ESPN：摩連奴希望下份工入主奧脫福
當車仔失去狂人之際，摩連奴向各方表示自己唔需要休息，最好可以立即回到領隊的行列。只係心頭咁高嘅佢，當然係非一級球隊不教啦！咁雖然佢唔想抖，不過都好大可能要抖抖先…而根據佢身邊好朋友嘅消息，摩帥自己好希望下一份工係返奧脫福！
頂級教練大執位，先有哥迪奧拿與拜仁若即若離，星期日公佈是否繼續任教；外間更認為雲高爾未必會覆行最後一年合約。如此一來，曼聯下季易帥的機會其實一啲都唔細，尤其係連續2場輸畀升班馬的情況之下。下任，會係邊個？
外間揣測曼城很有機會吸引到哥帥的加盟，英媒亦有指曼聯起步太遲，當曼城已經向哥帥示好3年，有說曼聯亦只是剛剛起步、幾星期前才開始遊說哥帥，機會不大。不過，現時有一個最最戲劇性的情況出現，就係點都估唔到上屆冠軍領隊摩連奴竟然因為成績不佳「落車」。摩帥與曼聯千絲萬縷，以佢同爵爺的交情，原本曼聯帥位就很有機會係佢坐；只係2013年爵爺退休時有消息指，部分曼聯高層認為摩帥的個人風格及足球風格都未必啱曼聯，最終泡湯。經歷了莫帥同雲帥，曼聯的成績仍然係不高不低嘅時候，摩帥成魔救駕絕唔係痴人說夢。
而ESPN更指，摩帥個人對於曼聯呢份工期望好大。你話機會有幾多？消息指艾活華已經同文迪斯斟緊，初步的試探性OFFER亦已經草擬好，加上2人的關係甚篤，成功機會絕對唔細。現時就係要睇雲高爾的未來如何了。依家摩帥一走車仔就大敗黑貓，球員們「逼宮」味甚濃；如果真係萬一可能或者曼聯對車仔時是由摩連奴帶軍倒戈，到時就真係好睇過「沙窩」喇！
頂級教練大執位，先有哥迪奧拿與拜仁若即若離，星期日公佈是否繼續任教；外間更認為雲高爾未必會覆行最後一年合約。如此一來，曼聯下季易帥的機會其實一啲都唔細，尤其係連續2場輸畀升班馬的情況之下。下任，會係邊個？
外間揣測曼城很有機會吸引到哥帥的加盟，英媒亦有指曼聯起步太遲，當曼城已經向哥帥示好3年，有說曼聯亦只是剛剛起步、幾星期前才開始遊說哥帥，機會不大。不過，現時有一個最最戲劇性的情況出現，就係點都估唔到上屆冠軍領隊摩連奴竟然因為成績不佳「落車」。摩帥與曼聯千絲萬縷，以佢同爵爺的交情，原本曼聯帥位就很有機會係佢坐；只係2013年爵爺退休時有消息指，部分曼聯高層認為摩帥的個人風格及足球風格都未必啱曼聯，最終泡湯。經歷了莫帥同雲帥，曼聯的成績仍然係不高不低嘅時候，摩帥成魔救駕絕唔係痴人說夢。
而ESPN更指，摩帥個人對於曼聯呢份工期望好大。你話機會有幾多？消息指艾活華已經同文迪斯斟緊，初步的試探性OFFER亦已經草擬好，加上2人的關係甚篤，成功機會絕對唔細。現時就係要睇雲高爾的未來如何了。依家摩帥一走車仔就大敗黑貓，球員們「逼宮」味甚濃；如果真係萬一可能或者曼聯對車仔時是由摩連奴帶軍倒戈，到時就真係好睇過「沙窩」喇！