雙紅會前記者會：朗尼、梳爾雙雙倦勤

對阿仙奴的比賽真係好重要架，因為有天鵝破廠在前，曼聯真係有少少機會奪得第3架！依家曼聯打多一場，落後2分，如果周日一仗贏到先有機會反超兵工廠，既然第4都幾穩陣下，望下3都無傷大雅啦！不過主力一傷再傷，呢個奇蹟唔知行唔行到呢？

雲帥咁講：「我哋想攞第3架！仲有可能，我哋星期日可以畀到壓力阿仙奴架。我好想用勝利去回饋球迷。不過你唔可以避免傷情，就好似朗尼同梳爾咁，足球係關乎身體嘅對抗，亦有啲幸運同不幸成份。」

確係有幸有不幸，這邊廂傷兩個，另一邊廂迪馬利亞、雲佩斯就復出可以候命，連帶盧祖都可以上陣，周日都唔算係太殘陣…仲有兩場波，唔知迪馬利亞可唔可以作最後努力證明自己呢？
而其他人方面，拉菲爾好就好返唔少，不過未可以出場住；伊雲斯情況未明，彭利拿就去咗巴西U21報到…於是，正選、後備應該都見唔到兩位巴西人喇…