雲高爾離隊聲明：教曼聯滿足我野心
事實證明，要做爵爺的繼任人真係一啲都唔易，佢已經唔係傳奇咁簡單…連雲高爾如此名帥，帶曼聯始終都仲係差啲啲。離開曼聯嘅雲帥似乎亦好明白球會決定，發表咗一篇聲明講自己對於高層決定嘅睇法。
佢咁講：「可以教曼聯咁偉大嘅球會絕對係榮譽，亦滿足咗我一直以來嘅野心。我非常榮幸可以助曼聯取得第12個足總盃，亦有幸可以取得個人第20個獎盃。可以取得呢個歷史悠久嘅獎對我而言真係好特別。
只係我唔可以完成3年合約都令我非常失望，因為我對曼聯嘅建構絕對可以帶領球會取得更大嘅成功。我希望足總盃可以成為球會嘅起步點，成為下季進步嘅準備工夫，亦為滿足球迷熱情打下基石。
我教過荷甲、西甲、德甲，一直都好想可以教下英超球隊，感受、融入英國文化。而呢2年亦好符合我嘅期望，感覺良好。
感謝我嘅球員，祝下季你哋成功。同佢哋共事係一件好開心嘅事，見到咁多年輕球員可以打入一隊尤其令我欣慰。下季我好希望可以繼續睇到佢哋嘅進步。感謝曼聯班主、高層畀個機會我去教呢隊偉大球隊，更希望感謝曼聯嘅支持者。佢哋係世上最好嘅球迷！當然亦好感謝我嘅支援團隊同埋教練團，佢哋為我無條件付出我會記得嘅。
我深深感謝球會每一位員工，包括運動科學小隊、醫療小隊、管理球衣及洗滌團隊、管理部門、新聞公作室、領隊團隊、青件軍學院、場地工作人員及餐飲團隊，在奧脫福同威靈頓佢哋都給予我無比堅定嘅支持。我可以講，25年教波經驗當中未試過有團隊畀到咁全面的支持。
最後我想多謝費格遜爵士同卜比查爾頓爵士，佢哋總好歡迎我同我嘅屋企人。好感謝佢哋。」
點都好，雲帥帶畀曼聯嘅成績未必係最好，不過佢引入同提攜嘅小將好似馬迪爾、拉舒福特、科素文沙、波夫域積遜等等都有好理想嘅表現，佢話一班小紅魔可以成為球會基石絕對係合理。就等我哋睇下呢一班小將之後會唔會成為繼92班之後，成為曼聯嘅新世代大將啦！
佢咁講：「可以教曼聯咁偉大嘅球會絕對係榮譽，亦滿足咗我一直以來嘅野心。我非常榮幸可以助曼聯取得第12個足總盃，亦有幸可以取得個人第20個獎盃。可以取得呢個歷史悠久嘅獎對我而言真係好特別。
只係我唔可以完成3年合約都令我非常失望，因為我對曼聯嘅建構絕對可以帶領球會取得更大嘅成功。我希望足總盃可以成為球會嘅起步點，成為下季進步嘅準備工夫，亦為滿足球迷熱情打下基石。
我教過荷甲、西甲、德甲，一直都好想可以教下英超球隊，感受、融入英國文化。而呢2年亦好符合我嘅期望，感覺良好。
感謝我嘅球員，祝下季你哋成功。同佢哋共事係一件好開心嘅事，見到咁多年輕球員可以打入一隊尤其令我欣慰。下季我好希望可以繼續睇到佢哋嘅進步。感謝曼聯班主、高層畀個機會我去教呢隊偉大球隊，更希望感謝曼聯嘅支持者。佢哋係世上最好嘅球迷！當然亦好感謝我嘅支援團隊同埋教練團，佢哋為我無條件付出我會記得嘅。
我深深感謝球會每一位員工，包括運動科學小隊、醫療小隊、管理球衣及洗滌團隊、管理部門、新聞公作室、領隊團隊、青件軍學院、場地工作人員及餐飲團隊，在奧脫福同威靈頓佢哋都給予我無比堅定嘅支持。我可以講，25年教波經驗當中未試過有團隊畀到咁全面的支持。
最後我想多謝費格遜爵士同卜比查爾頓爵士，佢哋總好歡迎我同我嘅屋企人。好感謝佢哋。」
點都好，雲帥帶畀曼聯嘅成績未必係最好，不過佢引入同提攜嘅小將好似馬迪爾、拉舒福特、科素文沙、波夫域積遜等等都有好理想嘅表現，佢話一班小紅魔可以成為球會基石絕對係合理。就等我哋睇下呢一班小將之後會唔會成為繼92班之後，成為曼聯嘅新世代大將啦！