VV經理人：無意離曼
大家最近都應該睇到啲新聞，話曼聯正副門將都有離心，迪基亞想去皇馬就不在話下啦，而有傳域陀華迪斯都有心去土超發展，甚至土耳其球會安塔萊亞主席講到似層層，話VV有意加盟咁話。迪基亞就真係好難放心，不過VV呢？佢嘅經理人就同大家打一支定心針先。
VV經理人卡華積（Gines Carvajal）咁講：「我收到土耳其方面幾位人士嘅電話，想討論一下將域陀華迪斯帶去土耳其嘅可能性。不過我無同過任何一位球會主席傾過，而我亦都唔識安塔萊亞嘅主席。我就連同佢傾嘅計畫都無，因為我個球員（指VV）根本就無心加盟。佢只係想留在曼聯，因為佢仲有一年約在身，無必要諗離隊。」而佢更加好有信心，無論迪基亞離隊與否，域陀華迪斯都會盡力爭正選：「曼聯係世上最好的2、3隊球隊之一，VV會在其中爭取正選之位，幫得球隊幾多得幾多。」
依家嘅情況其實都幾「大局已定」feel，「聖卡西」卡斯拿斯離隊他投，皇馬一號位置懸空，你可以話迪基亞都肯肯定「上艦」；又可以話皇馬用緊呢件一號衫引誘迪基亞，不過無論邊一個情況都好，曼聯留住迪基亞嘅機會都係一日比一日細。咁講啦，曼聯未搵到新門將的話，其實域陀華迪斯都幾乎坐正，就算搵到新人，要佢實力、經驗拍得住VV都唔易…你係域陀華迪斯的話，呢個時間都唔會選擇走啦？
VV經理人卡華積（Gines Carvajal）咁講：「我收到土耳其方面幾位人士嘅電話，想討論一下將域陀華迪斯帶去土耳其嘅可能性。不過我無同過任何一位球會主席傾過，而我亦都唔識安塔萊亞嘅主席。我就連同佢傾嘅計畫都無，因為我個球員（指VV）根本就無心加盟。佢只係想留在曼聯，因為佢仲有一年約在身，無必要諗離隊。」而佢更加好有信心，無論迪基亞離隊與否，域陀華迪斯都會盡力爭正選：「曼聯係世上最好的2、3隊球隊之一，VV會在其中爭取正選之位，幫得球隊幾多得幾多。」
依家嘅情況其實都幾「大局已定」feel，「聖卡西」卡斯拿斯離隊他投，皇馬一號位置懸空，你可以話迪基亞都肯肯定「上艦」；又可以話皇馬用緊呢件一號衫引誘迪基亞，不過無論邊一個情況都好，曼聯留住迪基亞嘅機會都係一日比一日細。咁講啦，曼聯未搵到新門將的話，其實域陀華迪斯都幾乎坐正，就算搵到新人，要佢實力、經驗拍得住VV都唔易…你係域陀華迪斯的話，呢個時間都唔會選擇走啦？