曼聯專區小評：贊奴沙回歸對曼聯幫助有幾大?
曼聯晌一月轉會窗第一樣做嘅事，就係將外借去到多蒙特嘅贊奴沙收返，原本有傳佢晌周日對利物浦嘅比賽可以有機會上陣，之不過領隊雲高爾就話佢比賽狀態唔夠，要操FIT返先可以用，最終佢就晌周一U21比賽對修咸頓嘅賽事得到上陣機會，仲梅開二度，帶領曼聯以4:0贏波。賽後就連佢個人都晌INSTAGRAM到話，能夠再一次晌球場上踢波，感覺好興奮。
https://www.youtube.com/watch?v=i95Yo028xMk
贊奴沙晌2013/14球季、喺莫耶斯領導下開始受到重用，當時一度成為外界焦點，喺15場亮相嘅英超比賽入面，入咗4球同有3個助攻，其後有幾個國家都爭住想佢入藉國家隊，最終贊奴沙就揀咗比利時，仲有得打2014巴西世界盃，不過出場機會就唔係咁多。雲高爾上任之後，贊奴沙都有唔少上陣機會，仲擔任過唔同位置——攻中或翼鋒，不過喺今季有新球員加盟下，最重要喺同佢打同一個位置嘅迪比來投，令雲高爾感覺佢出場機會好少而借佢走，而贊奴沙最終就揀咗多蒙特。
事實上就算贊奴沙喺雲帥麾下有上陣機會，佢嘅風格上應唔會喺雲高爾心目中想要嘅球員。贊奴沙嘅心理質素同成熟度成大家疑問，雲帥對於佢可以打出團體足球方面，信心都唔大，之不過筆者認為偏偏贊奴沙呢種比較表現自我態度，對曼聯進攻有一定幫忙。曼聯依家進攻流暢道有幾高，大家都知，依家體系上有能力可以作個人突破，爆開對手防線為隊友製造機會嘅，就只有馬迪爾一個。迪比完全唔對辦一事，相信球迷同雲帥都無諗過，令雲帥依家晌邊路上派出連格特或者馬達，馬達同靴里拉善於傳送後走位入楔，連格特較努力，但始終都唔係邊路球員，往往出波都靠後上嘅艾殊利楊格。之不過如果由贊奴沙出任返邊位，佢可以憑佢個人腳法突破對方守衛入楔，又或者帶波落底線，都係佢可以勝任嘅地方，而佢嘅突破能力，絕對係曼聯依家正正非常缺乏。不過講就咁講，筆者認為贊奴沙返嚟有無得落場，都要睇佢自己喺唔喺攻之時，防守時回防協助守波，如果佢做唔到呢點，我諗雲帥都唔會畀大多機會佢……
睇住對上咁多場波，曼聯攻力方面弱到咁，雖然近期隊長朗尼狀態返嚟，但都要有人製造埋門機會先得，得馬迪爾一個攪唔掂，贊奴沙嘅創造性可以畀到曼聯多一個選擇。
P.S.由於贊奴沙今季曾幫多蒙特上陣出戰歐霸盃賽事，曼聯嚟緊嘅歐洲賽，贊奴沙唔可以代表曼聯上陣。
https://www.youtube.com/watch?v=i95Yo028xMk
贊奴沙晌2013/14球季、喺莫耶斯領導下開始受到重用，當時一度成為外界焦點，喺15場亮相嘅英超比賽入面，入咗4球同有3個助攻，其後有幾個國家都爭住想佢入藉國家隊，最終贊奴沙就揀咗比利時，仲有得打2014巴西世界盃，不過出場機會就唔係咁多。雲高爾上任之後，贊奴沙都有唔少上陣機會，仲擔任過唔同位置——攻中或翼鋒，不過喺今季有新球員加盟下，最重要喺同佢打同一個位置嘅迪比來投，令雲高爾感覺佢出場機會好少而借佢走，而贊奴沙最終就揀咗多蒙特。
事實上就算贊奴沙喺雲帥麾下有上陣機會，佢嘅風格上應唔會喺雲高爾心目中想要嘅球員。贊奴沙嘅心理質素同成熟度成大家疑問，雲帥對於佢可以打出團體足球方面，信心都唔大，之不過筆者認為偏偏贊奴沙呢種比較表現自我態度，對曼聯進攻有一定幫忙。曼聯依家進攻流暢道有幾高，大家都知，依家體系上有能力可以作個人突破，爆開對手防線為隊友製造機會嘅，就只有馬迪爾一個。迪比完全唔對辦一事，相信球迷同雲帥都無諗過，令雲帥依家晌邊路上派出連格特或者馬達，馬達同靴里拉善於傳送後走位入楔，連格特較努力，但始終都唔係邊路球員，往往出波都靠後上嘅艾殊利楊格。之不過如果由贊奴沙出任返邊位，佢可以憑佢個人腳法突破對方守衛入楔，又或者帶波落底線，都係佢可以勝任嘅地方，而佢嘅突破能力，絕對係曼聯依家正正非常缺乏。不過講就咁講，筆者認為贊奴沙返嚟有無得落場，都要睇佢自己喺唔喺攻之時，防守時回防協助守波，如果佢做唔到呢點，我諗雲帥都唔會畀大多機會佢……
睇住對上咁多場波，曼聯攻力方面弱到咁，雖然近期隊長朗尼狀態返嚟，但都要有人製造埋門機會先得，得馬迪爾一個攪唔掂，贊奴沙嘅創造性可以畀到曼聯多一個選擇。
P.S.由於贊奴沙今季曾幫多蒙特上陣出戰歐霸盃賽事，曼聯嚟緊嘅歐洲賽，贊奴沙唔可以代表曼聯上陣。