迪比成魔後首個訪問：夢想成真
今季荷甲準神射手、以21球帶領PSV燕豪芬7年來首奪荷甲冠軍，21歲的迪比（Memphis Depay）被視為新一代荷蘭新星，連佢都可以提早咁多「買定先」，雲高爾的確係雲高爾！所以話關係好係唔同啲，佢曾經隨隊與橙軍一同爭戰世盃，係雲帥的麾下猛將之一，今次在曼聯再次聚頭，睇嚟已經唔駛做咩去熟絡，佢要做嘅只係適應英超的「獨特」打法。
不過迪比自己，就對轉會有好大期望：「好奇妙！真係夢想成真，係我個人嘅一大躍進。感覺其實真係幾好，因為我同教練好熟，我哋關係好好。一開始傳轉會時我其實都唔太好受，不過我最後選擇曼聯係完我嘅夢想。呢個轉會反映我已經成長為一個好球員。12歲我已經身在PSV的青訓系統，我挨過了。真係要好努力，克服好多困難先走到呢一步，有血有淚、有高有低，不過結果係好甜美。作為球員同個人我都進步唔少，所以為燕豪芬打嘅最後2場比賽一定會好有感觸。」
好少有球隊對於賣走自己最大資產感到開心，不過燕豪芬體育總監白蘭斯（Marcel Brands）就認為呢個轉會令佢哋好自豪：「迪比係我哋青訓產品，為今季的荷甲冠軍貢獻唔少。依家佢去到一個好美妙嘅球隊，好美妙嘅聯賽，雖然『在體言體』的情況下我哋係失去咗一個好有潛質的球員、一個好重要的資產，不過燕豪芬好高興可以畀機會佢去行職業生涯入面重要嘅一步。」
迪比雖然開始咗成功嘅人生路，不過佢其實都面對唔少家庭問題，因為佢4歲時就父母離異，媽媽Cora獨力湊大囝囝。如今囝囝生性，迪母一定倍感安慰啦！而且多咗雲高爾儼如嚴父，對迪比而言曼聯真係隨時變成另一頭家都唔定架。
不過迪比自己，就對轉會有好大期望：「好奇妙！真係夢想成真，係我個人嘅一大躍進。感覺其實真係幾好，因為我同教練好熟，我哋關係好好。一開始傳轉會時我其實都唔太好受，不過我最後選擇曼聯係完我嘅夢想。呢個轉會反映我已經成長為一個好球員。12歲我已經身在PSV的青訓系統，我挨過了。真係要好努力，克服好多困難先走到呢一步，有血有淚、有高有低，不過結果係好甜美。作為球員同個人我都進步唔少，所以為燕豪芬打嘅最後2場比賽一定會好有感觸。」
好少有球隊對於賣走自己最大資產感到開心，不過燕豪芬體育總監白蘭斯（Marcel Brands）就認為呢個轉會令佢哋好自豪：「迪比係我哋青訓產品，為今季的荷甲冠軍貢獻唔少。依家佢去到一個好美妙嘅球隊，好美妙嘅聯賽，雖然『在體言體』的情況下我哋係失去咗一個好有潛質的球員、一個好重要的資產，不過燕豪芬好高興可以畀機會佢去行職業生涯入面重要嘅一步。」
迪比雖然開始咗成功嘅人生路，不過佢其實都面對唔少家庭問題，因為佢4歲時就父母離異，媽媽Cora獨力湊大囝囝。如今囝囝生性，迪母一定倍感安慰啦！而且多咗雲高爾儼如嚴父，對迪比而言曼聯真係隨時變成另一頭家都唔定架。