天使失蹤！無坐飛機匯隊友
原本大家都期待有3位因為美洲國家盃關係遲咗歸隊嘅曼聯球員會在對巴塞的友賽時到達，點知最後得返一個出現！邊3個？天使、盧祖同小豆囉！佢哋分別發生咩事呢？
最離奇嘅係迪馬利亞，連雲高爾都唔知佢去咗邊：「據我所知佢無上飛機，除咗呢樣我真係唔知有咩可以講…佢唔喺飛機上面，我唔知點解。」而ESPN就話英國境內消息係話佢無出到境，似乎係趕唔到飛機…依家咁敏感嘅時刻佢竟然「失場」，令人更懷疑佢已經離隊在即…外間認為，佢會以4600萬轉投巴黎聖日耳門，如果真係咁，就會蝕成1500萬鎊……希望，佢真係唔知醒又好、塞車又好、困lift都好，只係咁啱得咁轎趕唔到飛機啦…而另外兩位，雲帥都有提及：「盧祖都無上飛機，不過應該係護照問題，呢個我知道。迪馬利亞我就真係唔知點解，我哋只有小豆嚟咗匯合我哋。」
而「緋聞龍門」迪基亞，雲帥都係唔知佢何去何從：「當然我想迪基亞留隊，不過足球世界千變萬化，你永遠唔知下一秒發生咩事。因為受傷佢無訓練一星期，不過呢場比賽佢都展現咗佢嘅質素。好好。場比賽第一個入球機會出現在巴塞身上，不過如果你可以擋到呢一下攻擊，之後入波嘅就係我哋。球賽分野就喺呢到。」
下一季曼聯的龍門誰屬可以真係唔明朗，不過前鋒線就應該幾明顯，朗尼單箭頭、加上迪比打10號位的攻堅模式令雲帥幾滿意：「呢對鋒線球員好有威脅，呢個好重要。就連巴塞隆拿的後防對住朗尼、迪比都無乎就知。贊奴沙都非常好，入咗一個美妙入波。」
嗯。重點都係，天使失咗蹤。
飛機飛咗喇amigo！
小豆表示：噢。跣腳。
最離奇嘅係迪馬利亞，連雲高爾都唔知佢去咗邊：「據我所知佢無上飛機，除咗呢樣我真係唔知有咩可以講…佢唔喺飛機上面，我唔知點解。」而ESPN就話英國境內消息係話佢無出到境，似乎係趕唔到飛機…依家咁敏感嘅時刻佢竟然「失場」，令人更懷疑佢已經離隊在即…外間認為，佢會以4600萬轉投巴黎聖日耳門，如果真係咁，就會蝕成1500萬鎊……希望，佢真係唔知醒又好、塞車又好、困lift都好，只係咁啱得咁轎趕唔到飛機啦…而另外兩位，雲帥都有提及：「盧祖都無上飛機，不過應該係護照問題，呢個我知道。迪馬利亞我就真係唔知點解，我哋只有小豆嚟咗匯合我哋。」
而「緋聞龍門」迪基亞，雲帥都係唔知佢何去何從：「當然我想迪基亞留隊，不過足球世界千變萬化，你永遠唔知下一秒發生咩事。因為受傷佢無訓練一星期，不過呢場比賽佢都展現咗佢嘅質素。好好。場比賽第一個入球機會出現在巴塞身上，不過如果你可以擋到呢一下攻擊，之後入波嘅就係我哋。球賽分野就喺呢到。」
下一季曼聯的龍門誰屬可以真係唔明朗，不過前鋒線就應該幾明顯，朗尼單箭頭、加上迪比打10號位的攻堅模式令雲帥幾滿意：「呢對鋒線球員好有威脅，呢個好重要。就連巴塞隆拿的後防對住朗尼、迪比都無乎就知。贊奴沙都非常好，入咗一個美妙入波。」
嗯。重點都係，天使失咗蹤。
飛機飛咗喇amigo！
小豆表示：噢。跣腳。