加利仔：曼城心態影響成績
曼城輸咗俾水晶宮之後，衛冕固然已經無咩可能，仲俾曼聯一個機會守住第3，只要下仗曼市打吡可以生生性性、和又好贏最好，咁樣紅魔鬼重奪歐聯資格的機會就大增了。而對於曼城的問題，唔少球壇名宿都出嚟講兩句，加利仔就係其中之一。
加利仔咁講：「毫無疑問，佢哋有心態上的問題。呢隊波無辦法持續咁取得成功。理論上，你贏過聯賽冠軍之後應該會好飢渴，會盡力衛冕，不過曼城無。佢哋放軟手腳，上到山頂就跣返落嚟。」
「從之前的比賽睇嚟，佢哋最後都無辦法打破堅守城池的水晶宮，車路士上季都有同樣的問題，亦令佢哋付出代價。今季到曼城了。佢哋純粹做唔到突破對手防禦，我唔認為捷西斯拿華斯做到突破。阿古路同迪斯高組成了攻擊線拍檔？真係？呢個組合唔係時時有化學作用，有時得，有時唔得。」
「佢哋係好有潛質的隊伍，理應與英超最佳的車路士並駕齊驅，整季都向對方施壓。不過佢哋真係跌得好勁，佢哋打唔入歐聯16強，佢哋無辦法維持勝軌，而且變得年紀越來越大。佢哋已經係聯賽中平均年齡最大的球隊了。有啲球員下季唔會再留在陣中，以曼城嘅野心同能力睇嚟，佢哋可以做得更好。」
就連前紅軍球員「穩陣先生」加歷查都認為曼城有問題：「我哋見證一隊英超強隊的沒落。佢哋要改變先得，依家佢哋在歐洲戰區都表現得好差。在足球財務公平競技法例落實之前，我以為佢哋會在歐洲各地引入最有潛質的球員，準備好繼承曼城的精神。不過實情係無人咁做。柏歷堅尼話無青年球員夠資格，所以要再買人。我認為在頂級球隊之中講呢啲係一種失敗。一種球隊的管理失敗。」
加利仔咁講：「毫無疑問，佢哋有心態上的問題。呢隊波無辦法持續咁取得成功。理論上，你贏過聯賽冠軍之後應該會好飢渴，會盡力衛冕，不過曼城無。佢哋放軟手腳，上到山頂就跣返落嚟。」
「從之前的比賽睇嚟，佢哋最後都無辦法打破堅守城池的水晶宮，車路士上季都有同樣的問題，亦令佢哋付出代價。今季到曼城了。佢哋純粹做唔到突破對手防禦，我唔認為捷西斯拿華斯做到突破。阿古路同迪斯高組成了攻擊線拍檔？真係？呢個組合唔係時時有化學作用，有時得，有時唔得。」
「佢哋係好有潛質的隊伍，理應與英超最佳的車路士並駕齊驅，整季都向對方施壓。不過佢哋真係跌得好勁，佢哋打唔入歐聯16強，佢哋無辦法維持勝軌，而且變得年紀越來越大。佢哋已經係聯賽中平均年齡最大的球隊了。有啲球員下季唔會再留在陣中，以曼城嘅野心同能力睇嚟，佢哋可以做得更好。」
就連前紅軍球員「穩陣先生」加歷查都認為曼城有問題：「我哋見證一隊英超強隊的沒落。佢哋要改變先得，依家佢哋在歐洲戰區都表現得好差。在足球財務公平競技法例落實之前，我以為佢哋會在歐洲各地引入最有潛質的球員，準備好繼承曼城的精神。不過實情係無人咁做。柏歷堅尼話無青年球員夠資格，所以要再買人。我認為在頂級球隊之中講呢啲係一種失敗。一種球隊的管理失敗。」