曼聯專區小評：迪比、迪馬情義兩難全？
紅魔鬼新援(其實未『入手』XD 仲要體測先得) 迪比作為新一代的攻擊球員新星，其實在曼聯的定位有啲古怪，始終依家的紅魔頭重腳輕，前線的攻擊球員粒粒皆星，朗尼、雲佩斯固然係最強前鋒，攻擊中場入面亦有馬達、靴里拉等人，後防就好似穩陣啲嘅都唔係幾搵到，只有迪基亞叫做特別強悍…於是，迪比嚟到對一眾曼聯的攻擊球員而言都係一個威脅，而對天使迪馬利亞而言就更加可怕，因為位置上二人都係最擅於打翼，而且一個水準直插、一個正值進步階段，已經有不少傳媒指迪比絕對有能力逼走天使，甚至佢真身就係「代天使」。究竟佢哋係唔係真係咁水火不容，有你無我？
其實，細睇2人打法就知道佢哋係唔同世界嘅球員。你睇天使今季出場唔多、又多甩波，好似無咩作為咁，不過睇數據其實佢今季唔算太差，成績表上係交得出功課架！佢一直都唔係殺手型球員，10/11年球季以來，佢最多都係一季入7球，入球量一向都唔係佢強項。西甲數據上，10/11年佢入6球，11/12年5球，12/13年多啲有7球，13/14又去返4球，曼聯呢一年就入3球，對失去正選之位嘅佢而言其實都唔係太失禮。而天使最強大的，其實係佢嘅助攻力，5年來佢只有一年聯賽助攻數不達雙位數字，而今年其實一早達標添。比起上年打咗2400分鐘助攻17次、入球4個，今年上陣1622分鐘10次助攻、入球3個，當然可以挑剔，不過唔可以重責囉。
而迪比呢？佢雖然都係翼鋒球員，不過佢嘅數字反映出好唔同嘅情況：13/14年佢攻入12球，今季更已經有22球進賬，助攻今年就有4球，上年多啲，7球。而佢每場波都平均有5.4次試射攻門，可見佢嘅射門意慾好強。力量型嘅迪比最擅長係自由球、同埋力壓入去禁區起腳，攻擊性、侵略性比較強；相反，以天使嘅助攻力就知佢係要有人夾到佢，以佢為攻擊起點，策動攻勢、撕破對手防線。一個係數糊人，一個係砌牌人，你話撞位咩？又好似未必噃…
筆者就咁睇啦，今季楊格點數係就係多過迪馬利亞(其實數字上更加係輸哂，佢只有2入球4助攻)，不過如果計個人素質而言，點都係天使秤先，佢體格可能打英超好輸蝕，而且畀人越撞越無信心，不過去到歐洲戰場又係另一個世界。相反迪比體格比較強壯，雖然佢未打過英超，不過要撞佢都應該撞得下。喺回到歐聯呢個前題之下，迪馬利亞嘅個人質素絕對係可以依賴，你要楊格打歐聯，隨時畀腳法好嘅歐洲豪強玩弄都唔定。再加上頭先的分析，2個人根本上打法已經唔同，雲帥的調教之下二人同場獻技都未必唔可能。所以呢，係唔係有迪比就無迪馬？未必架！
https://www.youtube.com/watch?v=6vCd5s-U3lQ快啲有得睇埋迪比著曼聯波衫的精華就好喇！
其實，細睇2人打法就知道佢哋係唔同世界嘅球員。你睇天使今季出場唔多、又多甩波，好似無咩作為咁，不過睇數據其實佢今季唔算太差，成績表上係交得出功課架！佢一直都唔係殺手型球員，10/11年球季以來，佢最多都係一季入7球，入球量一向都唔係佢強項。西甲數據上，10/11年佢入6球，11/12年5球，12/13年多啲有7球，13/14又去返4球，曼聯呢一年就入3球，對失去正選之位嘅佢而言其實都唔係太失禮。而天使最強大的，其實係佢嘅助攻力，5年來佢只有一年聯賽助攻數不達雙位數字，而今年其實一早達標添。比起上年打咗2400分鐘助攻17次、入球4個，今年上陣1622分鐘10次助攻、入球3個，當然可以挑剔，不過唔可以重責囉。
而迪比呢？佢雖然都係翼鋒球員，不過佢嘅數字反映出好唔同嘅情況：13/14年佢攻入12球，今季更已經有22球進賬，助攻今年就有4球，上年多啲，7球。而佢每場波都平均有5.4次試射攻門，可見佢嘅射門意慾好強。力量型嘅迪比最擅長係自由球、同埋力壓入去禁區起腳，攻擊性、侵略性比較強；相反，以天使嘅助攻力就知佢係要有人夾到佢，以佢為攻擊起點，策動攻勢、撕破對手防線。一個係數糊人，一個係砌牌人，你話撞位咩？又好似未必噃…
筆者就咁睇啦，今季楊格點數係就係多過迪馬利亞(其實數字上更加係輸哂，佢只有2入球4助攻)，不過如果計個人素質而言，點都係天使秤先，佢體格可能打英超好輸蝕，而且畀人越撞越無信心，不過去到歐洲戰場又係另一個世界。相反迪比體格比較強壯，雖然佢未打過英超，不過要撞佢都應該撞得下。喺回到歐聯呢個前題之下，迪馬利亞嘅個人質素絕對係可以依賴，你要楊格打歐聯，隨時畀腳法好嘅歐洲豪強玩弄都唔定。再加上頭先的分析，2個人根本上打法已經唔同，雲帥的調教之下二人同場獻技都未必唔可能。所以呢，係唔係有迪比就無迪馬？未必架！
https://www.youtube.com/watch?v=6vCd5s-U3lQ快啲有得睇埋迪比著曼聯波衫的精華就好喇！