加歷查：3場波7分仲想點！
無錯呀，講呢句嘅係前紅軍「穩陣先生」加歷查！雖然佢心入面一定唔太喜歡曼聯架喇，不過佢睇紅魔鬼嘅現狀應該幾中肯，起碼唔係盲目反曼先！佢咁講：「好多人都抨擊曼聯季初表現，不過事實係佢哋9分波入面攞到7分，呢個係非常好的開局！有時成績係重要過表現，過啲時間大家當然會對表現有要求，不過現時點實在不能夠投訴太多，因為賬面分數上真係唔差。嚟緊對史雲斯唔易打架，過去幾年佢哋陣容轉變唔多，不過變得更難應付、更難輸波，曼聯當然有能力可以擊敗天鵝，不過一定唔會係一場易打的比賽。」
而加歷查就話，曼聯之所以成績好咗，同佢哋有關：「史摩寧同白蘭特在訓練場上的成果非常顯著，佢哋幫咗球隊好多。佢哋真係一對好柏檔，即使有人懷疑過白蘭特是否勝任到中堅之位。在我眼中，佢哋又強壯又穩健。」其實白蘭特在阿積士都打過中堅，依家同史摩寧拍住，組成咗令人驚訝嘅後防組合，效果其實唔差架。
最後，加歷查就提到隊展朗尼：「每一個球員，就算好似朗尼咁有能力、咁有成就，有時都要有嘢加強佢信心。唔單止朗尼自己，就連佢嘅隊友都一樣入唔到波，佢哋都要有信心加強劑。家下一次過入夠幾球，對於隊伍的正面影響好大，不單止是一場比賽，而是接下來幾個星期的比賽。喺自己半場佢哋做得夠好架喇，不過明顯要喺人哋半場入多啲波。我諗，周中大勝一定佢哋有幫助。」
而加歷查就話，曼聯之所以成績好咗，同佢哋有關：「史摩寧同白蘭特在訓練場上的成果非常顯著，佢哋幫咗球隊好多。佢哋真係一對好柏檔，即使有人懷疑過白蘭特是否勝任到中堅之位。在我眼中，佢哋又強壯又穩健。」其實白蘭特在阿積士都打過中堅，依家同史摩寧拍住，組成咗令人驚訝嘅後防組合，效果其實唔差架。
最後，加歷查就提到隊展朗尼：「每一個球員，就算好似朗尼咁有能力、咁有成就，有時都要有嘢加強佢信心。唔單止朗尼自己，就連佢嘅隊友都一樣入唔到波，佢哋都要有信心加強劑。家下一次過入夠幾球，對於隊伍的正面影響好大，不單止是一場比賽，而是接下來幾個星期的比賽。喺自己半場佢哋做得夠好架喇，不過明顯要喺人哋半場入多啲波。我諗，周中大勝一定佢哋有幫助。」