曼聯專區小評：摩帥的「伊巴戰術」
對呢幾年來的曼聯而言，大牌的球星、領隊通通都成賭博，無他，大部分都係無英超經驗嘅佢哋，登陸風格與其他歐洲聯賽迥異的英超，好多都係無好結果：迪馬利亞的一直沉淪、法卡奧的失敗、小豬的表現平平，去到戰術大師雲高爾，其實都係吃盡苦頭。所以對於伊巴謙莫域的來投，筆者其實已經無咩大太期望，因為無打過英超嘅佢步天使、雲帥後塵的機會一啲都唔細。不過先唔好理佢會為曼聯於球場上帶嚟咩，有一啲嘢只係佢出現已經為曼聯帶來改變。就等我哋睇睇呢啲係咩先！
首先，佢係摩連奴於更衣室入面嘅盟友。就由2011年講起，伊巴自傳已經講過佢同摩連奴關係「非比尋常」，佢哋喺國米相遇時直情有啲趙子龍碰上大衛嘅感覺：「摩連奴好直接，佢直情同我講佢需要我…嘅忠誠。我好喜歡佢嘅單刀直入，嗰一刻我哋clicked一聲，撻著咗。從此之後我哋就成為知心好友。」佢講得好啱，因為之後好多蛛絲馬跡都見到2人關係良好，好似伊巴去巴塞時2人私下message；又或者佢去到PSG時都成日同摩連奴熊抱，就知道佢哋有幾好朋友！摩帥雖然都同朗尼好熟，不過留咗咁多年，朗尼勢力點都大啲，而隊中有幾多人唔喜摩帥大家都真係唔知。有伊巴呢位知心友安插喺隊入面，摩帥起碼都多一個盟友，就好似車路士當中林伯同埋杜奧巴一樣，成為摩帥的更衣室「切入點」。
其次，伊巴表唔表現出佢嘅水準都好，以佢嘅霸氣已經可以幫到一眾隊友：最少季初可以。大家有留意到的話，就知佢體測時破咗曼聯力量測試嘅紀錄，再加上佢一向攻門能力驚人，再大膽的球隊都唔會對佢視而不見。於是在場上分兵應付伊巴嘅同時，就會引出空位畀一眾小紅魔發揮攻力，最大潛能嘅拉舒福特、馬迪爾固然多咗發揮空間，連格特、迪比呢啲以速度見稱的小將更需要有一位大將引走敵衛注意。有咗伊巴，正正就令其他隊伍多咗嘢要顧忌，即使佢真係打唔出水準，到見真章時都已經係季中左右嘅時間，已經有唔少比賽場數可以畀曼聯數一數糊，拎定啲分。
而更重要嘅係，伊巴令曼聯同其中一位球壇著名經理人破冰。佢就係拉奧拿（Mino Raiola），佢無文迪斯咁霸道，不過咸鍚、普巴、米希達利恩、盧卡古都係佢啲囝囝。無錯，就係當年普巴事變令拉奧拿同爵爺反目，就連爵爺自己都在自傳入面講佢同拉奧拿係水溝油。家下大佬換咗，摩帥同拉奧拿有計傾，即係曼聯同「奧系」球員又有返連繫，多個友好經理人點都係好事，係唔係？
咁睇法，伊巴嚟到其實係摩帥治軍的一著重要棋子，呢著棋帶嚟嘅初步好處睇落都唔少。不過佢係唔係可以帶來更多優勢？定係會搞亂軍心？咁就真係要放長雙眼，睇睇佢同摩帥喺曼聯產生咩化學作用喇！
https://www.facebook.com/manchesterunited/videos/10153856527917746/
首先，佢係摩連奴於更衣室入面嘅盟友。就由2011年講起，伊巴自傳已經講過佢同摩連奴關係「非比尋常」，佢哋喺國米相遇時直情有啲趙子龍碰上大衛嘅感覺：「摩連奴好直接，佢直情同我講佢需要我…嘅忠誠。我好喜歡佢嘅單刀直入，嗰一刻我哋clicked一聲，撻著咗。從此之後我哋就成為知心好友。」佢講得好啱，因為之後好多蛛絲馬跡都見到2人關係良好，好似伊巴去巴塞時2人私下message；又或者佢去到PSG時都成日同摩連奴熊抱，就知道佢哋有幾好朋友！摩帥雖然都同朗尼好熟，不過留咗咁多年，朗尼勢力點都大啲，而隊中有幾多人唔喜摩帥大家都真係唔知。有伊巴呢位知心友安插喺隊入面，摩帥起碼都多一個盟友，就好似車路士當中林伯同埋杜奧巴一樣，成為摩帥的更衣室「切入點」。
其次，伊巴表唔表現出佢嘅水準都好，以佢嘅霸氣已經可以幫到一眾隊友：最少季初可以。大家有留意到的話，就知佢體測時破咗曼聯力量測試嘅紀錄，再加上佢一向攻門能力驚人，再大膽的球隊都唔會對佢視而不見。於是在場上分兵應付伊巴嘅同時，就會引出空位畀一眾小紅魔發揮攻力，最大潛能嘅拉舒福特、馬迪爾固然多咗發揮空間，連格特、迪比呢啲以速度見稱的小將更需要有一位大將引走敵衛注意。有咗伊巴，正正就令其他隊伍多咗嘢要顧忌，即使佢真係打唔出水準，到見真章時都已經係季中左右嘅時間，已經有唔少比賽場數可以畀曼聯數一數糊，拎定啲分。
而更重要嘅係，伊巴令曼聯同其中一位球壇著名經理人破冰。佢就係拉奧拿（Mino Raiola），佢無文迪斯咁霸道，不過咸鍚、普巴、米希達利恩、盧卡古都係佢啲囝囝。無錯，就係當年普巴事變令拉奧拿同爵爺反目，就連爵爺自己都在自傳入面講佢同拉奧拿係水溝油。家下大佬換咗，摩帥同拉奧拿有計傾，即係曼聯同「奧系」球員又有返連繫，多個友好經理人點都係好事，係唔係？
咁睇法，伊巴嚟到其實係摩帥治軍的一著重要棋子，呢著棋帶嚟嘅初步好處睇落都唔少。不過佢係唔係可以帶來更多優勢？定係會搞亂軍心？咁就真係要放長雙眼，睇睇佢同摩帥喺曼聯產生咩化學作用喇！
https://www.facebook.com/manchesterunited/videos/10153856527917746/