施治自薦：我想踢曼聯！

無錯，個標題係講啲唔講啲！首先呢番說話唔係施治親口講，而係佢經理人高拿所講，佢同一份捷克報紙提到施治有心加盟曼聯、阿仙奴或者PSG，只要有人出手就得喇。施治為車路士爭戰11年，取得4次聯賽冠軍、4次FA Cup，3次聯賽盃，一次歐聯一次歐霸，不過今季就失去正選資格予馬體會外借歸來的門將泰拔高圖爾斯。

高拿早前咁講：「施治與現役球隊的合約仍然有效，只係我可以確定會方已經開綠燈畀我哋去同唔同團體傾轉會，而施治自己亦明確表示自己想在一間頂級球會取得正選之位。」
無錯，依家迪基亞離隊的呼聲日高，就連雲帥都話自己無信心留得住佢，自自然然就有需要買多個頂級門將。不過呢一位係唔係施治呢？筆者就有啲保留…大家都係82年出世，域陀華迪斯大過施治4個月咁大把，曼聯有無必要留2位年紀、經驗、級數都差唔多嘅龍門呢？與其咁樣樣，不如搵個後生嘅上一隊可能仲好啦！唔知呢一位可唔可以呢？

彭利拿（Joel Pereira）
出生日期：28 Jun 1996
高度：1.88米
曼聯u21球員，葡萄牙u21球員
曼聯龍門教練：「彭利拿是一位學習很快的球員，他的英文原本不好，現在已經很出色。他尚未學好英文時已經嘗試去跟後衛溝通，組織防守。即使在u16的比賽中，他的表現都非常出色。他有潛力成為頂級門將之一。」
彭利拿就係佢喇！