曼聯專區小評：「快」救「慢」聯
上季睇曼聯比賽，可能大家都會有一個感覺，或者應該係一個常態：中後場交波交波交波，好不容易搵到空位傳上中前場，然後被壓逼，推推推返去後半場，來來回回幾次之後，終於都送到個波上去前鋒腳下面喇，不過一逼就甩，然後對方打反擊，完。機會，就係咁樣樣浪費咗。睇數字仲陰公，人哋大衛施華平均一場波製造3.2次機會；同樣都係創造型中場，馬達只有2次都唔夠。交前嘅波呢？施華仔一場波交四十幾腳向前嘅波，馬達得25次左右。問題，究竟出喺邊？
其實睇前啲啲，就會知發生咩事。上季的前鋒線上主力係雲佩斯同法卡奧，朗尼自己都成日返中場做駁腳，於是好多中路攻勢都係交由2位已離隊的前鋒處理。不過2人嘅情況大家都有眼睇：走位唔太靈活，控球在腳的成功率亦唔高，因為佢哋都係依靠one touch，不控球即起腳的方式攻堅，如果限制佢哋嘅走動，佢哋就起唔到腳之餘，又hold唔到波。最後，攻勢好易就被化解了。雲佩斯可以一場波一腳攻門都無，就係因為對手的嚴防所致。所以馬達的數字不及施華有時都唔可以怪佢，因為佢可以交到波上前一早就交咗，雲佩斯同法卡奧連擺脫對手嘅能力同機會都無嘅時候，攻勢又談何說起。
依家2人都已經離隊他投，而曼聯如果沿用上季的攻堅模式，前鋒換咗朗尼、小豆或者迪比，情況可能就會唔一樣。朗尼身位夠，可以力壓對方的後衛殺出一條血路；而迪比就抗性與靈活兼備，有機會以靈活的身位突破；小豆加更以靈活入楔為殺著。呢個情況之下，靴里拉、馬達的獨到傳送就有幾個攻擊點可以選擇。再加上後少少嘅小豬同埋卡域克都擅長長傳急攻、超遠距離助攻，對於小豆或者迪比而言都係好好嘅幫手。
然而問題在中後場其實仍然存在，都係「太慢」。靴里拉、馬達係就係傳送一流，不過速度都係欠奉；小豬同埋卡域克就更加唔可以算得上快。左右閘好啲，梳爾同達美安的速度都唔差，有機會可以填補少少空間，問題係中堅、中場中的速度就真係麻麻哋，畀人打反擊的話真係輸多幾球都唔奇。
咁講啦，如果後防真係唔再買人，只可以祈求舒尼達連可以填補速度不足的問題，而前場快快脆夾得好，可以數多啲入波，都勉強可以對應到個問題…只係咁嘅陣容，可唔可以真係挑戰到歐洲戰場呢？筆者都有啲懷疑喇…咁我呢？
其實睇前啲啲，就會知發生咩事。上季的前鋒線上主力係雲佩斯同法卡奧，朗尼自己都成日返中場做駁腳，於是好多中路攻勢都係交由2位已離隊的前鋒處理。不過2人嘅情況大家都有眼睇：走位唔太靈活，控球在腳的成功率亦唔高，因為佢哋都係依靠one touch，不控球即起腳的方式攻堅，如果限制佢哋嘅走動，佢哋就起唔到腳之餘，又hold唔到波。最後，攻勢好易就被化解了。雲佩斯可以一場波一腳攻門都無，就係因為對手的嚴防所致。所以馬達的數字不及施華有時都唔可以怪佢，因為佢可以交到波上前一早就交咗，雲佩斯同法卡奧連擺脫對手嘅能力同機會都無嘅時候，攻勢又談何說起。
依家2人都已經離隊他投，而曼聯如果沿用上季的攻堅模式，前鋒換咗朗尼、小豆或者迪比，情況可能就會唔一樣。朗尼身位夠，可以力壓對方的後衛殺出一條血路；而迪比就抗性與靈活兼備，有機會以靈活的身位突破；小豆加更以靈活入楔為殺著。呢個情況之下，靴里拉、馬達的獨到傳送就有幾個攻擊點可以選擇。再加上後少少嘅小豬同埋卡域克都擅長長傳急攻、超遠距離助攻，對於小豆或者迪比而言都係好好嘅幫手。
然而問題在中後場其實仍然存在，都係「太慢」。靴里拉、馬達係就係傳送一流，不過速度都係欠奉；小豬同埋卡域克就更加唔可以算得上快。左右閘好啲，梳爾同達美安的速度都唔差，有機會可以填補少少空間，問題係中堅、中場中的速度就真係麻麻哋，畀人打反擊的話真係輸多幾球都唔奇。
咁講啦，如果後防真係唔再買人，只可以祈求舒尼達連可以填補速度不足的問題，而前場快快脆夾得好，可以數多啲入波，都勉強可以對應到個問題…只係咁嘅陣容，可唔可以真係挑戰到歐洲戰場呢？筆者都有啲懷疑喇…咁我呢？