雲高爾：信朗尼！
其實經歷咗季初2仗之後，大家對朗尼的評語真係麻麻，咁又真係無辦法，佢兩場比賽都係行行企企多，攞波又攞失、控制節奏又有啲進退失據，唔係佢論論盡盡影響埋獲加令佢擺烏龍，可能對熱刺都要失分而回…不過對於外間的負面說話，雲高爾就認為自己信朗尼，大家亦應該信佢。
佢先係寸咀一下先：「上年成年傳媒都叫我擺朗尼打前鋒，我咪照做囉。依家過咗2場波你哋就轉軚懷疑我嘅排陣？會唔會太精彩喇？我唔明白囉。我對我嘅球員一直都好有信心。況且我哋都唔係只得朗尼，前鋒我哋仲有贊奴沙，佢美國時都打過前鋒。仲有小豆，仲有威爾遜，我唔認為我哋欠缺前鋒。」不過好明顯朗尼就係太漫不經心，雲帥不斷重申球隊夠前鋒，不過來來去去都係得小豆同威爾遜，唔好話佢啦，大家聽咁多都厭，朗尼自己一定坐定粒六啦…咁仲點會有心打好場比賽呢？
而雲帥其實都唔係無壓力架，對布魯日嘅比賽其實佢都好擔心：「球會董事會、球員、球迷都好希望我哋回到歐洲戰場，所以壓力其實唔細。我哋要表現自己嘅質素，不過呢對比賽真係唔易。由抽到布魯日開始我已經知道不妙，因為佢哋防守力好強，而且能守能攻。我哋嘅目標係歐聯小組賽，壓力一啲都唔細。」所以朗尼打得唔好，其實最擔心唔係我哋，而應該係雲帥。佢自己都話無問題，咁我哋又唔駛太擔心嘅…當然，如果柏度真係來投，咁就更加穩陣啦！
佢先係寸咀一下先：「上年成年傳媒都叫我擺朗尼打前鋒，我咪照做囉。依家過咗2場波你哋就轉軚懷疑我嘅排陣？會唔會太精彩喇？我唔明白囉。我對我嘅球員一直都好有信心。況且我哋都唔係只得朗尼，前鋒我哋仲有贊奴沙，佢美國時都打過前鋒。仲有小豆，仲有威爾遜，我唔認為我哋欠缺前鋒。」不過好明顯朗尼就係太漫不經心，雲帥不斷重申球隊夠前鋒，不過來來去去都係得小豆同威爾遜，唔好話佢啦，大家聽咁多都厭，朗尼自己一定坐定粒六啦…咁仲點會有心打好場比賽呢？
而雲帥其實都唔係無壓力架，對布魯日嘅比賽其實佢都好擔心：「球會董事會、球員、球迷都好希望我哋回到歐洲戰場，所以壓力其實唔細。我哋要表現自己嘅質素，不過呢對比賽真係唔易。由抽到布魯日開始我已經知道不妙，因為佢哋防守力好強，而且能守能攻。我哋嘅目標係歐聯小組賽，壓力一啲都唔細。」所以朗尼打得唔好，其實最擔心唔係我哋，而應該係雲帥。佢自己都話無問題，咁我哋又唔駛太擔心嘅…當然，如果柏度真係來投，咁就更加穩陣啦！