曼聯專區小評：小豬成魔乃三贏局面
7月13日對你嚟講有咩意思，筆者當然唔會知啦，不過對於小豬而言呢日真係好特別，先係2014年7月13日係佢捧走巴西世界盃嘅日子，而一年之後就到佢加盟曼聯嘅日子喇！
對於曼聯購入「孖舒」，就連雲加都讚好：「你見曼聯攞唔到前3就知佢哋會再出手應對，而佢哋又真係做咗幾個好有趣嘅收購噃。完咗賽季佢哋知自己好有需要重建中場，於是立即就買夠2個：舒韋恩史迪加同舒尼達連。佢哋都係頂級球員，一個正踏入足球生涯最巔峰；另一個已經贏盡一切。見到佢哋同其他球員夾將會係好有趣嘅畫面。」
而睇返呢個轉會，其實對拜仁、對曼聯而言，都有其好處。對拜仁嚟講，其實賣小豬都真係「offload」。只餘下一年合約、薪金高昂、而且傷病紀錄都幾嚴重嘅小豬，對於拜仁嚟講其實真係一個雞肋：要同佢續約，就要冒佢又再傷的風險，而且減薪亦唔係太可行，減大多佢一定唔肯，減太少又對件事無咩幫助。你唔續約咩？下年佢自由身走都未嘗不可，不過就要蝕啲啲了。咁啱呢個時候有曼聯出手，何樂而不為？陣中老將仲有個沙比亞朗素，更何況佢哋中場尚有賀積貝治、施巴斯坦洛迪、甘美治，仲有個堤亞高艾簡達拿，就連拿姆都可以打防中，少個小豬？唔怕嘅！
而對曼聯而言，呢一場賭博其實都幾化算，首先就係中場人選其實真係唔多，靴里拉、卡域克算係最出色，之後就已經難搵多幾個，費蘭尼勉強都可以，不過除咗佢呢？就真係無咩喇…所以，即使水平無往日咁高，小豬都係一個好好用的人選。價錢方面，可能你會認為個轉會成2000萬歐元，不過根據ESPN消息，可能呢個只係報大數，真正的轉會費有機會只係1500歐元左右，即係1000萬鎊左右，唔係真係咁貴。無錯，佢係傷患嚴重左啲，不過曼聯另一位中場大將卡域克上季都係打得16次正選，因為佢都係傷多過踢。衰啲睇，如果小豬可以發揮其中場指揮官的實力，2人輪住傷半季都好曼聯都總有一位指揮官在陣，對於成績絕對有正面影響。加上佢嘅經驗對於曼聯打歐聯有好大幫助，曼聯需要呢位球員絕對多過拜仁需要佢。而對佢年紀大、活力下降呢啲問題，雲帥亦搵咗個舒尼達連，佢嘅潛質有幾大尚未知，不過因為打法都有啲似小豬，佢可以喺呢位世界級球員身上學好多嘢，呢個先係曼聯今季重要的長遠投資。
而對小豬而言呢？可以與舊主雲高爾聚首當然係好事啦，不過原來佢細細個已經好喜歡曼聯架喇。有傳媒搵到佢細細個就同哥哥一齊著曼聯波衫影相，而佢嘅足球偶像無獨有偶，亦正正係曼聯球員！舒韋恩史迪加喺慕尼黑市中心嘅門牌上面當然唔會寫自己名，大刺刺話畀人聽自己住邊咩。咁佢門牌上面寫咗咩？原來就係偶像「簡東拿」！佢話自己唔踢拜仁的話只會踢曼聯，呢句說話都幾真心架！
由表面睇，小豬呢次「成魔」係一個三贏局面，所以先好似得天時地利人和咁，一傳出緋聞、過2日就收購成功。實際上呢個算盤係唔係可以打得響？筆者就選擇信佢得喇！你呢？
對於曼聯購入「孖舒」，就連雲加都讚好：「你見曼聯攞唔到前3就知佢哋會再出手應對，而佢哋又真係做咗幾個好有趣嘅收購噃。完咗賽季佢哋知自己好有需要重建中場，於是立即就買夠2個：舒韋恩史迪加同舒尼達連。佢哋都係頂級球員，一個正踏入足球生涯最巔峰；另一個已經贏盡一切。見到佢哋同其他球員夾將會係好有趣嘅畫面。」
而睇返呢個轉會，其實對拜仁、對曼聯而言，都有其好處。對拜仁嚟講，其實賣小豬都真係「offload」。只餘下一年合約、薪金高昂、而且傷病紀錄都幾嚴重嘅小豬，對於拜仁嚟講其實真係一個雞肋：要同佢續約，就要冒佢又再傷的風險，而且減薪亦唔係太可行，減大多佢一定唔肯，減太少又對件事無咩幫助。你唔續約咩？下年佢自由身走都未嘗不可，不過就要蝕啲啲了。咁啱呢個時候有曼聯出手，何樂而不為？陣中老將仲有個沙比亞朗素，更何況佢哋中場尚有賀積貝治、施巴斯坦洛迪、甘美治，仲有個堤亞高艾簡達拿，就連拿姆都可以打防中，少個小豬？唔怕嘅！
而對曼聯而言，呢一場賭博其實都幾化算，首先就係中場人選其實真係唔多，靴里拉、卡域克算係最出色，之後就已經難搵多幾個，費蘭尼勉強都可以，不過除咗佢呢？就真係無咩喇…所以，即使水平無往日咁高，小豬都係一個好好用的人選。價錢方面，可能你會認為個轉會成2000萬歐元，不過根據ESPN消息，可能呢個只係報大數，真正的轉會費有機會只係1500歐元左右，即係1000萬鎊左右，唔係真係咁貴。無錯，佢係傷患嚴重左啲，不過曼聯另一位中場大將卡域克上季都係打得16次正選，因為佢都係傷多過踢。衰啲睇，如果小豬可以發揮其中場指揮官的實力，2人輪住傷半季都好曼聯都總有一位指揮官在陣，對於成績絕對有正面影響。加上佢嘅經驗對於曼聯打歐聯有好大幫助，曼聯需要呢位球員絕對多過拜仁需要佢。而對佢年紀大、活力下降呢啲問題，雲帥亦搵咗個舒尼達連，佢嘅潛質有幾大尚未知，不過因為打法都有啲似小豬，佢可以喺呢位世界級球員身上學好多嘢，呢個先係曼聯今季重要的長遠投資。
而對小豬而言呢？可以與舊主雲高爾聚首當然係好事啦，不過原來佢細細個已經好喜歡曼聯架喇。有傳媒搵到佢細細個就同哥哥一齊著曼聯波衫影相，而佢嘅足球偶像無獨有偶，亦正正係曼聯球員！舒韋恩史迪加喺慕尼黑市中心嘅門牌上面當然唔會寫自己名，大刺刺話畀人聽自己住邊咩。咁佢門牌上面寫咗咩？原來就係偶像「簡東拿」！佢話自己唔踢拜仁的話只會踢曼聯，呢句說話都幾真心架！
由表面睇，小豬呢次「成魔」係一個三贏局面，所以先好似得天時地利人和咁，一傳出緋聞、過2日就收購成功。實際上呢個算盤係唔係可以打得響？筆者就選擇信佢得喇！你呢？