曼聯專區小評：談談普巴回塘
曼聯下個、亦係今季最希望成功嘅重磅收購，如無意外都應該係保羅普巴。幾錢？外間一致認為呢個交易達1億英鎊，已經唔係普通轉會咁簡單，亦係摩連奴重組曼聯的重要一步。只係，呢個咁微妙嘅轉會，當中涉及嘅唔同球會究竟係點諗？
祖記
有一個消息對邊隊有興趣嘅球隊嚟講都係壞消息，就係普巴其實已經身穿下季祖記波衫做宣傳，當然唔係話一件波衫就證明佢留隊，不過呢個舉動意味住唔係天價就買唔到佢。普巴喺都靈都幾開心，同隊友又幾好朋友，更重要係有歐聯打，要走真係要啲誘因先得。
皇馬
根據Skysports 嘅西班牙線眼，普巴其實都唔係咁忠心祖記，佢係想走嘅。而佢最想最想，就係去皇馬：「普巴其實係好清楚自己要咩，佢好想今夏成為銀河艦隊一員。佢其實已經同施丹傾過計，亦表明自己想投施丹麾下。」咁睇，即係皇馬想要，普巴又想走，其實真係好夾。只係，Skysports提出有一個問題皇馬係解決唔到，呢個可以話係關決心事，亦可以話關財力事：因為連皇馬自己都認為，講畀錢多，佢哋一定唔夠一個球會嚟：「有間球會肯出錢，而且係瘋狂的天價。皇馬根本唔想，亦唔肯出同價去爭。」
曼聯
講到呢到，當然就係要講曼聯。普巴第一志願唔係曼聯，亦有祖記近水樓台，曼聯有咩優勢？無錯，只有錢。只係呢個世界「no money no talk」，錢可以話係球壇不得不講嘅事情。1億英鎊，即係脫歐前1億3200萬歐羅，脫歐後1億1700萬歐羅，跌咗，不過仍然係天價（咁似香港啲樓價嘅？）老老實實，畀得呢個價，你可以話係土豪至極，亦可以解讀為一種決心，非要得到普巴不可。如果真係出到呢個價，而皇馬呢個最大競爭對手退場，祖記因錢份上接受offer亦絕對唔係一件怪事。
你話普巴值唔值？又或者你話佢係反骨仔，要唔過？其實當年筆者都認為佢太心急，太二五，你要走，確實真係唔應該留。根據前曼聯教練麥吉尼斯（Paul McGuinness）所講，當時曼聯對佢已經係仁至義盡，唔係對佢唔好，只係佢經理人似乎係最大黑手。當時佢帶住普巴羸2011年fa cup青年盃，好認識普巴嘅潛力：「其實普巴當時在青年軍很受歡迎。個個小將都仰慕佢。」只係呢個時候佢就簽咗拉奧拿，一個同爵爺好唔啱嘅經理人，已經出現危機；再加上有一場比賽朗尼、史高斯、費查、伊雲斯、吉遜通通都唔可以上陣，普巴以為自己有機會，最後都無得出場，令拉奧拿多咗本錢同佢講離開的問題。
呢位人兄推波助瀾之後，曼聯意識到普巴走唔係講玩，於是拿拿臨出價，加到2萬鎊周薪，已經係年輕球員中最貴嘅人工，只係佢屋企人同埋經理人都仲係唔滿意。而當祖記出offer之後，曼聯更提出一張同祖記offer打個和嘅合約畀佢。去到咁盡，普巴都仲係唔簽，於是連爵爺都嬲嬲哋，一氣之下連歐霸盃都唔帶普巴去，仲要普巴一個人訓練好好冷靜一下。你估佢會唔會妥協？其實結果係點，大家都知。
講到呢到，大家都睇得出普巴都幾受屋企人、經理人影響，不過於筆者的角度，一隻手掌拍唔響，唔係呢位小朋友咁急功近利，佢都唔會急住要轉投祖記，始終都係賣走好。你話佢有無潛質？有就有，連亨利都讚佢可能係世上最好嘅中場之一，可以有能力令中場維持平衡。只係能力還能力，心態其實都好重要，佢可能真係好叻叻，不過筆者寧願用乖乖仔、態度一流嘅靴里拉同馬達，都唔想捉隻普巴入米缸。只係家下摩連奴當家，佢認為對球隊有幫助、不惜大攦金錢要普巴，我哋一班球迷又可以點呢？如果法國贏埋歐國盃，普巴就會更貴。應該係，除非唔係。
祖記
有一個消息對邊隊有興趣嘅球隊嚟講都係壞消息，就係普巴其實已經身穿下季祖記波衫做宣傳，當然唔係話一件波衫就證明佢留隊，不過呢個舉動意味住唔係天價就買唔到佢。普巴喺都靈都幾開心，同隊友又幾好朋友，更重要係有歐聯打，要走真係要啲誘因先得。
皇馬
根據Skysports 嘅西班牙線眼，普巴其實都唔係咁忠心祖記，佢係想走嘅。而佢最想最想，就係去皇馬：「普巴其實係好清楚自己要咩，佢好想今夏成為銀河艦隊一員。佢其實已經同施丹傾過計，亦表明自己想投施丹麾下。」咁睇，即係皇馬想要，普巴又想走，其實真係好夾。只係，Skysports提出有一個問題皇馬係解決唔到，呢個可以話係關決心事，亦可以話關財力事：因為連皇馬自己都認為，講畀錢多，佢哋一定唔夠一個球會嚟：「有間球會肯出錢，而且係瘋狂的天價。皇馬根本唔想，亦唔肯出同價去爭。」
曼聯
講到呢到，當然就係要講曼聯。普巴第一志願唔係曼聯，亦有祖記近水樓台，曼聯有咩優勢？無錯，只有錢。只係呢個世界「no money no talk」，錢可以話係球壇不得不講嘅事情。1億英鎊，即係脫歐前1億3200萬歐羅，脫歐後1億1700萬歐羅，跌咗，不過仍然係天價（咁似香港啲樓價嘅？）老老實實，畀得呢個價，你可以話係土豪至極，亦可以解讀為一種決心，非要得到普巴不可。如果真係出到呢個價，而皇馬呢個最大競爭對手退場，祖記因錢份上接受offer亦絕對唔係一件怪事。
你話普巴值唔值？又或者你話佢係反骨仔，要唔過？其實當年筆者都認為佢太心急，太二五，你要走，確實真係唔應該留。根據前曼聯教練麥吉尼斯（Paul McGuinness）所講，當時曼聯對佢已經係仁至義盡，唔係對佢唔好，只係佢經理人似乎係最大黑手。當時佢帶住普巴羸2011年fa cup青年盃，好認識普巴嘅潛力：「其實普巴當時在青年軍很受歡迎。個個小將都仰慕佢。」只係呢個時候佢就簽咗拉奧拿，一個同爵爺好唔啱嘅經理人，已經出現危機；再加上有一場比賽朗尼、史高斯、費查、伊雲斯、吉遜通通都唔可以上陣，普巴以為自己有機會，最後都無得出場，令拉奧拿多咗本錢同佢講離開的問題。
呢位人兄推波助瀾之後，曼聯意識到普巴走唔係講玩，於是拿拿臨出價，加到2萬鎊周薪，已經係年輕球員中最貴嘅人工，只係佢屋企人同埋經理人都仲係唔滿意。而當祖記出offer之後，曼聯更提出一張同祖記offer打個和嘅合約畀佢。去到咁盡，普巴都仲係唔簽，於是連爵爺都嬲嬲哋，一氣之下連歐霸盃都唔帶普巴去，仲要普巴一個人訓練好好冷靜一下。你估佢會唔會妥協？其實結果係點，大家都知。
講到呢到，大家都睇得出普巴都幾受屋企人、經理人影響，不過於筆者的角度，一隻手掌拍唔響，唔係呢位小朋友咁急功近利，佢都唔會急住要轉投祖記，始終都係賣走好。你話佢有無潛質？有就有，連亨利都讚佢可能係世上最好嘅中場之一，可以有能力令中場維持平衡。只係能力還能力，心態其實都好重要，佢可能真係好叻叻，不過筆者寧願用乖乖仔、態度一流嘅靴里拉同馬達，都唔想捉隻普巴入米缸。只係家下摩連奴當家，佢認為對球隊有幫助、不惜大攦金錢要普巴，我哋一班球迷又可以點呢？如果法國贏埋歐國盃，普巴就會更貴。應該係，除非唔係。