曼聯專區小評：馬達的兩難
對利物浦一戰，曼聯有一位球員無論是觸球、傳送、斬波以至入波，都多於場上任何一位紅魔球員。場波有波入嘅只得佢一個，大家都知佢係馬達啦！而佢嘅守得雲開見月明固然令大家好開心，不過諗深一層，既然有咁嘅身手，點解馬達表現好似好唔穩定？而今次佢嘅「返生」，又係唔係一道虛火？
答案，就在馬達自己的身上。看官應該記得，前幾年總是有評論話要打出馬達的水準，一定要成隊人就佢先得，要以佢做球隊的核心去營造、建立球隊，呢一個睇法真係雖不中亦不遠矣。今仗馬達的光芒，絕對有賴隊中其他隊友的協助，如果唔係有靴里拉在中場控制節奏，又如果唔係有跑得好快嘅華倫西亞喺打右面嘅馬達身後分擔防守工作、助攻工作，馬達的影響範圍一定會大大被收窄。無他，佢身型實在太嬌小、速度又真係唔快，要佢做獨立部隊、單騎進襲，效果一定唔會太好。不過佢勝在有一樣嘢好，係咩？等卡域克同大家講。
佢話：「馬達真係好聰明，佢運球好好，位置感好好，因為佢聰明，所以佢危險。不過佢真係太細粒，唔可能有體型的優勢，不過佢個人能力同比賽風格好突出，令佢嘅比賽非常賞心悅目。」無錯，足球智慧係馬達的絕招，佢係用腦踢波嘅人。不過，正正係因為咁，佢要好多隊友幫佢先得，亦係所謂「成隊人就哂佢」嘅原因。起碼，曼聯上仗最少有大半隊都好有心幫佢。
呢個正正就係摩連奴唔喜歡馬達的原因，因為要打出佢嘅能力配套實在太多。依家佢嘅愛將馬迪係全能戰士，有體型、撞得，而且可攻可守，放佢一個人對幾個對方守將都可以頂得下。你睇馬達，上場比賽多番被對手於身後一逼一推就倒下，有球在腳時都很易受制於對手的高強度搶截，如果唔係有靴里拉在身邊幫佢、有卡域克做駁腳、有費蘭尼接應佢嘅大腳、有華倫西亞做後上，馬達只會係好易被對手圍攻、無法突破的一位球員。而今時今日呢個陣好似好有效，其實非常脆弱，只要有一位曼聯球員傷疲缺陣，馬達的威力又會受一定影響。
所以要馬達表現穩定，老老實實得兩個方法，一個就係為佢度身訂造ABC餐，將戰術訓練轉為以佢做中心，唔同的球員組合、唔同的攻擊套路；一係，就係去一個對身體抗性要求無咁高嘅聯賽作賽…筆者就諗，如果曼聯變成馬達、靴里拉雙核驅動，又會係一個點嘅光景呢？
https://www.youtube.com/watch?v=ZBiOLg4xd78你睇靴里拉幾開心！
https://www.youtube.com/watch?v=ZR1mboggjVs
答案，就在馬達自己的身上。看官應該記得，前幾年總是有評論話要打出馬達的水準，一定要成隊人就佢先得，要以佢做球隊的核心去營造、建立球隊，呢一個睇法真係雖不中亦不遠矣。今仗馬達的光芒，絕對有賴隊中其他隊友的協助，如果唔係有靴里拉在中場控制節奏，又如果唔係有跑得好快嘅華倫西亞喺打右面嘅馬達身後分擔防守工作、助攻工作，馬達的影響範圍一定會大大被收窄。無他，佢身型實在太嬌小、速度又真係唔快，要佢做獨立部隊、單騎進襲，效果一定唔會太好。不過佢勝在有一樣嘢好，係咩？等卡域克同大家講。
佢話：「馬達真係好聰明，佢運球好好，位置感好好，因為佢聰明，所以佢危險。不過佢真係太細粒，唔可能有體型的優勢，不過佢個人能力同比賽風格好突出，令佢嘅比賽非常賞心悅目。」無錯，足球智慧係馬達的絕招，佢係用腦踢波嘅人。不過，正正係因為咁，佢要好多隊友幫佢先得，亦係所謂「成隊人就哂佢」嘅原因。起碼，曼聯上仗最少有大半隊都好有心幫佢。
呢個正正就係摩連奴唔喜歡馬達的原因，因為要打出佢嘅能力配套實在太多。依家佢嘅愛將馬迪係全能戰士，有體型、撞得，而且可攻可守，放佢一個人對幾個對方守將都可以頂得下。你睇馬達，上場比賽多番被對手於身後一逼一推就倒下，有球在腳時都很易受制於對手的高強度搶截，如果唔係有靴里拉在身邊幫佢、有卡域克做駁腳、有費蘭尼接應佢嘅大腳、有華倫西亞做後上，馬達只會係好易被對手圍攻、無法突破的一位球員。而今時今日呢個陣好似好有效，其實非常脆弱，只要有一位曼聯球員傷疲缺陣，馬達的威力又會受一定影響。
所以要馬達表現穩定，老老實實得兩個方法，一個就係為佢度身訂造ABC餐，將戰術訓練轉為以佢做中心，唔同的球員組合、唔同的攻擊套路；一係，就係去一個對身體抗性要求無咁高嘅聯賽作賽…筆者就諗，如果曼聯變成馬達、靴里拉雙核驅動，又會係一個點嘅光景呢？
https://www.youtube.com/watch?v=ZBiOLg4xd78你睇靴里拉幾開心！
https://www.youtube.com/watch?v=ZR1mboggjVs