亨利：利物浦必過曼聯頭排前4
曼聯以3:0擊敗熱刺又如何？阿仙奴名宿亨利日前發表評論，認為利物浦可以爬曼聯頭進入前4，因為佢認為曼聯球員無法適應雲高爾戰術，現今紅魔已經唔係佢當年熟悉嗰個對手。
亨利晌《太陽報》上表示：「雲高爾時間無多喇，現今曼聯隊波仲未磨合好，球員難以適應佢嘅戰術同體系，儘管執教紀錄好好，但到依家都唔知自己最強陣容係咩，就咁睇，前4應該係車路士、曼城、阿仙奴同利物浦。紅軍一月後戰績彪炳，利物浦將可反超前曼聯入前4。」
亨利其後更認為曼聯現今已今時唔同往日：「作為阿仙奴球員，我同曼聯交過手，可以講嘅係現今曼聯已經好唔同，看上去好奇怪。即使我晌巴塞同美國效力時，我都有睇曼聯晌奧脫福踢波，佢哋最主場總是高高在上，認為這場波一定必勝，但依家佢哋晌主場出戰，唔係苦苦掙扎就係輸波而回。每個人包括我在內，都認為無得打歐聯，對曼聯嚟講係好事，但依家睇嚟曼聯冇歐聯絕對係災難。歐聯俾到雲高爾更多時間，讓球員融入佢體系，磨合最佳方式就係比賽，而唔係訓練，比賽令你獲得信心同動力。但雲高爾同球員依家必須等一周才可以踢下一場比賽，令大家無時間去夾隊波。由於缺乏比賽，雲高爾晌比賽中大幅調整球隊，對任何人都冇好處，球員因此而大感迷惑。」
亨利之後仲表明曼聯球員雖然名氣大，但狀態唔好：「曼聯隊內明明就有高水平球員，只係佢哋狀態唔好。曼聯有3名一季可以射入20球嘅射手，朗尼、法卡奧同雲佩斯，迪馬利亞亦都好有實力，但球員晌適應雲高爾體系時特別困難。曼聯球迷必須有耐性，下年踢唔踢返歐聯好關鍵。迪馬利亞呢種球星，可以接受一年不踢歐聯，但如果球隊連續兩年無得打，就好難吸引頂級球加盟。」
亨利晌《太陽報》上表示：「雲高爾時間無多喇，現今曼聯隊波仲未磨合好，球員難以適應佢嘅戰術同體系，儘管執教紀錄好好，但到依家都唔知自己最強陣容係咩，就咁睇，前4應該係車路士、曼城、阿仙奴同利物浦。紅軍一月後戰績彪炳，利物浦將可反超前曼聯入前4。」
亨利其後更認為曼聯現今已今時唔同往日：「作為阿仙奴球員，我同曼聯交過手，可以講嘅係現今曼聯已經好唔同，看上去好奇怪。即使我晌巴塞同美國效力時，我都有睇曼聯晌奧脫福踢波，佢哋最主場總是高高在上，認為這場波一定必勝，但依家佢哋晌主場出戰，唔係苦苦掙扎就係輸波而回。每個人包括我在內，都認為無得打歐聯，對曼聯嚟講係好事，但依家睇嚟曼聯冇歐聯絕對係災難。歐聯俾到雲高爾更多時間，讓球員融入佢體系，磨合最佳方式就係比賽，而唔係訓練，比賽令你獲得信心同動力。但雲高爾同球員依家必須等一周才可以踢下一場比賽，令大家無時間去夾隊波。由於缺乏比賽，雲高爾晌比賽中大幅調整球隊，對任何人都冇好處，球員因此而大感迷惑。」
亨利之後仲表明曼聯球員雖然名氣大，但狀態唔好：「曼聯隊內明明就有高水平球員，只係佢哋狀態唔好。曼聯有3名一季可以射入20球嘅射手，朗尼、法卡奧同雲佩斯，迪馬利亞亦都好有實力，但球員晌適應雲高爾體系時特別困難。曼聯球迷必須有耐性，下年踢唔踢返歐聯好關鍵。迪馬利亞呢種球星，可以接受一年不踢歐聯，但如果球隊連續兩年無得打，就好難吸引頂級球加盟。」