「二嫂門」事件傑斯終向胞弟道歉
有時錯就要認，打就要企定，為自己做錯嘅事負責始終都唔係一件壞事。曼聯名宿、現役副領隊傑斯因為「勾二嫂」而成為眾矢之的，甚至成為好多球迷攻擊曼聯的口實之一，例如專區就有一位常客成日攞返件事出嚟講…不過點都好，傑斯終於都為呢件事道歉喇。
件事係2011年發生嘅，傑斯被發現「勾二嫂」，與胞弟韋賀治（Rhodri Giggs）老婆Natasha有染，而且二人嘅情史喺韋賀治同Natasha結婚之前已經開始，Natasha更稱自己與韋賀治於拉斯維加斯結婚前才剛剛落咗同傑斯嘅腹中塊肉，好好先生搞呢啲，震驚球壇。韋賀治在電視上更公開稱，傑斯因為性拆散咗佢屋企，佢已經唔會再同傑斯講任何說話了。
有知情者最近報料俾太陽報，話韋賀治一直都無聯絡傑斯，因為佢認為錯嘅係傑斯，佢應該要先道歉。而經歷咗一段時間之後，傑斯終於都踏出第一步，幾星期前打電話俾韋賀治破冰，而二人亦打開咗湖溝通嘅橋樑，二人一同出現在曼徹斯特一間酒吧，仲有其他顧客見到佢哋：「我見到佢哋坐喺VIP席，睇落二人都好享受飲酒傾計、有兄弟在旁的時光。」
兄弟二人於呢件事嘅命途各異，傑斯同老婆Stacey Cooke婚姻關係不變；Natasha同韋賀治就試過繼續維繫婚姻關係，不過2013年離婚告終，而Natasha之後就有新伴侶，連仔仔都生埋…韋賀治雖然當年好嬲傑斯，不過都支持佢做曼聯的代領隊。睇嚟打死不離親兄弟，傑斯同韋賀治開始重建關係，雖然改變唔到做錯事嘅事實，不過對於兩兄弟而言，呢個發展已經係最好架喇…
韋賀治話過唔會再睬傑斯...
兩兄弟，冰釋咪好囉
件事係2011年發生嘅，傑斯被發現「勾二嫂」，與胞弟韋賀治（Rhodri Giggs）老婆Natasha有染，而且二人嘅情史喺韋賀治同Natasha結婚之前已經開始，Natasha更稱自己與韋賀治於拉斯維加斯結婚前才剛剛落咗同傑斯嘅腹中塊肉，好好先生搞呢啲，震驚球壇。韋賀治在電視上更公開稱，傑斯因為性拆散咗佢屋企，佢已經唔會再同傑斯講任何說話了。
有知情者最近報料俾太陽報，話韋賀治一直都無聯絡傑斯，因為佢認為錯嘅係傑斯，佢應該要先道歉。而經歷咗一段時間之後，傑斯終於都踏出第一步，幾星期前打電話俾韋賀治破冰，而二人亦打開咗湖溝通嘅橋樑，二人一同出現在曼徹斯特一間酒吧，仲有其他顧客見到佢哋：「我見到佢哋坐喺VIP席，睇落二人都好享受飲酒傾計、有兄弟在旁的時光。」
兄弟二人於呢件事嘅命途各異，傑斯同老婆Stacey Cooke婚姻關係不變；Natasha同韋賀治就試過繼續維繫婚姻關係，不過2013年離婚告終，而Natasha之後就有新伴侶，連仔仔都生埋…韋賀治雖然當年好嬲傑斯，不過都支持佢做曼聯的代領隊。睇嚟打死不離親兄弟，傑斯同韋賀治開始重建關係，雖然改變唔到做錯事嘅事實，不過對於兩兄弟而言，呢個發展已經係最好架喇…
韋賀治話過唔會再睬傑斯...
兩兄弟，冰釋咪好囉