曼聯專區小評：朗尼打返前鋒有無著數？
依家雲佩斯又走咗，法卡奧又走咗，其實唔止小豆有機會上位，就連朗尼都有機會重返前鋒線爭戰。一來前鋒真係買少見少啦，二來有小豬、舒尼達連、靴里拉、卡域克在陣，中場突然多咗選擇，朗尼都唔駛又「頂住先」打中場啦。所以雲高爾都話，佢會聽傳媒講，畀個正中鋒位置朗尼打。其實朗尼仲差19球就可以追平卜比查爾頓為紅魔鬼創下嘅入球紀錄，可以打返正前鋒朗尼應該係最開心嗰個喇。
對於呢個好消息，佢就咁講：「我肯肯定我會打前鋒，亦肯肯定我會有更多波入。領隊同我都認為前鋒係我最適合嘅位置，希望我可以有幾場比賽畀我入多幾球啦，以回饋領隊同球隊嘛。我想入20球以上，如果我返回前鋒位置都入唔到呢個數字嘅入球我會好失望囉。我為曼聯打過好多位置，不過你睇我返國家隊打前鋒就入波喇。我從未懷疑自己前鋒的質素，過去我擔任單箭頭的2季就係我入波最多嘅日子。如果可以再來一次，我希望我可以一樣入咁多波。」
大家都話朗尼唔好打中場喇，打前鋒好啲，其實又有無根據呢？如果你放一個球員打正前鋒，佢入波多啲都係好正常…理論上就係嘅，不過你睇法卡奧上季，就知唔一定正前鋒就多波入。所以要睇朗尼係唔係真係「打前 = 入波多」，就要睇睇數據喇！
大家都睇到最多波入嘅，就係2009/10球季同2011/12球季，呢兩年發生咩事呢？2009/10球季剛剛就係c朗離隊加盟皇馬之後，雖然無咗個好拍檔，不過亦代表朗尼可以玩哂條攻擊線，於是佢就成為曼聯的入球之源，平均105分鐘就入一球，各路戰線共入34球，真係幾叻叻豬架！之後一季朗尼就去咗做輔手，因為有成季攻入20球嘅瀟灑哥貝碧托夫嘛。你見朗尼助攻數由3球增加到11球，就知佢變咗助攻球員多過入球球員啦。11/12年球季呢？今次到貝碧托夫做輔手，朗尼咪又入返波囉。
轉打中場、越打越後之後，朗尼都無咩機會起腳…比較上來，佢上季平均攻門數只有一場1.6次，比起09/10季度的3.9次差點止一倍？不過即使係咁，佢都有12個入球進賬，如果照計返比率，朗尼依家可以一場波起腳4次的話，一季攻入20個入波又有幾奇！唔怪就得連紅軍宿敵加歷查2月時都講過，佢認為朗尼打錯位：「我睇朗尼踢波，就知道佢唔啱打中場。佢最擅長都係打前鋒！」
當然啦，佢年紀開始都大，反應、身體狀況都未必再係巔峰，你話要佢完全擔正、打哂咁多場波嘅前鋒位置，筆者都有啲擔心…只係佢既然打前表現好啲，畀佢發揮下都無妨，係唔係？只係如果簽多一位前鋒咁就最好喇…我哋想要啲後生啲，有潛質啲嘅，得唔得？定係雲帥你想轉型迪比做前鋒呢？
對於呢個好消息，佢就咁講：「我肯肯定我會打前鋒，亦肯肯定我會有更多波入。領隊同我都認為前鋒係我最適合嘅位置，希望我可以有幾場比賽畀我入多幾球啦，以回饋領隊同球隊嘛。我想入20球以上，如果我返回前鋒位置都入唔到呢個數字嘅入球我會好失望囉。我為曼聯打過好多位置，不過你睇我返國家隊打前鋒就入波喇。我從未懷疑自己前鋒的質素，過去我擔任單箭頭的2季就係我入波最多嘅日子。如果可以再來一次，我希望我可以一樣入咁多波。」
大家都話朗尼唔好打中場喇，打前鋒好啲，其實又有無根據呢？如果你放一個球員打正前鋒，佢入波多啲都係好正常…理論上就係嘅，不過你睇法卡奧上季，就知唔一定正前鋒就多波入。所以要睇朗尼係唔係真係「打前 = 入波多」，就要睇睇數據喇！
大家都睇到最多波入嘅，就係2009/10球季同2011/12球季，呢兩年發生咩事呢？2009/10球季剛剛就係c朗離隊加盟皇馬之後，雖然無咗個好拍檔，不過亦代表朗尼可以玩哂條攻擊線，於是佢就成為曼聯的入球之源，平均105分鐘就入一球，各路戰線共入34球，真係幾叻叻豬架！之後一季朗尼就去咗做輔手，因為有成季攻入20球嘅瀟灑哥貝碧托夫嘛。你見朗尼助攻數由3球增加到11球，就知佢變咗助攻球員多過入球球員啦。11/12年球季呢？今次到貝碧托夫做輔手，朗尼咪又入返波囉。
轉打中場、越打越後之後，朗尼都無咩機會起腳…比較上來，佢上季平均攻門數只有一場1.6次，比起09/10季度的3.9次差點止一倍？不過即使係咁，佢都有12個入球進賬，如果照計返比率，朗尼依家可以一場波起腳4次的話，一季攻入20個入波又有幾奇！唔怪就得連紅軍宿敵加歷查2月時都講過，佢認為朗尼打錯位：「我睇朗尼踢波，就知道佢唔啱打中場。佢最擅長都係打前鋒！」
當然啦，佢年紀開始都大，反應、身體狀況都未必再係巔峰，你話要佢完全擔正、打哂咁多場波嘅前鋒位置，筆者都有啲擔心…只係佢既然打前表現好啲，畀佢發揮下都無妨，係唔係？只係如果簽多一位前鋒咁就最好喇…我哋想要啲後生啲，有潛質啲嘅，得唔得？定係雲帥你想轉型迪比做前鋒呢？