊又會用、自己又有一定優勢，點會唔續約呢？
ESPN：留
曼聯專區：留
尼克包維
一度被譽為新史高斯的包維，潛質都真係有嘅，不過一方面雲高爾唔太想用佢，寧願借佢去李城；另一方面佢亦有一啲個人問題，李城領隊皮雅臣就罵過佢無咩時間觀念，訓練時態度又麻麻。最重要的，是曼聯已經有一位靴里拉在陣，創造力同傳送力俱佳，而佢後面仲有一個隱型的強大後盾馬達，同一個位置上要3個人都無咩著數…與其留佢呢位唔太出眾的中場，不如搵一個精英仲好？
ESPN：去
曼聯專區：去
好喇，講到呢到先，明天再同大家講埋剩下的5位！佢哋都係後防球員多噃……