曼聯專區小評：要後生好？定係要經驗好？
足球經理可說是筆者女友唯一喜歡的電子遊戲，受她的影響，筆者亦一度非常沉迷。相信不少玩家與我的玩法都有相似之處，鑑於大牌球星根本難以望其項背，即使一開始用上曼聯、車路士、曼城等等名門，亦不太可能把天價的c朗、美斯購入隊中。於是乎「買人方針」自自然然轉向wonderkid，目標是平靚正的年輕球員，仲要「唔嫩唔食」。久而久之，一隊逆天的隊伍就產生了：平均年紀只有20歲的隊伍，竟然有能力勇奪三冠王。打機時都仲認為有可能，回歸真實又係唔係有可能？
上季看英超，大家都對曼城的「老兵陣」嗤之以鼻，認為平均29歲的球隊無未來可言。然而柏歷堅尼認為經驗才是奪冠的重要資產，反擊所有外間的批評。當然，今年他們的平均年齡已經大大降低，不過他們其實不是唯一一隊以經驗為重心的球隊。縱觀歷年英超，冠軍球隊的平均年齡大約由27歲到29歲不等，比較年輕的陣容要數2004/05的車路士，當年他們的平均年齡為接近26歲；緊隨其後的就是1995到1997年代的曼聯，平均年齡為26歲半左右。
無錯，大家無估錯，呢一班拉低曼聯平均年紀的球員，就是92一代了。當年的碧咸、加利仔、史高斯、畢特全部20歲、卜卜脆；仲有個18歲的菲臘仔！傑斯算當中比較年長了，都只是21！而且個個都係主力，畢特、傑斯上陣超過8成比賽。比較之下，依家曼聯又有無咁後生嘅主力呢？答案係，唔係無！如果要擺出全後生陣，就可以係咁：
迪基亞24
布力基21、鐘斯23、麥拿亞20、梳爾20
連格特22、彭利拿19、舒尼達連25、贊奴沙20
迪比21、威爾遜20
平均年齡甚至去到21添！當然啦，要呢個陣去挑戰英超冠軍就真係盞搞，當中可能只得4、5個有機會長佔正選之位…不過用呢個陣打聯賽盃呢？又真係未嘗不可噃！可以預計呢隊波唔係行軍速度非常強，而且氣力多到用唔哂！
根據數據，1992/93年23歲以下球員在英超打足10場以上嘅有106位球員，上季已經跌到得返60個…誠如數據所言，太後生的隊伍對於爭逐好成績其實無咩好處，不過多啲年輕人在隊意味住佢哋可以有更好的經驗、更多時間夾默契，磨合，正如曼聯1999年到2003年的盛世，好大部分都要歸功92一班一樣。唔知上面嗰一班球員，7、8年後又有幾多仲在隊？而且成為傳奇，幫曼聯密密手奪標呢？
上季看英超，大家都對曼城的「老兵陣」嗤之以鼻，認為平均29歲的球隊無未來可言。然而柏歷堅尼認為經驗才是奪冠的重要資產，反擊所有外間的批評。當然，今年他們的平均年齡已經大大降低，不過他們其實不是唯一一隊以經驗為重心的球隊。縱觀歷年英超，冠軍球隊的平均年齡大約由27歲到29歲不等，比較年輕的陣容要數2004/05的車路士，當年他們的平均年齡為接近26歲；緊隨其後的就是1995到1997年代的曼聯，平均年齡為26歲半左右。
無錯，大家無估錯，呢一班拉低曼聯平均年紀的球員，就是92一代了。當年的碧咸、加利仔、史高斯、畢特全部20歲、卜卜脆；仲有個18歲的菲臘仔！傑斯算當中比較年長了，都只是21！而且個個都係主力，畢特、傑斯上陣超過8成比賽。比較之下，依家曼聯又有無咁後生嘅主力呢？答案係，唔係無！如果要擺出全後生陣，就可以係咁：
迪基亞24
布力基21、鐘斯23、麥拿亞20、梳爾20
連格特22、彭利拿19、舒尼達連25、贊奴沙20
迪比21、威爾遜20
平均年齡甚至去到21添！當然啦，要呢個陣去挑戰英超冠軍就真係盞搞，當中可能只得4、5個有機會長佔正選之位…不過用呢個陣打聯賽盃呢？又真係未嘗不可噃！可以預計呢隊波唔係行軍速度非常強，而且氣力多到用唔哂！
根據數據，1992/93年23歲以下球員在英超打足10場以上嘅有106位球員，上季已經跌到得返60個…誠如數據所言，太後生的隊伍對於爭逐好成績其實無咩好處，不過多啲年輕人在隊意味住佢哋可以有更好的經驗、更多時間夾默契，磨合，正如曼聯1999年到2003年的盛世，好大部分都要歸功92一班一樣。唔知上面嗰一班球員，7、8年後又有幾多仲在隊？而且成為傳奇，幫曼聯密密手奪標呢？