朗尼：我唔再做打拳慶祝動作喇！

早排在家中與巴士利打拳「暈倒」更被將片段放上網嘅朗尼，喺對熱刺比賽入波之後忘形打拳、扮被擊倒的慶祝動作成為一時佳話，不過睇嚟大家都無機會再睇到了…事關，有件Kai事發生…

呢件Kai事真係關Kai事，朗尼咁講：「我老婆去接Kai仔放學，點知見到佢在課室做呢個慶祝動作。我話你知，你唔會再見到我做呢個動作。」無辦法啦，大人識就力咁樣樣向後倒都有機會整親自己，更何況一個小朋友呢？於是為咗保護Kai仔，朗尼又點會再做呢個動作先得架？

不過佢喺屋企打拳呢一單又點計呢？佢就咁講：「我好喜歡打boxing，不幸地呢個運動對你有時無咩好處…我知呢件事上報，我亦同領隊傾過。佢唔認為呢個係一個問題，我都唔認為係。只係其他人感覺有問題。我喜歡打拳，而且我其實正正就係有打拳擊嘅背景，呢個係事實。如果我感覺自己做錯了，我會向相關人士道個歉。」