曼聯專區小評：「馬卡靴」的化學作用
曼聯大勝熱刺一仗入面唔單止睇得到卡域克對曼聯的重要性，亦睇到靴里拉其實係就係曼聯所欠的一塊中場拼圖。佢嘅創造性、傳波嘅能力，都係曼聯陣中嘅清流，你可以話佢無助攻、無入波，不過佢做嘅係更重要的工作，就係控制攻擊節奏。
數據上，靴里拉嘅交波好似無咩攻擊力，佢向前傳波的數字甚至比白蘭特更少。呢位西班牙球員場均前傳數字為37.6次，白蘭特呢位防中反而有45.4次。心水清嘅你都應該估到，筆者想講前傳次數唔關攻擊力事，防中截完波前傳係好平常；相較之下，靴里拉更擅於控球在腳，不作無謂的傳送以致失去控球權。佢習慣搵到有攻擊空隙先向前傳，無就寧願橫傳後交，主宰隊伍的進攻風格。而要配合佢，就係要有一位同樣有足球智慧睇得通，走位又靚嘅隊友先得。而佢，就係馬達。
大家都見到馬達在曼聯打得好辛苦，其實上仗對熱刺都唔係打得太好，不過佢同靴里拉的配合已經隱隱約約呈現了潛力。馬達唔撞得，技術雖好不過只要被步大力雄的防守球員一逼就會甩腳、絆倒，大家成日見到交到馬達腳下的波好多時都會好快甩，原因就係體格的問題。不過有咗靴里拉呢位「直傳狂魔」在陣，佢最喜歡的唔係交到腳，而係交去空位俾隊友追，往往傳送落點都係隊友去到敵將掂唔到，咁嘅傳送方式正正就將馬達的弱點收埋，俾佢用足球智慧打波而唔係用身體打波。所以，靴里拉在陣的話，馬達就有機會發揮120%。
不過話又講返轉頭，有靴里拉、馬達，又必須要有卡域克噃，因為無佢守住防中位置，曼聯的攻擊又變得唔流暢喇。早前曼聯專區小評都講過，卡域克轉守為攻的能力非同少可，再加上佢嘅經驗豐富，知道對手有咩弱點、犯緊咩錯，以佢嘅眼光睇穿弱點、放長傳去俾靴里拉用創造力做突破，再二傳俾馬達、朗尼等人在前線隨機應變。如此一來，由中後場到中前場的連繫就變得緊密，而且有空間做更多變化、入楔，呢個就係曼聯對熱刺上半場時打得水銀瀉地的原因之一。
結論，就係到呢一刻，迪馬利亞同法卡奧都好似無出現過…唔通，雲帥唔用嘅靴里拉先係答案，千萬投資嘅「天使」「老虎」先唔對辦？其實又未必嘅，不過要打出佢哋嘅化學反應，睇嚟又要多幾場波先得喇…
https://www.youtube.com/watch?v=qJdhB9s2H0s大家不妨睇下靴里拉對熱刺的表現！
數據上，靴里拉嘅交波好似無咩攻擊力，佢向前傳波的數字甚至比白蘭特更少。呢位西班牙球員場均前傳數字為37.6次，白蘭特呢位防中反而有45.4次。心水清嘅你都應該估到，筆者想講前傳次數唔關攻擊力事，防中截完波前傳係好平常；相較之下，靴里拉更擅於控球在腳，不作無謂的傳送以致失去控球權。佢習慣搵到有攻擊空隙先向前傳，無就寧願橫傳後交，主宰隊伍的進攻風格。而要配合佢，就係要有一位同樣有足球智慧睇得通，走位又靚嘅隊友先得。而佢，就係馬達。
大家都見到馬達在曼聯打得好辛苦，其實上仗對熱刺都唔係打得太好，不過佢同靴里拉的配合已經隱隱約約呈現了潛力。馬達唔撞得，技術雖好不過只要被步大力雄的防守球員一逼就會甩腳、絆倒，大家成日見到交到馬達腳下的波好多時都會好快甩，原因就係體格的問題。不過有咗靴里拉呢位「直傳狂魔」在陣，佢最喜歡的唔係交到腳，而係交去空位俾隊友追，往往傳送落點都係隊友去到敵將掂唔到，咁嘅傳送方式正正就將馬達的弱點收埋，俾佢用足球智慧打波而唔係用身體打波。所以，靴里拉在陣的話，馬達就有機會發揮120%。
不過話又講返轉頭，有靴里拉、馬達，又必須要有卡域克噃，因為無佢守住防中位置，曼聯的攻擊又變得唔流暢喇。早前曼聯專區小評都講過，卡域克轉守為攻的能力非同少可，再加上佢嘅經驗豐富，知道對手有咩弱點、犯緊咩錯，以佢嘅眼光睇穿弱點、放長傳去俾靴里拉用創造力做突破，再二傳俾馬達、朗尼等人在前線隨機應變。如此一來，由中後場到中前場的連繫就變得緊密，而且有空間做更多變化、入楔，呢個就係曼聯對熱刺上半場時打得水銀瀉地的原因之一。
結論，就係到呢一刻，迪馬利亞同法卡奧都好似無出現過…唔通，雲帥唔用嘅靴里拉先係答案，千萬投資嘅「天使」「老虎」先唔對辦？其實又未必嘅，不過要打出佢哋嘅化學反應，睇嚟又要多幾場波先得喇…
https://www.youtube.com/watch?v=qJdhB9s2H0s大家不妨睇下靴里拉對熱刺的表現！